السلام عليكم ورحمة الله وبركاته
بليز يا ادارة تنزلوا موضوعي بأسرع وقت
ومعليش اذا كان المشكلة طويلة وغير مرتبة بس ماعندي احد افضفض له غيركم
انا عمري 15 سنة انا اعتبر جمالي متوسط وراضية عن جمالي والحمدلله
مشكلتي بدت من كان عمري 6 سنين
لما كان عمري 6 سنين كنت لما اروح زواجات او عزايم كانوا قريباتي الي بنفس عمري يجون عندي و يقولوا لي: يوووه شوفوها بسم الله تخوف ويضحكوا في وجهي ويروحوا وكمان في بنات اذا طالعت فيهم لو بس بالغلط تشمق علي بعدين تروح وهذي الحركات كلها من بنات عمرهم 6 سنوات اجل وش خلوا للكبار وصراحة مرة تحطمت ذاك اليوم , بس امي الله يحفظها ويطول في عمرها ويدخلها الجنة
لما قلت لها عن هذه المواقف كانت تقول لي دايم عشان انتي احلى منهم غيرانين منك
وكانت تقول لي انتي ذاك اليوم لبستي ذهب وهم مو لابسين عشان كذا هم غيرانين ودايم امي تقوي من ثقتي في نفسي الله يحفظها والحمدلله نسيت سالفة هذوليك البنات ولما اتذكرهم اقعد اضحك
ولما كنت في صف اولى ابتدائي رجعت المعاناة
وتخيلوا مع كل البنات المدرسة وكانوا صحباتي عندهم اخوات في نفس الابتدائي او الي امها معلمة فلما اكون جالسة معهم فجأة كلهم يقوموا والي تروح عند امها او عند اختها ويجون عندي سنة سادس او خامس ويتريقوا علي وبعض الاحيان يضربوني كف بس نادر وصرت اكره وقت الفسحة بس المعاناة ما وقفت كمان في الفصل فيه بنتين دايم يضربوني وياخذون بقايا الممحاة ويحطونها على راسي ويقولوا يووه شوفوها صارت عجوز
بس انا حاولت اتعرف على بنات وكذا والحمدلله تعرفت على بنتين قلت هذول راح يكونوا صحباتي بس فجأة صاروا يكرهوني ويقولوا روحي انتي ماعندك اخت موجودة في المدرسة عشان هذول البنتين اخواتهم صحبات بعض ورجعت كمان للوحدة
وفي بيتنا بس ابكي ابكي ابكي على اتفه شيء ابكي حتى اهلي خافوا يحسبون ان فيني عين ولا وحدة هددتني او شيء
وتخيلوا كل هذه المواقف في سنة اولى ابتدائي يعني عذااااااب بمعنى الكلمة
ولما صرت رابع ابتدائي صار عندي صحبات وكنت مررررة فرحانة بس اكتشفت انهم مصادقيني عشان مصلحة وعشان انني ممتازة
وكمان في حصة الفنية كانت المعلمة دايم تمدح رسماتي وصارت وحدة من صحباتي تقول لي ارسمي لي زي رسمك ولا ترا بزاعلك(وانتم تعرفوا اثر هذه الكلمة على بنات الابتدائي ههههههه)وانا كنت ارسم لها مثل رسمي وهي كانت تروح تلعب وتبسط وكمان تقول لي خلي المعلمة تصحح لك اخر شيء لا تقول انك تشبهين رسمتي(والحمدلله على كل حال)
ومرت المرحلة الابتدائية على خير والحمدلله البنات صاروا يعرفون شخصيتي وصار عندي صحبات كثيرات والكل يحبني ولله الحمد
وكنت مرررررة متحمسة للمرحلة المتوسطة وفرحاااانة عشان بكون كبيرة وكذا عارفين شعور بنات الابتدائي هههههههههههه
والحمدلله دخلت المتوسط ومرت اول 3 اسابيع على خير ومن بعدها صاروا ثاني وثالث يبغون يتعرفون علينا وكذا وكنت لما اتعرف عليهم لازم اتعرف عليهم ومعاي صحباتي احس ماارتاح لما اجلس مع بنات ولا وحدة اعرفها بعدين تعودت على الوضع وصرت اتعرف عليهم لحالي
بعدين جو عندي بنتين من سنة اولى قالوا تعالي بنتعرف عليك قلت اوك وانا فرحانة وبحسن نية انهم صدق بيكونوا صحباتي وكذا
المهم وانا امشي معاهم الاحظ انهم يضحكوا لما اتكلم او امشي يعني يسألوني سؤال لما اجاوب عليه يضحكون وعرفت انهم يتريقوا علي وحتى صحباتي لاحظوا وقالوا لي لا عاد تمشين مع أي احد بس امشي مع صحباتك وانا اخذت بنصحيتهم لانهم بصراحة احرجوني كل صحباتي عرفوا انهم يتريقوا علي وحسيت نفسي هبلة ماراح اقول غير حسبي الله عليهم ونعم الوكيل عليهم
وما وقفت الاهانات حتى لما امشي لوحدي بروح فصلي توقف فجأة قدامي بنت سنة ثاني او ثالث وتقول لي شنو اسمك ؟ ولما اقول لها: ماابغا اقول اسمي. او عيدي ماسمعت(لان بعضهم احس ماشاء الله ماكلين مسجل) يفطسوا ضحك ويضحكوا بصوت عالي حسيت كأني قلت لهم نكتة والي اسويه بس اشمق عليهم واقول استغفر الله او الله يشفيك واروح عنهم
وياكثر ما مريت بمثل هذه المواقف وصراحة مرررة شكيت بنفسي ودايم اسأل امي اقول يا امي شعري فيه شيء وجهي فيه شيء إلا ان امي شكت من الاسئلة حقتي وقلت لها عن مواقفي مع هذول البنات
وامي قالت لي:لا تجادليهم لان شكلهم من البنات المشكلجيات الي يبغون أي وحدة ويتضاربوا معاها واذا ضايقوك او سبوك بس قولي حسبي الله ونعم الوكيل فيهم وكمان لا تمشين لحالك امشي مع صحباتك عشان لو وحدة تبغا تكلمك طنشيها وعلى طول لفي على صحبتك وسولفي معها عشان هذي الحركة تقهر البنات قهر ههههههههه الحقران يقطع المصران
والحمدلله بفضل الله ثم نصائح امي قدرت اتخطى هذي المرحلة
واذا وحدة ضايقتني او سبتني اكون متضايقة بس لما اقول حسبي الله ونعم الوكيل فجأة احس بفرح غير طبيعي وماكأن احد توه ضايقني او استهزء فيني واعيش يومي بسعادة
وكمان صارت شخصيتي قوية ومااخلي احد يتسغلني وصار شيء عادي عندي انني اصادق وحدة مثلا 5 سنوات بعدين تزعل مني بدون سبب اقول لها فرقاك عيد واروح ادور على صحبات غيرها بدون مااسألها ليش زعلانة مني لانني واثقة اني ماسويت لها شيء وصرت مااثق بالوحدة بسهولة لاني سويت تجارب من الابتدائي وتعلمت
وحتى صحباتي يقولوا انتي طريقة كلامك كأنك بنت في الجامعة ما كأنك في المتوسط
بس للأسف للحين المضايقات موجودة
ورجاء لحد يعلق تعليق يجرح
(قل خيرا او اصمت)
اتعرض لمضايقات كثيرة (فضفضة) مجابة
هذه ليست مشكلة
رد مع اقتباس
