عنوان الموضوع : نفسيتي صارت زفت من زوجي الطبيب يجيب
مقدم من طرف منتديات نساء الجزائر

نفسيتي صارت زفت من زوجي



السلام عليكم ورحمة الله وبركاتة

اخواتي انا متزوجه من سنيين ونص تقريبا بعيد الاضحي تيصير ثلاث سنوات وعندي بنت عمرها سنة ونص .... وحاليا يمكن حامل !

زوجي اكبر مني بكثثثير تقريبا فرق العمر 22 سنة .... تزوجتة لان كل مايخطبني احد اخوي يرفض بدون اي سببب ولما تقدم وافق وقال ماراح اوافق على احد غيرة !
وطبعا زوجي متزوج وعنده بنات وعيال بنته الكبيرة انا اكبر منها بسنتين بس وهي متزوجة..

مشكلتي الحين مع زوجي لانه فعلا كرهني حياتي وكرهني كل شي حولي حتى صرت اكرهه ومااابيه .......
بنات لما اقعد اسولف معاه بس يعيب على كلامي ... واطنش
حتى الاكل اللى اسوية مرات يعجبه ومرات لا واطنش...
ولما اطلع معاه يقولي انتي بس تبين الفرارة والطلعه ..... واسكت مااقول شي ...
كل عطلة طويلة للمدارس يعني مثل العطلة تكون اسبوعين جيبي عياله عندي وانا اخدمهم
بطبخ وغسيل ملابسهم وتنظيف البيت ( هم بمنطقه وانا بمنطقة)
ولما يجون يتعامل معاي كاني وحده غريبة مو زوجتة !
وقبل كم يوم كنت اسوي له مساج لظهرة قال انة يعورة سويلي مساج ....
المهم وانا اسوي له مساج قالي فلانة ( زوجتة الاولي) احسن منج بـ ...# فهمكم كفاية#
والله انفهرت منه حيييل مااعتقد في رجال ممكن يقول جذي لزوجتة

وبعد بنات انا بمنطقه حيييل بعيده عن اهلى ..... وانا بالهمنطقه مااعرف احد فيها ومحد يحب يتعرف على احد بالذات الحريم ....
ومرة توظفة بوظيفه ماعليها ماشي حالها يقولي ماابي احد يعرف انج زوجتي !
والله يابنات اني انقهره حيييل منة ....
حتي السفر محرم علي زوجتة وعياله عادي وين مايروحون يروحون واذا تحركو من مكان لمكان يقولون للكل اللي يعرفونهم انهم راحو على مثلا قطر
وانا مايصير اسافر لاااي مكان مره رحت على الاردن يوم ورجعت وحطية صورتة مع بنتي لما كانو بالاردن حطيتها بالواتس .... بنات تخيلو قام ثاني يوم من النوم قبل صلاة الفجر واخذ جوالى وحذف صورتة هو وبنتي وكل الصور اللى كنت مصورتة بالاردن!
وقال لان زوجته وبناتها شافوها وزعلو ! وتهاوشت معاه بس مايفيد معاه اي شي
وبعد حتي مصروف مايعطيني نهائيا الا لما اقول له وطبعا مايعطيها لى الا بعد ثلاث او اربع شهور !يعطي 500 ريال بس لي ولبنتي وانتم تدرون ان الصغار لازم دايما يكونن كشخه بالذات اذا طلعو...وانهم بعد بسرعة يكبرون يعني لازم اشتري لبنتي .. حتى صرت مااهتم بشكلي ولا بلبسي لاني فعلا مليت
ومره رحت على اهلى وكنت ابي اتطلق من زوجي بالبداية وافقو وبعدين قالو لا مافي طلاق
تظلين معلقة ولاتطلقين
يعني مهم مهتمين باي شي بس اهم شي اني مااتطلق
والله يابنات لما كنت اهلى جت زوجتة وبناته واقصن كل ملابسي بالمقص هذا غير اللى هن ماخذاتهن اقوله ويقولي محد قالج روحي على اهلج
والله العظيم ميتة قهررررررررررر....... واذا احد بيقول ليه حملتي بما ان الوضع جذي
حملت لاني ماابي بنتي تعيش وحيدة ......

ادري طولت عليكم بس ماعندي بعد الله الا انتم .....

حطو نفسكم بمكاني وقول شنو بتسوون!

>>>>> ردود الأعضـــــــــــــــــــاء على الموضوع <<<<<
==================================


روحي للقاضي اشتكي وهو يطلقك
اصلا اهلك رموكي لاتنتظري منهم يساعدوك بالطلاق نجوم السما اقربلك


__________________________________________________ __________

رفع

اشهد ان لا الله ال الله
وأشهد ان محمد رسول الله


__________________________________________________ __________

هذا ظلم شوفي احد اقرب الك واحكيلة وان شاء الله بيساعدك
يااما يحسن من تصرفاتة ولا انك لاتعيشي معاه الله يعينك


__________________________________________________ __________

لاحول ولاقوة إلا بالله ...الطلاق مو حل خليه اخر شئ بالحلول وكلمي اخوك اللي سعى بزواجك وخوفيه قولي له حل وضعي ولا ادعي عليك وذكريه انك تعانين وأنك تقومين لصلاة الليل وتعدين على من ظلمك وانتي حاولي مره ومرتين تتحاورين مع زوجك وتعرفين نقاط ضعفه ولاتنسين ادعي بسجودك ربك يحنن قلبه عليك ويسخره لك ....دعواتك لي ربي يعجل بأمر زواجي ع خير


__________________________________________________ __________

الله يعينج حبيبتي قيمي الليل واستغفري كثيييير وادعي الله يهدي زوجج ويحنن قلبه عليج
الله يعينج والله مدري وش بقلج ثاني غير كذا !!!