خطيبة أخوي والله احترت -لصحتك

[aksachli]

عنوان الموضوع : خطيبة أخوي والله احترت -لصحتك
مقدم من طرف منتديات نساء الجزائر

خطيبة أخوي والله احترت



السلام عليكم ورحمة الله وبركاته
وشلونكم ياربيه بالله نزلو مشكلتي
ضرووووووووووووووووووووووووووووووووووووووري

صديقي (اخوي بالرضاعه) احب اقوله صديقي لان من جد هو صديقي المقرب اقرب من صديقاتي البنات ماشاء الله اكبر مني تقريبا باربع سنوات كل سوالفه عندي ارتاح بالكلام معه اكثر من خواتي وكل شي يخصه عندي وحتى مشاكلي بعد اكلمه فيها وهو عايش في بيتنا اكثر من بيت اهله ويموت علينا يحب بنت مقيمه وجنن امي عشان تقنع امه و تخطبها هو الي استقعد ورى البنت عشان تاخذه وسالفه طويله لين وافقت البنت وخطبها بس ما حدد موعد الزواج

هو من يوم خطبها (تملك) وهو يقول احسها ماخذتني كذا من كثر ما استقعدت لها احسها تنتقدني اكثر من انها تمدحني او تكلمني وبعدين تقعد اسبوع واسبوعين ما تتتصل او ترسل ولين دقيت عليها او ارسلت تكلمني شوي وحتى حبيبي عمري حياتي ذا الكلام مافيه وبس طلعت معي مرتين وطول الوقت ساكته و اذا تمشينا وقلت لها هالشي بطلع حلو عليك او بغيت اشتري لها شي ترفض
ومرات يقول شكلها كانت تعتبرني صديق مو حبيب وانا فهمت السالفه غلط
وانا اعرفه هو رومانسي ويحب الي البنت تهتم فيه ودلعه وكذا ومن يوم خطبها متغير بس يفكر كيف يرضيها ودايما متنرفز

فكرت اني اتقرب من البنت واعرفها اكثر لاني بنت بفهم عليها دقيت عليها وقلت لها انا بعزمك وخلنا نروح مطعم اليوم وانا وانت بس وابي اعرفك اكثر والبنت رحبت وعادي رحت يوم طلعت معها البنت مره مستحيه وساكته وهاديه وانا اسولف اسولف فوق راسها وهي يالله ترد ويوم جيت احاسب مارضت ادفع الا يوم حلفت وقلت لها انا عازمتك ما يصير تدفعين
وحاولت اتقرب منها لاحظت ان البنت عندها حياء وعزة نفس وكرامه فظيعه ما تحب تطلب من احد ماتحب تثقل على احد يعني لين جيت على الواتس اب اكلمها اقولها ليه ماتكملني تقول ما احب ازعج ما ادري اذا بكلمك بهالوقت تكوني فاضيه او مشغوله
ومره رسميه مع الكل ويوم سألت عنها قالو انها مره غامضه وتحب تكون في حالها انا رحت وعلمت اخوي وهو استغرب قالي يعني انا بصير زوجها كيف تتعامل معي كذا انا
ذيك المره طلعت معها وصرت اسألها عن اخوي واقولها وش رايك فيه ما علقت عليه كثير وقلت لها ليه ما تطلعون مع بعض تسولفون اخوي يحب يطلع يحب الاهتمام وقمت المح قدامها بالاشياء الي اخوي يحبها ومايحبها فقالت انا عندي تردد بموضوع الزواج انا هنا انصدمت قلت ياليتني ما تكلمت قلت لها ليه قالت فيه اختلافات بينا كبيره قلت لها وش الاختلافات انت مسلمه وعربيه وسمعتك واخلاقك تمام وحنا مثلك وين الاختلاف قالت عند اخوك افكار واسلوب في الكلام يخلي اعيد تفكيري بزواج كل مره عشان كذا انا مو حابه اتواصل معه كثير عشان ما يتعلق فيني اكثر واحسن ان ممكن تصير مشاكل من ورى الكلام بشكل يومي والاتصال والمقابلات الاسبوعيه بس كل ما تكلمنا بموضوع افكاره مره مغلقه يعني انا انسانه من طفولتي تعودت على الاستقلاليه والحريه بحدود والاعتماد على النفس لكن اخوك مو مثلي وكثير اشياء لين كلمته فيه زي الي ياخذني على قد عقلي او ما يهتم وانا مااحب الي تصرفاتهم كذا سألتها طيب يعني ليش ما قلتي هالكلام من قبل قالت لاني كل ما استخرت اميل للموافقه ما ادري ليه قلت لها طيب بجد يعني انت وش رايك فيه كانسان انت تحبينه صدق او لا قالت هالشي هو يعرفه مايحتاج تسالين عنه قلت لها طيب لو تغير موب جايتك فكرة التردد قالت اذا تغير فعلا قول وعمل اكيد مارح اتردد قلت لها طيب ليه انت ما تتكلمني معه كذا ليه ما صارحتيه قالت ان هو ياخذ الموضوع زي كلام وانتهى وخلاص وانه شي ماله داعي نتكلم فيه
انا فهمت قصدها يوم قالت افكار مغلقه واختلاف ما تقصد من ناحيه دينيه تقصد ان فيه اشياء اخوي يبالغ فيها وهي صادقه يعني بقولكم امثله بسيطه اخوي مثلا لين تكلمت بلهجتها يقولها لا تكلمني مثلنا احسن لين ولين اختلط كلامها بالانجليزي يقولها ماله داعي تتكلمين بالانجليزي عند الكبار بسن يقصد جدتي
يعني هي تحس زي الي انه يبي يلغي علاقتها باصولها من تعليقاته على بعض الاشياء و هي لين تكلمت بالانجليزي مو قصدها شوفو تراني اتكلم انجليزي بس لا لان اغلب درستها وحياتها كانت مع ناس مو عرب
ويوم مره فتحت جوال اخوي اشوف الواتس اب معها لقيت فعلا فيه اشياء اخوي مادري كيف زي الي يبيها تتحول لانسانه ثانيه

انا ما ادري وشلون بوصل كلامها لاخوي خاصه انه مره يتحسس من ذا الشي وانه متنرفز وذي المره الي جلست معها كانت صريحه وتكلمت وقالت كل شي والله مره خايفه يصير فيه شي لو صارحته خاصه انها من اسبوعين ما كلمته الا مره لا وعلى الواتس مو جوال بعد وكل ما بغى يكلمها تقوله مشغوله ما اقدر وهو مره متعلق فيها احس كل شي جا براسي وعلمت امي شوي من السالفه قالت لا تقولين له قلت طيب اقول لامه يمكن تنصحه قالت امه تعبانه مانبي نزيدها
كيف اعمله بجد مره مو عارفه اقوله شي او كيف ابدا او اعلمه



>>>>> ردود الأعضـــــــــــــــــــاء على الموضوع <<<<<
==================================

الله المستعان انا اقول توكلي على ربك وقوليلة ومهديلة في البداية لان لابد يوم من الأيام حايدري من نفسه وذيك الساعه حايلومك ليش ماقلتليلي
قوليلة ولاتخبي علية صح ان الأمر راح يصدمة في البداية بس بعدين راح يرتاحو والزواج قسمة ونصيب الله يكتبلكم إلي فيه الخير

__________________________________________________ __________

لازم اخوك يكون متعاون مع البنت الي يبي يتزوج بنت مو من بلده لازم يفهم ان فيه اختلافات كثيره عليه وعلى الي يبي يتزوجها و اذا على قولتك يبي يقطع علاقتها باصولها مره أوفر صراحه يعني دام الوضع كذا ليه ما يخطب مواطنه بدل ما يسوي تحويل لبنت الناس هو باسلوبه يحسسها انها غريبه و البنت متخوفه من كلامك ان ممكن اخوك بعدين يصير يضغط عليها بأشياء يعني هي مقيمه و بغربه اخوك لازم يراعي هالشي و يحتويها اكثر و يتعاون ويتفاهم معها
سبحان الله الاحظ ان الشاب العربي اذا تزوج بنت عربيه مو من بلده يبيها تصير غصب مثلهم اما لو متزوج غير عربيه بقول خليها على رحتها هذولا غير
ياليت توضحين هالنقاط لاخوك لا تقولي البنت متردده
قولي له ان لازم تكون متعاون معها اكثر ومتفاهم وتدعمها وتساعدها وتتناقش معها وتخليها تحس بالامان و انها مو غريبه و بالعكس اذا تكلمت بكلامهم حاول تتكلم مثلها من باب المداعبه و لا تنتقد الاشياء الي ما تعرفها علمها عليها باسلوب حلو

__________________________________________________ __________

والله كيفها مو هي وافقت ورضت باخوك وبعدين في كلمه قالتها وحسيت البنت مقتنعه وهي انها كل مااستخارت مالت للموافقه هالشي حسسني انه في قناعه ورضى من قبلها والشي الثاني وااضح من كلامك عن تصرفاتها انها غاامضه وماتحب تفصح عن مشااعرها وهالشي بشخصيتها صعب تغيرينه بعد الزواج والعشره يمكن تاخذ الامور بينهم للوسطيه ويصير فيه تفااهم ماتدرين
وانا من راي لاتتدخلين فيهم واخوك لو تروحين له وتقولين له كذا كانك قااعده تفرضين شخصيه البنت عليه اي رجل مارح يقبل بها الشي
هو في امور تضايقه في البنت وتكلم معها فيها
عااادي جدا تصرفه
هي المفروض تناقشه وتكلمه كذا بيفهمها اما تسكت وتقولك مغلق ومدري كيف لا صرااحه اسمحيلي هي الغلطانه وحتى لو كلمته وسكر الموضوع او شافه مو مهم
المفروض ترجع تكلمه مره ثانيه وتقوله انا زعلانه ابيك تفهم وجهة نظري
مو اخوك متضايق لانها ماتكلمه ولا تسال كثير خليها توضح له السبب وتحاول تتفاهم معه
وبعدين لكل بنت مخاوف وافكار قبل الزواج
وهذا واضح من كلامها يوم تقولك مااحب ادق كثير يمكن يكون مشغول ولا موفاضي
يمكن هي مع ان البنت تكون رسميه بالملكه وتخاف تصير مشاكل بينها وبينه
فتبي الامور تكون صح لين يتم الزواج
واضح انها مااخذته عن رضى واستخاره بس في تصرفات من اخوك مو عاجبتها
وهذا الشي عااادي كلنا في بعض الامور او التصرفات كانت تضايقنا بالملكه بس بعد الزواج تفاهمنا مع بعض واستقرت حياتنا وانتي قولي لها هالشي
انا قلتلك وجهه نظري ولو انه اخووي والله مااقوله هي متضايقه لانك كذا وكذا مستتتحيييل اتدخل بينهم بكره تطيح فوق راسي
بس من بنت لبنت ممكن اوضح لها حلول وعااد هي بكيفهااا
اتمنى اكون افدتك
سلام

__________________________________________________ __________

مستحيل تتغير من المرة الاولى واخوك يبي يغيرها بيوم وليله مستحيل مهديلو الكلام وبعدها قولي له كل شي
البنت تبغاه وباين من الكلام بس خايفه مايتقبلها او في مشاكل راح تصير بينهم
خلي اخوك يهدا ومايتعجل عليها هي مع الاختلاط بيكم راح تتغير صدقيني

__________________________________________________ __________

مستحيل تتغير بيوم وليلة