عنوان الموضوع : مشكلتي بالفهم والكتابه مهمه الطبيب يجيب
مقدم من طرف منتديات نساء الجزائر

مشكلتي بالفهم والكتابه مهمه



السلام عليكم ورحمة الله وبركاته


ارجو من الاداره طرح مشكلتي


اعاني من مشكله بالفهم والكتابه كانت عندي من الطفوله يعني وش اساس المشكله ما اعرف

قبل لا ادخل المدرسه كنت اشوف الجرايد واقلد كتابة الاحرف و اكتب جمل طويله بس ما ادري وش تعني هذه الجمله او وش هالاحرف الي اكتبها زي كاني اشوف رسمه واقلدها دخلت المدرسه ما كنت اعرف ولا شي لا احرف لا كلمات ومادري عن شي بجد كرهت المدرسه ما اعرف اكتب وكنت ابكي ومابي اروحها لانهم كلهم في اولى ابتدائي يعرفون يكتبون الا انا ما استوعب شي ما افهم شي

واهمال الاهل كان له دور كبير مع الاسف كلهم متعلمين وجامعين و يتكلمون انجليزي وفرنسي بس ما احد فكر يدخلني روضه او يأسسني يمكن لان الحياه ومشاكلها اشغلتهم
غير المشاكل الماديه والعائليه والالخ
المهم اولى وثاني كانو يمشون لنا عشانا اطفال بس ثالث ابتدائي كل علاماتي كانت تنزل بسبب الاملاء فكانت في كم مدرسه متعاونه تقولي دامك تعرفين الاجابه الصحيحه سمعي لاني مره كنت قويه بالحفظ بس مو شرط كل شي احفظه افهمه وفيه اشياء ما كنت اعرف اقراها بس احفظها من الي قالها لي

في صف خامس ورابع جبت جيدجدا وكنت بس اسمع انتقادات من المدرسات ماتعرفين املاء ماتجيبين علامات لان مانفهم وش تكتبين تعاونت معي مدرسه واحده كانت تعطيني قطعة الاملاء وتقولي ادربي عليها اروح البيت ادرب عليها طول اليوم و خواتي يدربوني وعمتي وامي بس خلاص نفس الشي اجيب فيها جيد حتى جيدا جدا ما اجيب مو فاهمه وش مكتوب قدامي في صف سادس كنت اقعد في المكتبه مقهوره فاتحه كتبي مو مستوعبه بعدين صرت اقرا في موسوعات واسال و اشتغلت على نفسي لين وصلت ثاني متوسط صرت شاطره بالاملاء واعرف اكتب كل شي و تحسن عندي الفهم لكن الصداع والالم كان ملازمني
واشتغلت على نفسي الين تخرجت رجعت اعاني من نفس المشكله في اللغه الانجليزيه وقت مادخلت الجامعه والي ساعدني ان الامتحانات اونلاين يعني مافيها كتابه و الحفظ عندي تمام
اصم الكتب صم فيه سنه ثانيه واولى العلامات كلها امتياز بعدين سنه ثالثه لان صارت الاسئله كتابه و على الفهم رحت فيها وانخفض معدلي والدكتورات كلهم منصدمين مني في سنه ثالثه شفت فيلم هندي لطفل نفس حالتي اسم الفيلم تراي زمين بر اعتقد المشكله الطفل لقى من يساعده بس انا مالقيت احد وساعدت نفسي بس الى متى اعاني من هالمشكله وفهمت ان الي عندي صعوبات تعلم وعسر قراءه وفهم قلت لاهلي بروح لمركز اتعالج قالو انتي تتوهي طيب علاماتي مشاكلي في الاملاء والفهم هذا كله توهم الكل يقولي انتي ذكيه حتى الدكتورات بس ما يدرون ان سبب ذكائي هو اني كنت احفظ واجيب علامات عشان كذا شاطره لكن حتى ذاكرتي الان مادري وش فيها

عمري 21 سنه واعاني ابي مركز يساعدوني اروح لهم من دون ما اقول لاهلي او دكتورات او اي احد عنده نفس المشكله كيف تغلب عليها كيف قدر ينهي كل مشاكله اللغويه والكتابيه بجد صرت انحرج من الدكاتره والبنات ما اعرف اكتب مااعرف ادبر شي

>>>>> ردود الأعضـــــــــــــــــــاء على الموضوع <<<<<
==================================


والله مادري ب ايش اقدر اساعدك .!!

ماعندي الا ادعيلك الله يفرج همومكك

لااله الا انت سبحانك اني كنت من الظالمين


__________________________________________________ __________

انا ماشوف عندج مشكلة كتابتج ماشاء الله واضحة واسلوبج مفهوم يعني اللي عنده مشكلة ما بيقدر يكتب بهالمستوى!


__________________________________________________ __________

هذه مشكلة طبية اسمها ديسليكسي،الله يشفيك و لازم متابعة من مختص و من عمر الطفولة،لا اقول ان الوقت فاتك و إنما يجب طلب المساعدة للتخلص من المشكلة،ليتك وضحت مدينة سكناك حتى ترشدك الاخوات التي تعرف المراكز و مكان تواجدها...الله يشفيك!


__________________________________________________ __________

اعتذر ماعندي خلفية عن الموضوع الله يشفيك ويساعدك


__________________________________________________ __________

المشاركة الأصلية كتبت بواسطة gollnaz
انا ماشوف عندج مشكلة كتابتج ماشاء الله واضحة واسلوبج مفهوم يعني اللي عنده مشكلة ما بيقدر يكتب بهالمستوى!

كلامهااا صح
انتي بس اعطي نفسك الثقه وشوفي النتيجة