عنوان الموضوع : لا اتحمل اي شي واتنرفز من اي شي. مجابة
مقدم من طرف منتديات نساء الجزائر

لا اتحمل اي شي واتنرفز من اي شي.



بسم الله الرحمن الرحيم
السلام عليكم ورحمة الله وبركاتة

اخواتي لجأت لكم بعدالله مالي الا الله ثم انتم
اتمنى ماتخذلوني وتوقفون معي ..

عزيزاتي انا عمري26 و ( مطلقة ) من 11 شهر تقريبا ..
حبيت اطرح عليكم مشكلتي وهي ؛
اني اصبحت انسانه ثاانيه لا اتحمل اي شي واتنرفز من كل كلمة وحساسة لدرجة ماتتصورونها ورسسمية جدا ..
احس الكل صار يبتعد من اسلوبي وطريقة كلامي وهالشئ والله موبيدي وغصب عني ولا انتبه اني تلفظت او جرحت احد الا بعد مااسكت اتندم وبششدة حااولت اصلحي من حالي لكن ماقدرت يوم يومين وارجع اقسئ من اول .. ودائما دمعتي علئ خدي ابكي بسبب وبدون سبب وطوول الوقت افكر بحالي وليش صاير لي كذا ووش اللي خلاني اتغير والكل ينفر مني..
كنت انسانه الكل يحبني ويشهد لي بالطيبة والحنيه صغير وكبير كلن يحبني ويسولفون معي ولايملون مني .. الحين حتئ انا صرت امل من نفسي احس ماعاد فيني ذرة امل صرت احس الحياة كلها مشاكل وهم وغم وتفكير وقلق ابي الرااحة مااحصلها .. حتئ بنومي قلق مااحس اني ارتااح انام متوترة واصحئ متوترة .. خواتي صارو يستثقلون جلستي معهم .. لماا اروح زيارات مع الاهل لاعمامي او احد اقاربنا احس اني بينهم غريبة مااحس بوجودي بينهم صرت احب البيت من المواقف اللي تحصل لي اجاملهم كثيرر واستحي علئ طوول من احد يخصني بسالفة او يوجه لي كلام .. ومااقدر او مااعرف وش ارد ووش اقول صرت اجاملهم واقول الله يعين او سبحان الله ...
صرت بمعنئ الكلمة اكرره الاجتماعات احس نظرة النااس لي شفقة ورحمة .. حتئ صديقاتي لما اسولف معهم واتس ولا بالبيبي صاارت سوالفي معهم رسسمية سلام وكيف الحاال واذا هاوشوني عشان اسسولف صرت اعاتب ولا اتحسس من كلامهم وصرت احس انهم يقصدون بكل شي يمزحون فيه وصديقتي المقربة اللي اشكي لها وافضفض لها وتعرف كل صغيرة وكبيرة عني صاارت ابعد عني مثل بعد السماء عن الارض ... دايم العبرة تخنقني لما اكلمها واحس خااطري شاايل عليهاا كثير ومو قادرة اصارحها ماابي اخسرها ماابي احس اني ثقيلة عليهاا رغم انها اكثر انساانه وقفت معي وقت طلاقي حتئ النووم ماكانت تنام لين تتاكد اني نمت .. حبيتهاا اكثر من روحي وتعلقت فيهاا ... دائم الوم نفسي ليش وهقت نفسي باشياء انا في غنئ عنهاا وليش حرمت نفسي الرااحة عقب ماكنت مرتااحة ..

اخوواتي الله يسسعدكم سساعدوني والله اني بحااجة نصائحكم ومساعدتكم اجبرو خاطري ..
وادعوو لي ربي يجعل طلاقي برد وسلام على قلبي والله يمحيه من ذاكرتي كأن شي لم يكن ..
والله اني احس بتعب وعذاب مااحس حااس فيه بدأت افقد صبري واملي في الحيااة ..

دعوووواتكم ..

ربي يسسعدكم ويخليكم ويفتح لكم ابوا رحماته ..

>>>>> ردود الأعضـــــــــــــــــــاء على الموضوع <<<<<
==================================


انا صرت مثلك اتنررفز بس بمنتدى مشكلتي
صاير بعض المواضيع تنرفز وترفع الضغط
خصوصا من بعض المراهقين والبزارين !

ماعلينااا

حاولي تضبطين اعصابك حبيبتي !
انتي بنفسك مانتي قادره تتحملي وضعك كيف اللي حولينك !
اكيد بينفرون منك , تذكري قبل لا تطلعين الكلمه تذكري !!
[ هالكلمه لو قيلت لي , هل بزعل ولا لا ] قيسيها على نفسك
صدقيني , ترى ماحد حاس بوضعك , ولا احساسك !
ماحد بيتفهم اللي تمرين فيه , انتي تغيري عشان نفسك كمان
حآولي بقدر الامكان ترجعي علاقتك مع صديقتك , وقولي لها
اعذريني مريت بظروف لهالسبب انشغلت .. الخ
ترى بهالزمن نادراً تلقي الصديقه الوفيه

والله يسعدك ويعوضك يارب


__________________________________________________ __________

اختي العزيزة علاجج بيأيدج أقرئي الكتاب الكريم واذكري من الاستغفار والدعاء اكيد راح ترتاحين


أستغفر الله واتوب اليه


__________________________________________________ __________

ها المشكلة من موضوع طلاقك يعني انتي اتأثري بشكل سلبي ومعاكس
انتي لازم تقعدين مع حالك وتحطي النقاط على الحروف
لازم تتقبلين طلاقك بشكل نهائي وتكون المسألة قدامك واضحة
بعد كده رح تصيرين احسن وتعودي لطبيعتك
دامك منغلقة على نفسك مارح تتغيرين
راجعى نفسك
موفقة


__________________________________________________ __________

خلي شي ولا كانو صار وانسي وارجعي احكي مع صاحبتك وقبل ما تحكي الكلمة حطي حالك محل المستقبل والله يوفقك


__________________________________________________ __________

شوفي ياقلبي


انتي مثل اللي دخل بغرفة عمليات وطلع لكن باقي آثار البنج عليه واضحه
تخبط وضياع وحزن وعدم مشاركة
انتي ياقلبي باقي مافقتي من تجربتك
واحساسك بالوحده وتحسسك من الجميع رد فعل طبيعي لتحول مكانتك الاجتماعيه من متزوجه إلى مطلقه

معذووووورة بكل اللي تمرين فيه
إحساسك بالتخبط بعد ماكنتي مستقره وحتى وان لم تكوني مستقره من قبل يكفي وجودك ببيتك وعدم احتياجك للغير كافي

اللحين خلاص كل شيء انتهى
وأبعدي من بالك مشاعر اللوم لنفسك أو لفشلك
استوعبي وضعك خلااااص
خذي وقت كافي لاتصدقين اللي يقولك اطلعي وعيشي و و و و
أبدااااااا هذا مو حل
هذا يخليك تعقدي مقارنات وحساسية ويخليك تزعلي وتفهمي غلط. ؤممكن يخليك نوعا ما تحسدي الله يبعدك عن جميع الشرور


أعيد واكرر خذي وقتك في التفكير وطرد الماضي وأبدأي صح مع نفسك ولنفسك فقط !

واذا طلعتي كل اللي بخاطرك وأيقنتي حقيقة وضعك الجديد راح ترتاحي وتطلعي وتنبسطي بكل حب وفخر وثقه


طول ماانتي بهالحاله معناه لازلتي تعاني ولازال الماضي يمر من أمامك كل يوم وباقي ما إستوعبتي انك منفصلة

أرجعي حبيبتي لنفسك واتركي الكل وطولي بالك وابكي كثيرررر وادعي كثيرررر وناجي الله كثيرررر


الله يوفقك ويوسع صدرك ويثلجه يارب يأكريم