عنوان الموضوع : لحقووووني قبل ماسوي شي مو زين
مقدم من طرف منتديات نساء الجزائر

لحقووووني قبل ماسوي شي مو زين



السلام عليكم

انا بنت مو متزوجه عمري 26 سنه

عندي خوات اكبر مني 2 وتزوجو

وعندي اخت اصغر مني بثالث ثانوي

مشكلتي انا مع امي

من تخرجت من الجامعه

وجلست بالبيت

صااارت حررريصه على كل تصرفاتي وخطواتي

مثلا اذا شافتني مبتسمه تقول لي ليه مبتسمه اقول لها البنات بالمسن مضحكيني

وتقعد تتتكلم كلام مو زين ليه ابتسم

لاشافتني ماسكه الجوال

تقول لي مين تكلمين؟؟

واذا رن جوالي مسج او منبه تسئل

من عند مين

وحق شنو حاطه لك منبه

لاشافتني ماسكه ورقه

تسئلني وش تكتبين

بكل تصررررفاتي تسئلني

وفوق هذا كلامها الجااارح اللي تسمعني اياه كل يوووم

للعلم بس انا الوحيده اللي تعاملني كيدا

خوااتي اللي اكبر مني والصغيره ماتعاملهم مثلي

احيانا اشك اني مو بنتهم

ليه تتصرف معااي كذا

والله يابنات من تصرفات امي بديت احب امي صاحبتي

امي عمرها ماسئلتني شنو ناقصك وشنو احتياجاتك

لارحت السوق وشريت لي ملابس واكسسوارت وهالاشياء

بتقعد تعلق عليهم

مو عااجبها اي شي فيني

لاقالت لي طلعي معاي وروحي معاي هذا المكان الفلاني

وقلت لها لا

تعالو شوفو شنو يصير فيني

مابتظل كلمه جااارحه تقول لها عني

طيب انا مو مجبوره اروح معاها بالاجباري

والله صرت اكررره تصرفاتها معااايا

واميل لام صااحبتي اكثر

للعلم اختي الصغيره ماتسئلها ولا تراقبها ولا تحاسبها

بس انا

والله ماعملت شي غلط من قبل

مثلا احب احد او اكلم احد قريب على جوالي

انا خاايفه يجي يوم من الايام واكرهه بسبب تصرفاتها معاي

>>>>> ردود الأعضـــــــــــــــــــاء على الموضوع <<<<<
==================================


اختي الاصغر امي بتعاملها نفس معاملة امك لك ، والله احزن عليها وما شاء الله عليها اختي عاقلة وراكزة لكن ما نعرف امي ليش امي تعاملها كذا حاولنا نكلم امي بطريقة حلوة لكن ما فاد الله يسامحها ،
يا اختي اصبري وهذي امك وواجب طاعتها حاولي تتقربين منها اكثر وتحنين عليها ، اعملي مثل اختي تقربت من امي كثير وصاروا اكثر من صديقات الحين رغم ان موضوع ايش تسوين ومين تكلمين وليش قاعدة على النت ووووووالخ ما زال قائم الى الآن .
وانا بعد كانت امي تقريبا تعاملني بنفس المعاملة من بين اخواتي لكن اكتشفت السر والصلة اللي بيني وبين اختي الاصغر ان امي ممكن تكون خايفة علينا اكثر بسبب ان احنا الثنتين اكثر حنان وعاطفة من بقية اخواتي فقط ..
وعموما مثل ما قلت لاختي هذي امك وحقها عليك واجب هي من خوفها عليك ويمكن حبها الزايد او انها تتمنى تتقربين منها اكثر لكن امك مهما عملت لك مو من حقك تحاسبينها ابدا وطاعتها واحترامها واجب عليك


__________________________________________________ __________

إممم أعرف وحده من صحباتي زي كذا يمكن من حرصها عليك تسوي كذاكثير كذا يقلقون على وحده اكثر من الباقين وهذا يدل على حبها وخوفها عليك
اذا قالت لك اخرجي معي روحي معها لاترفضين لها طلب سوي الي تبيه ولاتجادليها
اذا امك تعرف تقرأ آكتبي لها رسآيل بيني موقفك او صارحيها في وقت منآسب
حاولي تجلسين معاها كثير جهزي الغداء بدالها
يمكن انتي من النووع الي طول وقتها لوحدها وماتجلس مع الباقين عشان كذا
إمم اذا بتستخدمي الجهاز خليكي قدامها
والله يساعدك


__________________________________________________ __________

حبيبتي جنيتج وجنية امج ما يتواطنون واااضح خخخخخ..لا امزح وياج ياغلاهم..روحي واقعدي ويا امج وصارحيها باللي انتي حاسته ليش تشتكين للناس وانتي الحل وصاحبة المشكله وياج في نفس البيت؟روحي واسأليها بشكل مباشر..اقلها ترتاحين يمكن تلاقين عندها جواب؟بصراحه التصرف غريب يعني طالما بس انتي اللي تعاملج جذيه..بس بالنهايه هذي امج تحمليها وسعي صدرج..ليتني تميت تحت رجول امي لو كل يوم تشوتني فنقر..الحل قوي قلبج<<دعاية ماونتن ديو خخخخخ..وروحي قوليلها شنو سبب التصرفات هذي.موفقه ياغلاهم وربي يطمن قلبج ويريح بالج..وشكرن<<بنتي قالت اكتبي جذيه اخر رسالتج خخخخ


__________________________________________________ __________

شوفي اختي مهما تسوي امك اصبررري عليها لان الجنه تحت اقدامها ويمكن صبرك على ازعاج امك لك يدخلك الجنه
حبيبتي حاولي تكسبين ثقة امك فيك يعني اذا قالت ليش تبتسمين قولي لها السالفه كلهااا وانتي مو منتبهه
وش تكتبين ببراءه قولي اكتب كذا وكذا ماادري يصلح كذا ؟؟؟؟؟؟
لاتصيرين شاده وهي شاده تتعبين انتي نفسيا
مشي كلامها وخليه يعدي بتموتين احمدي ربك ماقالت مافي جوال ولا انترنت ولاروحه ولاجيه
يعني شي اهووووووون من شي والله يكون في عونك


__________________________________________________ __________

وعليكم السلام ورحمة الله وبركاته
اختي تذكري ان مشكلتك هذي اختبار من الله
ابعدي عنك الشك انها ماتكون امك
ومتى ماقالت لك تعالي معي روحي معاها
كثري جلسات وياها تعاملي معها بالأفضل حسسيها انك قريبه منها
ومهما قالت اصبري على كلامها والله يكون في عونك
موفقه بإذن الله