عنوان الموضوع : عمري 23 هل أنا عانس؟؟؟؟
مقدم من طرف منتديات نساء الجزائر

عمري 23 هل أنا عانس؟؟؟؟



السلام عليكم و رحمة الله و بركاته

بنات أنا الوحيدة من بين البنات اللي بنفس عمري في حارتنا اللي لسة ما تزوجت و هذا الشي ماهو بيدي

المشكلة انهم يتكلمون فيني في غيابي يعني بالعربي كل وحدة تقول للي معها شوفي بنت فلان و تقصدني أنا يا حرام راح تموت و ما تزوجت ويضحكون علي

و اذا رحت عرس و لبست أحلى ما عندي يقولون يا خسارة الحلا و الجمال و ما فيه احد راح يشوفه و يستمتع فيه

قصدهم يعني ما عندي زوج و ان اللي مثل وضعي المفروض تبقى حزينة و ما تهتم بأمور الأناقة

ليش الناس صاروا حاقدين هالكثر و ليش ما يتمنون الخير للغير

ليش ما يدعون لي بالزوج الصالح و الذرية الصالحة بدال ما هم قاعدين يغتابوني و يتشمتوا فيني

يعني هل ذنبي الوحيد أني غير متزوجة؟؟؟

هل عيب ان الوحدة لسة ماجاها نصيب

يعني بجد ماني فاهمة ليش هالنظرة الظالمة ناحيتي و أنا ما سويت شي و لا سببت ضرر لأي احد سوى أني ما زلت بعيونهم عانس

!!!!!

>>>>> ردود الأعضـــــــــــــــــــاء على الموضوع <<<<<
==================================


حبيبتي خلِ كلام الناس آخر همك دامك ما اغضبتي ربك
وهم بيتكلمو فيك وبغيرك وحتى لو تزوجتي بيقولو شوفي فلانه ماحملت ولا ماهي مبسوطه مع زوجها ولا ولا ....
وبعدين انتي لسه صغيره وربي ان شاء الله بيرزقك بكل خير


__________________________________________________ __________

منجدك انتي تسالين حبيبتي لساتك صغيره
وخليهم
وتدرين وش احلى شي تسوينه الحقراااان
لانه يقطع المصران

وربي راح يرزقك لاتستعجلين على نصيبك

الله يرزقك ويرزقنا وبنات المسلمين بالزوج الصالح


__________________________________________________ __________

اجل لو صار عمرك 35وش راح تقولين عن نفسك من جد حاجة تضحك من جد ذا الجيل يمووووووووووووووووووووووت ضحك


__________________________________________________ __________

وش مستعجله علييييييييييييييه رزقك بيد رب العالمين مو الناس والله يستر عليك


__________________________________________________ __________

عادي حبيبتي طنشي انتي باقي صغيره انا اكبر منك بسنه وباقي ماتزوجت يعنييييييي عاااااااااادي الزواج مو كل شئ بالدنيا واللي ماتتزوج مو نهاية العالم والرزق بيد رب العالمين الله يرزقنا واللي يتكلمون احقريهم وطنشيهم
موفقه حبيبتي