عنوان الموضوع : متوهقه بالمهر
مقدم من طرف منتديات نساء الجزائر

متوهقه بالمهر



السلام عليكم ورحمة الله وبركاته
بنات انا ملكت الحمدالله والله يتمم لنا على خير
وأول وحده تتزوج في العايله فما عندي احد استشيره في هالامور الا انتم واتمنى تساعدوني
انا وحده ماحب السوق ولا عندي فكره عن الاسعار عشان كذا متوهقه ومو عارفه اقسم الفلوس
ومهري 25000 ريال سعودي ادري قليل بس ان شاءالله ربي يبارك لي فيه
ومو عارفه وش اسوي اتمنى تساعدوني خصوصا في الاسعار
والله يجزاكم الف خير ويرزقكم الي تتمنونه

>>>>> ردود الأعضـــــــــــــــــــاء على الموضوع <<<<<
==================================


الله عزيزتي
الف مبروك ربي يتمم لك على خير يارب

شوفي هالموضوع الاخت مهرها نفس مهرك واقري ردود
للأخت سر آبوها
الله يجزاها كل خير

ساعدوني مهري قليل جدا جدا وتعبت نفسيتي


__________________________________________________ __________

الف الف مبرووك..والله يوفقك.
طيب خلي 7000 الاف ذهب اذا مره ماتبغي تشتري شي كثير يعني ذهب كثير الاطقم الخفيفه ب 300 وشوي او اقل.
3500 خليها ملابس..
300 خليها اكسسوارات.
2000 عطورات وكريمات وهاذي الاشياء مارح تكلفك كثير.
5000 كوشه وكوفير ونقش وحمام بخار ومن ذا الهرج.
يبقى لك 7200
200 خذي فيها احذيه وانتي بكرامه.
2000 فساتين سهره بناتيه هاديه.
يبقى 5000
1000 اغراض من الصيدليه..طبعاً اول شي اشتري الشناط حقت السفر اللي تجيك كبير وسط صغير
2000 مصوره..
يبقى 2000 شوفي فيها الاشياء الناقصه...
اذا انتي من جده راسليني خاص ادلك على مراكز روعه ورخيصه..
دمتي بودツ


__________________________________________________ __________

لا تضيعي مهرك في كوشه وكوافير ومصوره
هذي الاشياء خليها ع زوجك واستفيدي من الفلوس
ومبروك ياعروسه
اكتبي احتياجاتك بورقه
وشوفي الاشياء اللي تحتاجيها
والمهر فيه البركه ان شاء الله


__________________________________________________ __________

اسمعي ياقلبي
قبل أي شي جيبي ظروف من محلات يابلاش وقسمي كل شي له مبلغ واكتبي على الظرف اسم الحاجة اللي تبغيها
و لا تحسبي الاشياء اللي تدفعيها بعد الزواج زي المصورة هذي زوجك بيدفعها بعدين
و نصيحه لا تكثري ملابس لأنك راح تروحي السوق بعد الزواج ان شالله وتشتري
وممكن جسمك يتغير
وبالنسبة للفستان خذي ايجار ارخص
الكوشة لا تتكلفي خذي أرخص شي في المحل لأن محد بيديها بال وكم ساعه وخلاص أهم شي شكلها ولونها ملفت بس
المصورة لا تكثري صور خذي نص ألبوم يجي أقل من ألفين ريال بالنهاية هي مجرد ذكرى
الأغراض اللي راح تكون متوفره في بيتك لا تكلفي نفسك وتشتريها زي الأدراج والمنظمات حيكون عندك دولاب كبير وادراج تعبيها لوحدك ليش والله مالها داعي
والشنط خذي شنطتين وسط وصغيرة
ولما ترتبي الدبش خذي من أهلك شنط وبعد الزواج رجعيها
لأنك ماراح تستفيدي منها
و نصيحه نصيحه لا تكثري مكياج وخصوصا الاي شادو الأظلال ترا محد يحط هاليومين منها خذي الاشياء الاساسيه بس ونفس الشي العطور والمجموعات لا تكثري منها راح تنعدم عليكي
وبالنسبه للذهب حتى لو ماتحبي اشتري عشان مايقولوا أهل زوجك لعبت بالمهر والا أعطته لأهلها وراح تستفيدي منه بعدين تقدري تبيعيه
وفيه ذهب كيوت مره ناعم للعرايس وحركات وسعره معقول
وفري فلوس الحرمه اللي تسويلك الحلاوة وخلي وحدة شاطره من أهلك تسويلك أو انتي سويها بنفسك
وانتي قبل تشتري أي شي فكري اذا تحتاجيه في بيتك والا لا
لا تشتري ملابس البيت ماركات لأن الأزواج ترا مايفكر هذا ماركه ولا لا
أهم شي عنده العروسه ماركه > أمزح هههههههه
خلي بس ملابس الاستقبال ماركه عشان البنات والحريم ماشاء الله يركزوا على كل حاجة هههههه
وربي يتمملك على خير حبيبتي


__________________________________________________ __________

5000 ذهب اشتري فيه الذهب الاصفر 21 هذا سند النساء في العالم العربي هههههه و 2000 او ثلاثه اشتري فيهم الذهب الايطالي الناعم تغنيك عن الاكسسورات وغيرها ب 5000 اشتري ملابس من الماركات الي اسعارها معتدله و ملايس النوم والمكياج يبقي تقريبا 12 الف الفين خليهم معك و العشره الباقين في البنك لا تصرفي منهم شي نصيحه خلي جزء من المهر في البنك لا تصرفيه كله ما تدرين وش يصير معك