عنوان الموضوع : تعبت من النظاره ابي افتك منها -تم الاجابة
مقدم من طرف منتديات نساء الجزائر

تعبت من النظاره ابي افتك منها



والله انا في هم مايعلم فيه الا ربي مشكلتي يمكن تكون تافهه بس الله وحده يعلم شقد اعاني منها . انا يابنات نظرررري ضعيييف ماشوف طبعا السبب ادماني ع الكمبيوتر كنت اقعد ساعات طوويله مبحلقه فيه لحد مانقص نظرري كثير وصرت ماشوف حتى الي يكون قريب مني ، قبل رمضان اخوي جاب لي نظاره طبيه نفس نظارته وقلت بجربها ولما لبستها شفت بوضوح رغم اني لاكشفت ولاشيء استمريت عليها ومن بعدها حسيت عيوني صغرت وكثرت هالات سوداء تحت عيني والكل لاحظ ان عيوني صغرت وامي حلفت ماحطها مره ثانيه صرت اطلع من البيت ماشوف شيئ مثل الضبلب بعيووني انقهررت على نظري قبل سنوات كنت اشووف حتى الكتابه الصغيره والحين الي قاعد جنبي ماشوفه هالمشكله اثرت بحالتي النفسيه ونفسي يرجع نظري مثل ماكان العدسات اخاف منها يقولون تدخل جوا الراس ولها مشاكل كثيره والنظارات تصغر العين عاد الشيء الحلو فيني عيوني لو صغرت عز الله بصير كوريه وغير انها تخلي شكلي شيييين ارجوكم شسوي والله تعبت من التفكير الحين شلتها ومسكني صدااع قووي صرت اصا جلست ع الاب انقص الاضآءه ع الاخر فكرت بعملية الليزك بس ناس تقول مو مضمونه وعمي سواها وبعد 4 سنوات رجعت مثل قبل وصار يلبس نظارات ووحده عملتها عندنا بعد سنتين انعمت وسمعت انو كل ماتقدم احد بالعمر يقل نظرررره يعني شلون بصير عمياء صرت اصحى من نومي افتح عيوني واخاف اني انعميت وش اسوي استمر ع النظارات ولا انوكل علة االاه واسوي العمليه سامحوني ع الاخطاء الاملائيه داخله من الجوال

>>>>> ردود الأعضـــــــــــــــــــاء على الموضوع <<<<<
==================================


حبيبتي لازم تروحي لطبيب عيون النظر شيء مو سهل ولا له وصفات تاخذينها من الناس
إذا انتي من جده انا ادلك ع استشاري عيون انا اتعالج عنده
وسمعت الجزر يقوي النظر لكن ماتكثري منه لانه يسبب الاصفار بالجسم يعني تعملي عصير جزره وحده مره وحده في اليوم وكمان اقرئي سوره البقره يوميا لمده 40 يوم بنيه الشفاء وخلي احد يقرأها لك ع ماء زمزم واشربيه بنيه الشفاء واغسلي عيونك منه
والله يشفيك


__________________________________________________ __________

حبوبه اشلون تلبسين نظاره بدون قيااس ترى ياثر حتى لو ماتشوفين لازم تاخذين قياسك من مستشفى عقب تشترين نظاره الله يهداك بس
الكمبيوترخففي اضاءته وقبل تقعدين عليه لبسي نظاره عاكسه للاضاء عشان ماياثر عليك
مم من ناحية عينك صغرت يب تصغر بس موب نظاره من ضعف النظرسبحان الله انا قبل يجيني ضعف نظر كانت عيوني وساااع مشاء الله ولما جاني ضعف صارت اصغر عن قبل والكل لاحظ انا بسبب تلفزيون خخ
احين يوم اطالع صوري قبل اقول امي شوفي عيوني كانت حلوه وواسعه ههه
-
حبوبه لاتتركين النظاره لانها تثبت نظرك لو تتركينها بينقص زوده اعرف ناس عندهم ضعف نظر مايلبسون نظارات قل نظرهم ومايقدرون يلبسون الا عدسات لان نظاره معاد تناسبهم
وانتي لاتلبسيها 24ساعه لا ساعه البسيه وساعتين لا نص يوم البسيها ونص يوم لا عشان مايطلع شكلك كنك تلبسين نظاره انا كذا اسوي وشكلي عادي جدا ماكاني البس نظاره لكن اللي دايم يلبسونها عيونهم مغبره يعني مبين انهم يلبسون نظاره
بعد النظاره انا استحي البسها قدام احد بس بالبيت بعد موب دايم لما اطلع مثل للمدرسه كنت البس عدسات شفافه لان ماون ممنوع خخ واحيان البس ملون
مرا صديقتي تقول ليش لابسه عدسات ايام كنت بثالث ثنوي قلت لها عندي ضعف نظر تقول لا كذابه مو مبين

واللحين بالجامعه ملونه عادي ونادر البس نظارات بس حق كشخه مم امكن مرا وطلع شكلها حلو يعني عادي
ماشي شي يخوف
اخوي يقول سوي عمليه قلت لا ماابي موب لازم تسوين
^ادري ااني حكيت لك قصة حيااتي بس انشاء الله يفيدك
مم بعد اتكحلي كل يوم قبل ترقدين بالاثمد الاحمر يقوي النظر وبعد طالعي بالسماء ربع ساعه كل يوم وادعي الله ينور عيونك ويشفيك ^^


__________________________________________________ __________

حبيبتي كل الناس ع النظارات الكبار مع الاطفال عادي


__________________________________________________ __________

الله يشافي بصرج ان شاءالله ويااااااااارب العالمين


__________________________________________________ __________

الله يشافيج