عنوان الموضوع : كذبت على صاحبتي مجابة
مقدم من طرف منتديات نساء الجزائر

كذبت على صاحبتي



السلام عليكم

اول شي هي صاحبتي من ايام الابتدائي بس من تزوجت وهي سوالفها متغيره مثل الحريم تحب الاخبار وغير كذا تتشمت بس بينا عشرة عمر وكل بعد فتره نسولف مع بعض المهم هي عندها ولد وانا قبل حملت وبنتي ماتت قبل الولاده الحمدلله على كل حال صار لي عشره شهور ماحملت ربي مااراد
وهي كل شهر تسالني اذا حامل او لا ولا بعد تحلفني اقول الصدق يعني تحسب اكون حامل ومخبيه عليهاا لانها صايره مثل الحريم الكبار بتفكيرها وكل شي
واذا قلت لها لا مو حامل ماتقول الله يرزقك ولا شي تسكت وتجيب طاري الناس اللي اعرفهم وحملوا طيب قدري وضع صاحبتك !!

المهم قبل كم يوم صاحبتنا الثانيه ولدت وصاحبتي اللي اقولكم عنها دخلت تكلمني عالواتس وتعلمني عنهاا تقول كلمتها وهي فرحانه صدق الامومهه حلوه لو تجربينها وتحط فيسات ضحك كنها تتشمت علي ، ادري بتقولون يمكن هي على نياتها بس هي صاحبتي واعرفهااا زين وفيه اسلوب غير هالاسلوب تكلمني فيه او مثلا عالاقل تدعيلي وتطمني اني لاحقه عالحمل والاولاد اول شي اعمارنا صغيره 23 !
وانا والله فرحت لصاحبتي وحتى قبل لاتحمل حلمت فيها حلم وتفسيره انها تحمل وبشرتهاا فيه '
المهم قلت لصاحبتي انا حالياً ماافكر بالحمل قالت ليش قلت لاني بسافر بعد كم شهر وانا بالاصل مو مسافره ولا شي ومتشوقه عالحمل ودي ربي يعوضني وضميري انبني اني كذبت عليهاا خايفه ربي يعاقني لاني كذبت
وش اسوي والله كنت مضطره اقول كذا عشان ماعاد تسالني
ماعمري كذبت على احد '

لو انتم بمكاني بتقولون كذا او تشوفون اني غلطانه ؟

>>>>> ردود الأعضـــــــــــــــــــاء على الموضوع <<<<<
==================================


والله ما اعرف ايش اقول لج بصراحة
انا لو كنت مكانج كنت ما راح اكذب تعرفين لأن ما يهمني اسلوبها ولا اسلوب غيرها

بس اعرفي شئ واحد ان الله غفوراً رحيم

وان هو قادر على كل شئ

استغفري بكثر حتى الله يغفر لج وادعي الفجر بلكثرة عشان ربنا يرزقج بطفل الي تتمنينها

انا شخصياً جربت دعاء الفجر وربي حقق لي الي تمنيتها


__________________________________________________ __________

انا خايفة ان الله يعاقب صديقتك انها تتشمت فيك
عادى يمكن الله يكتبلك سفرة
و لو ما سافرتى قولى صارت ظروف و الغينا السفر للصيف او اى شى ثانى
و الله يرزقك الذرية الصالحة قريبا يا رب


__________________________________________________ __________

استغفر وادعي الفجر ان الله يرزقك
والله يبتليها لانها تتشمت الله بيده كل شي
قولي لها التغت السفرة او اي شي
حقيقه: من تدخل فيما لا يعنيه وجد مالا يرضيه
اختي اذا تتاذي من كلامها وقفيها عند حدها


__________________________________________________ __________

رففففع


__________________________________________________ __________

وش هل حرمه بآلله كف متحمله غثآهآ لو منك آسحب عليهآ بس شكلك كثير طيبه وغير كذآ متحمله وصآبره آلله يعينك ويصبر قلبك ويرزقك بذريه آلصآلحة ،،آلمهم آستغفري بس لاتكذبي مرة ثآنيه