عنوان الموضوع : زوجي ام اﻻمومه؟؟ الطبيب يجيب
مقدم من طرف منتديات نساء الجزائر

زوجي ام اﻻمومه؟؟



تكفون يا إداره نزلوا مشكلتي

بسم الله

عمري 25 وزوجي 29

متزوجين من 4 سنوات

وقدر الله ان يكون زوجي عقيم و حاولنا بشتى الطرق

لكن هذا المكتوب و اللي حطمنا اكثر ان كل اللي فحصوه ردوا نفس الرد

انا انثى وتعرفون غريزة اﻻناث في اﻻمومه وهذا الشي اتعبني كثيرر

طبعا من يوم عرفنا وتاكدنا انه عقيم ما مره سالني اذا بستمر معه او ﻻ

انا الحين محتاره بين قرارين و قبل فتره قررت بس ماني قادره انفذ

زوجي فيه كل شي تتمناه اي بنت نعم ما ابالغ كل شي من احترام وتدين وقوه شخصيه وحتى الشكل

مامره قصر معاي بشي بل انه يوم درى ان الناس تضايقني وينتقصوني عشان ما انجبت

واولهن امه راح وقالها في وجهها انه عقيم مع ان اتفاقنا نسكت

امي كانت تضغط علي وتقول تعالجي وكذا راح وصارحها وصارت الحين تضغط علي اني اتطلق

في البدايه ما تخيلت نفسي مع غيره من كثر حبي له واهتمامه بي

بس فكرت لقدام بقعد لين اموت بدون ابناء والله مو عارفه انام حتى

لين قررت اطلب منه الطﻻق وانا قلبي متقطع

زوجي مسكين من مصيبه لمصيبه الله يعينه و لو اطلب منه حاليا اتوقع يصير فيه شي

اقترحت علي صديقه لي اني اروح البيت باغراضي واخلي ابوي يكلمه

بس احسسه بينجرح اكثر لو سويت كذا

والله صرت ما اعرف انام وهو كل يوم يجي من الدوام تعبان ويفضفض لي مشاكله اللي ماتخلص

الله يعينه والله اتمنى له كل خير بس هاجس اﻻمومه ما يفارقني

وش رايكم بنات اخلي ابوه يكلمه وﻻ انتظر لين تقل مشاكله واكلمه؟؟

>>>>> ردود الأعضـــــــــــــــــــاء على الموضوع <<<<<
==================================


لاحول ولا قوه الا بلله
يأختي والله اوجعني قلبي لما قلتي بتطلقين واذا في زوجك كل الصفات الي تبينها ليه ماتستمرين معه والله اعرف وحده مثلك كان الدكاتره يقولون لها انك عقيم جلست هي وزوجها وقسم بلله 10 سنوات وبعدها جابت ولد ماشاء الله تقول مافارق صوره البقره وأكثر الاستغفار ومافقدت الامل وفي وحده اعرفها كانت مثلك بضبط وتطلقت وهي حلوه ماشاء الله و وجلست سنه وتزوجت واولها حملت وجابت ولد وماشاء الله تجيب بالعيال الله يحفظها بس تقول تمنيت اني ماتطلقت زوجها مايهتم فيها وعصبي تقول اول ماجبت العيال هو أول ماكان كذا
والله انا مادخلت المنتدى لي مايقارب سنه بس اول ماشفت مشكلتك قلت لازم اعطيك ردي وانا اختك
لاتطلقين صراحه زوجك مايستاهل حتى انتي بتفقدين اهتمامه بعد طلاقك
شوفي اختي امي الحمد لله جابتنا بس ماهي مرتاحه مع ابوي وكله مشاكل وتطلقت انا ماقصد كذا بس تخيلي تزوجتي وجبتي عيال بس زوجك الثاني بس مشاكل معه والله اقول هالكلام وانا مابيك تطلقين تكفين تكفين راجعي قرارك صح العيال نعمه بس لاتخسرين زوجك
اكفلي لك يتيم والله يسليك وتاخذين اجر
ماحب الطلاق لان شفت امي قد ايش تعبت فما ابيك مثلها
واي استفسار راسليني خااص
وانا اقوولك زووجك ..
ولاتقطعينا من اخبارك
وتأكدي لك اخوات راح يدعون لك بسر وربي لدعيلك بسجودي
الله ييسر لك ويختار لك مافيه الخير ولاتكلمين لابوك ولا احد كملي حياتك وزوجك مايشكي لك الا هو حااس معك براحه ووشوفي كيف وقف ضد الناس الي يتكلمون عنك لان ايش ... لانه يحبك .. ترا مابتلقين مثله ولاتتخلين عنه وقت حاجته لك دام اول مايرجع من الدوام يشكي لك يرتاح معك يحس معك بالامان فلا تفجعينه بروحتك
الله ييسر لك يآرب


__________________________________________________ __________

لاحول ولاقوة الابالله ربي يعينكم ويرزقكم الذرية الصالحة يمكن فيه علاج دورا عشان يتعالج زوجك يمكن ربي يرزقكم ترى مافي شيء اسمه مافي امل الامل بالله كبير وهو قادر كل شيء مهما قالوا الاطباء اذا اراد يجيكم ذرية راح يجي - بس مااقدر اقول استمري او تطلقي القرار لك انتي لاتجلسي تسمعي كلام احد فكري في نفسك لو سمعتي كلامهم وتطلقتي لاتسمعي الا لكلام العقل واستخيري اسال الله ان يرزقكم الذرية لاتنسي دعاء والاستغفار والصدقة


__________________________________________________ __________

انا مع اختي وجدان
حَبِيبْتيـِے انصحك لاتتركين زوجك حرام الدنيا ضده وانتي كمان
اختي حطي نفسك بمكانه كل شي ضدك وكمان يجي زوجك يتخلى عنك بضروف مثل هذي
اختي الله يرزقك الذريه الصالحه ان شاء الله
لاتتركين زوجك مدام يحبك وانتي تحبينه لاتتركينه علشان شي مش بيده هذا الشي بيد ارحم الراحمين
ولو قالو الدكاتره عقيم ومارح يخلف ربك قادر على كل شي
بقلك عن جد والله ماكذب خالتي ماكانة تجيب عيال وزوجها صبر عليها وجلسو مع بعض 10 سنوات والان الحمدلله معاها ولد وبنتين الله يحفضهم لها يارب
اختي تعرفي ايش السر مع الكل كان فاقد الامل
الصلاه والقراءن
قومي لصلاه الليل وكثري من قراءه القران
وان شاء الله رَبّـ❤ـيٌ بقدرته بيرزقك الذريه الصالحه ومن زوجك الي انت تحبينه وهو يحبك
حَبِيبْتيـِے المستقبل والقدر بيد الله
انتي مش واثقه الي بتتزوجيه بيكون يجيب عيال انتي واثقه كيف بتكون حياتك معاه
اولادك كيف بيكونو
اختي انصحك لاتتخلي عن زوجك من شان شي بيد الله
هو ايش ذنبه
وانتي كمان اعرف بتقولي انا ايش ذنبي انحرم من الامومه حَبِيبْتيـِے
هذا قدرك احمدي الله عليه والله كم يانساء متزوجين ومخلفين وحياتهم كلها عذاب سواء من جهه الزوج او من جهه الاولاد
لاتقرري شي حَبِيبْتيـِے من غير ماتفكري من كل الجهات
لاتحصري تفكيرك من جهه الامومه بس
نصيحتي لاتخربي حياتك
حَبِيبْتيـِے قومي لصلاه الليل واقراءي القران
واحنا ان شاء الله بندعيلك
رَبّـ❤ـيٌ يفرج همك وينورك للطريق الصحيح
ويرزقك الذريه الصالحه يااااااااارب


__________________________________________________ __________

حررررام زوجك ميستاهل ولا تقولين مافي أمل ربك قادر علي كل شي انا أنصحك تستمرين معها وتقومين ألليل وتطلبين ربك وتستغفريين وإنشاء الله ربي رزقكم الذريه انا سمعت عن حريم كثير اصبرن مع ازواجهن ورزقهن الله لاتستعجلين واللي فيه كافي مؤ ناقص ينجرح اكثر يكفي حطي نفسك مكاانه لو صارلك الشي هذا أكيد تمنين زوجك ميتركك ويقف معك الله يوفقكم ويرزقكم الذريه الصالحة امييييين


__________________________________________________ __________

لو انتي ما تجيبين اولاد كان طلقك بدون تردد
احنا يالنساء قتلنآ الوففااء