عنوان الموضوع : متي بنعتزل العزوبيه -تم الاجابة
مقدم من طرف منتديات نساء الجزائر

متي بنعتزل العزوبيه



بنات كل بنات الي بعمري واصغر مني من اهلي تزوجو والله اقول بنفسي ليش محد خذاني والله طيبه وحلوه وكل المواصفات فيني بس ليش حظي كذا الله اعلم ..

انا حلمي انه اسس عايله محبه ويكون عندي زوج طيب وحبوب ويدلعني ويكون رجال بمعني الكلمه .. وطفل يملي حياتي سعاده ..

بنات صار عمري 25 والعمر يروح وماتزوجت .. مع انه جاو خطاطيب كم واحد بس بعضهم ماينسبون لي وواحد فيه كل المواصفات وكنت موافقه وصليت استخاره بس في ناس خربو علي وخلوه يغير رايه وقالت امه انه يدرس برى وعرفنا من كم اسبوع خطب وحده وارفضته الببنت وهو يشتغل ولا سافر ولاششي ... والله احس بااحراج بين الاهل وحتي اهل امي دايم نقزاتهم ياحلو بنت فلانه طالعه عليها يتشمتون فيني لانها بعمري وعندها طفله وان للحين .. والله شي يقهر ويعور قلبي .. محتاجه لرجل اشد به الظهر ويحن علي يحبني واحبه اكون اسعد انسانه معاه يااارب ترزقني .. انا اهلي مب مقصرين معاي بس فطره البنت تبي رجال يكون لها الامن والامان والاستقر بحياتها ...


بنات دعواتكم مع فجر يوم الجمعه عسى ربي يكتب لي ولكم السعاده وتتفتح ابواب الفرحه لنا ياررررررررب ويجي اول يوم من الشهر الا نسمع اخبار تسر الخاطر وتفرحنا .. قولو امييين

>>>>> ردود الأعضـــــــــــــــــــاء على الموضوع <<<<<
==================================


عسى ان تكرهوا شيء وهو خير لكم يا اختي ماتدرين وش الحكمه اعرف عائله كامله ماتزوج احد من بناتهم اكبر بنت لهم بتوصل الخمسين وانتي توك بعز شبابك
الله يزوجك برجل صالح يخاف اللهفيك ويرزقك الذريه الصالحه


__________________________________________________ __________

الله يرزقك ويفرح قلبك ويردلي طليقي يارررررررب


__________________________________________________ __________

حبيبتي .. النصيب بيـد رب العالمين
و فيهـ بنات تزوجوا بسن 29 سنـة ، مـا عليگ أن شاء الله ربـي بيرزقگ بالزوج الصالح
لا تفگرين بشيء من هذي الناحية و عيشي الحياة مثل مـا تبين ..
لآحقه ع الشغل و البيت و العيال



__________________________________________________ __________

ياعمري الله يرزقك بزوج يستآهلك عاجل غير اجل
ياااااااارب , ادعي ربك بين الاذان والاقامه وبقيام الليل
الحي بالدعاء وتوسلي اليه , وربي مارح يخيب ظنك

بخصوص اللي يدقونك بالكلام , قوليلهم رزقي جاي
وللي رزقكم بيرزقني , !
استغرب نظرات الشفقه للبنت اللي ماتزوجت وكأن ناقصها يد ولا رجل
ياما بنات ماتزوجو وعايشين حياتهم اكثر من المتزوجات والمبتلشات بالاطفال
وياما بنات تزوجو يحسدون العزابيات ان ماوراهم هم ولا وجع راس

الله المستعان
الله المستعآن


__________________________________________________ __________

ربي يرزقك الزوج الصالح عاجلا غير اجلا