عنوان الموضوع : احس اني منبوذه مجابة
مقدم من طرف منتديات نساء الجزائر

احس اني منبوذه



السلام عليكم بنات..
عمري 19 ماعندي الا اخت وحده اكبر مني بسنه وامي دايم تقارننا ببعض...
عندي صديقات بس مو كثير مرات اعزمهم عندي والا اقول نطلع السوق اذا اهلهم رفضو البيت ويصرفوني ودايم اتفشل عند امي مره صديقاتي ثنتين قالو بيجون ومعاهم امهاتهم وامي لبست وتكشخت.. تخيلو اعتذرو لي بنفس اليوم وكلهم.. طيب عالاقل اعتذرو قبل... وقامت تقول يله وين صديقاتك تلعبين علي ومدري ايش.. انحرجت مره.. دايم اهلي يعايروني يقولو جالسه لحالك او ماعندك صديقات يعني امي الله يهديها تقارني باخواني لاني انا الوحيده بالبيت بهالحاله ..مرات احزن في نفسي من اختي تجمع صديقاتها عندنا البيت واجلس معهم كأني مزهريه حتى اختي ماتتكلم معي وتنسى اني موجوده.. تدرون انا ولامره قد سويت حركات البنات هذي انهم يجتمعون ويجيبون شبسات وفندو والحركات ذي.. ولامره تجمعت مع صديقات ..فرق حياة اختي عني مره هي اجتماعيه ماشا الله وانا بعد بس محد يعطيني وجه.. مرات اقول يمكن عشان اختي حلوه ماشا الله وانا عاديه مو ملفته او محبوبه... وياليت اختي تحبني.. لا كأني عدوتها..نفسي لو عندي اخوات غيرها ....تجلس تعايرني اذا صديقاتها جابو لها هديه تجي توريني وتقول انتي مسكينه ماعندك صديقات وماعندك احد يفكر فيك... مرات يابنات تسولف مع صديقاتي مره نادت وحده البيت وجت واستغربت انا لاني دايم اناديها وماتجي وحتى صديقتي الثانيه اختي تعرفت عليها وصارت تطلع معها وصديقتي حبتها وانا بالنسبه لي كأنها زميله حتى اذا جت تسولف تقول ليه انتي مو فله مثل اختك وكلام كذا يحسسني اني ممله.... صرت اتضايق يابنات لا اخت ولاصديقات ولا احد معبرني... بس جدتي الله يرحمها اللي كانت تحبني والحين مافيه احد.... طيب مو لازم صديقات عالقليله اختي.. والله دايم تحطمني من يوم انا صغيره انا ككنت احبها وهي تحطمني والحين خلاص ماتفرق معي تضاربت معها وماصرت اكلمها لنا اسبوع مانكلم بعض انا متضايقه اخاف ربي مايرفع اعمالي وهي ولاهمها... اخر شي ابي افهم ليش انا منبوذه من الكل انا ايش فيني عشان يتجاهلوني يعني حياتي طبيعيه واصلي الحمد لله ومارح اتقرب من ربي الا لرضاه مارح اتقرب منه عشان يحبوني الناس... انا راضيه بحياتي الحمد لله بس اهلي يضايقوني يحسسوني اني ناقصه...والحمد لله اني لسه مقاومه هههههه يعني عادي اجلس مع صديقات امي مع صديقات اختي واطلع معهم وانا مالي دخل بالسالفه والا اجلس مع اقاربنا بس احد يجي عشاني مافيه حتى بالجلسه يجلسون يتخدمون فيني لين اكره اني قاعده معهم واطلع غرفتي

>>>>> ردود الأعضـــــــــــــــــــاء على الموضوع <<<<<
==================================


السلام عليكم

انا قريت المشكلة لنص مو كلها وحبيت اقولك ياحبيبتي انتي اللي تقارنين نفسك بالناس واول شيء بقولك انا مو مثل البنات.!!

حبيبة قلبي حتى انا ماني مثل آلبنآت بكل شيء ولا احب اتدلع واتلبس كل همي بنظافتي الشخصية وبس ماحب المياعةة واذا جاء

زواج آهلي يقولون اول مرا نحس انك بنت وصديقآتي ياماا يعزموني ويتمنون اجي بس انا ارفض لآني آاحب آلقعده لوحدي

وماحب الاجتماع كثير واهلي مهما ماقالوا اقول انا اصرف صديقآتي لاني مآبي احد ينشبلي حبيبتي كتبت لك هالكلام عشان

تعرفين آن القناعةة فوق كل شيء انتي اقنعتي نفسك انك منبوذه وخليت اهلك ياثرون عليك بس لو احد قال ماعندك صديقات

والا اي شيء قولي لا والله بس انا ماتواصل معهم ب استمرار لاني مآبي احد ينشبلي وكذآ حابة حيآتي كذآ والله تقدرين

وتقدرين تغيرين حياتك للآحسن ماعندي الا هالكلام اقوله لك وان شاء الله باقي الاخوات يفيدونك

موفقهه حبيبتي


__________________________________________________ __________

حبيبتي العلاقات مو بالجمال والا بالفلة
ولاتقارنين نفسك باي احد ،واذا ماعنندك صديقات مو نهايه الدنيا ،واذا ع اهلك قولي انا مرتاحه كذا واستانسي
لهي نفسك باي شيء انتي تحبينه وابدعي فيه
طبخ ،فوتوشوب،رسم،تصوير ،..........الخ
و اقري سورة البقرة كل يوم كليها حياتك وماراح تعيشين من دونها (وانا متاكده كل اللي تتمنينه بيصير وغصب عن اللي مايرضا) هههههههه
وتصدقي بنية ربي يسعدك ويغفر لك
استغفري كثييير ،خلي حياتك ربي وحدة وتشوفين العجب وحياتك بتمشي برااحه ويسر صدقيني واسالي مجررررب
الله يوفقك


__________________________________________________ __________

اختي اعتبريني صديقتك
انا ماحب كثره الصديقات
يعني لو معاكي وحده تكفيكي
واختك اذا كانت معاها صديقات كثير
لا تهتمي لان المهم الكيف وليس العدد
يعني اذا حصل شي والله مابتلاقيهم
لان الصديقات الي تحصليهم بس للدلع والهدايا مايديمون لك
انتي اشغلي نفسك مثل ماقالت الاخت الي قبلي
واقرائي القران بترتاحي اختي
واحنا هنا بهذا المنتدى صديقاتك وخواتك


__________________________________________________ __________

رفع


__________________________________________________ __________