السلام عليكم
صديقتي حاقده بقوة على زوجة اخوها وتاخذ رايي وتقول لي انا اول مره احقد في حياتي
واعرف القصه كلها والسبب وقالت لي ابي انساها , وصرحت لي اضع المشكله في قسم
واسم " مشكلتي " .
لأني ماابي ادخل نفسي في مشاكلهم بس الي اعرفه ان صديقتي ذوق واخلاق بس موضامنه
اخلاقها او اسلوبها مع زوجة اخوها . يعني بااختصار ممكن معي طيبه ومع زوجه اخوها خبيثه
ماادري .. بس لما زرت صديقتي في البيت حسيت انها صادقه لأن زوجة اخوها كانت تحتقرني بنظرات بس انا ماابي اتسرع ، ممكن هي تناظرني بهالنظرات عشان اني صديقة اخت زوجها " بس هم مااحسه منطق " لكن احملها على سبعين محمل .
لكم القصه واحكمو انتو ولو عندكم حلول هاتو ..
صديقتي كانت زوجة ولد خالة زوجة اخوها ، زوج صديقتي بخيل ومعيشها في ضيق
ومصروفها قليل بس تقول الحمد لله وانا شخصيا احب قناعتها وصبرها على معاناتها رغم ان
عنده خير .
طيب بداية زواجها شرت لها ميك اب وعطورات وملابس ووو مستلزمات الزواج يعني
اتصدقون ان زوجة اخوها شاركتها مشارك في كل شي شرته حق نفسها
حتى لعبت باأغراضها لعب ، تقول تستخدم حتى مكياجي الشخصي وعطيتها مره أيشادو العين
رجعته لي محفور ومطحون ، خاصة لما درت انه ماركه وغالي
ومرة وحده جاها التهاب في عينها . وصرخت على صديقتي قالت لها كله من مكياجك
اكيد منتهي الصلاحيه
تقول صديقتي بعد ان كانت علاقتها بزوجها مبنية على المجاملات يعني هي وزوجها مايحبون بعض وكانت بالغصب تطلع معه مطعم او مكان وصدفه اخو صديقتي شاف زوج صديقتي
وعرف انهم راحو المطعم وراح يقول لزوجته تصدقين شفت اختي وزوجها في المكان الفلاني
، صديقتي قالت ان زوجة اخوها لما درت جايتها بالفزع وكأنها تحاسبها وكأن مو عاجبها
وزودت كلام ، قالت تصدقين اخوك شاف زوجك وشكله متضايق ومقهور ومبين عليه مرضان
ليه تطلعين مع ولد خالتي وهو كذا , وصديقتي قالت لي لو كنتي مكاني وشفتيها كيف تحاسبني
وطريقة كلامها ماتترددين تعطينها كف !
مره مستفزة
تقول صديقتي ان اخوها الطيب الي ماله حس صار زي زوجته
بغى يمد ايده علي كم مره بسببها تخترع له قصه وهميه ماحصلت ولا مره جات بخيالي حتى
تقول شافتني متزينه بحفلة زواج جلست تسأل الكل مين اجمل هي ولا انا " وانا اشهد وانا شفت هالشي بعيني وانا من ضمن الي سألتهم زوجة اخوها " . !!
وصديقتي قالت انا ماتكلمت ولا سألت احد
ولما اجمعو الكل علي انا وبعضهم قالو الثنتين حلوين
حقدت عليها وراحت تألف قصه جديده مالها اساس من الصحه وجلس اخوها يشتم ويلعن
في اخته الي اهي صديقتي تقول مو قادره اسامح اخوي بسهوله
وهي تبكي بقوه بقوه وانا متأكده انها صادقه لأني شفت بعض من تصرفات زوجة اخوها
طيب تقول ان زوجة اخوها بعد دائما تجلس تعيب وتحبط صديقتي بدون ماتطلب رايها
يعني دائما تقول رايها زي انتي " طلعتي ماادري شلون في ذيك الحفله وتعلق عليها في كل مره
تتزين وحتى لو جلست بملابس بيت عاديه تعلق عليها " ودائما انا مو عاجبتها في شي
وتقلدني في كل شي .
تقول وربي صار لها سنة في البيت من شفتها والشيب يطلع براسي وانا توني بالعشرين
قدر الله وانفصلت صديقتي
تقول شافت انواع انوااااااع الحقاره من زوجة اخوها
تجي كم مره تهايط عليها انها متزوجه وفرحانه بحياتها وانا لا
صار عندها بيبي وتوريني عندها بيبي وانا لا
تقول لما انفصلت عن ولد خالتها انتهت علاقتي بعايلتها كلهم
وهي معاهم واولهم ولا اقدر انسى ، جت تسلم علي وانا مارديت عليها
للعلم هذي حركة من حركاتها سوتها لي فوق العشر مرات اسلم ولا كأنها تشوفني بس حبيت
اردها لها مره وحده .
تقول لما كنت ابغى اتطلق كانت تنقل كلامي كلمه كلمه لخالتها وخالتها تخبر ولدها
وهذا الشيء عسر الموضوع وكنت اتعذب لأنه كان ممكن يتركني ولا يطلقني
تقول انا تأكدت لأني سمعتها تتكلم تلفون وتقول اني انا قلت وقلت
تقول الى الآن انا مااحب اسمع عنها خبر حلو
تقول انا بجد حاقده عليها ماابي اسمع انها طالعه مكان مع اخوي
ولا ابيها تفرح ولا ابي يصير لها شي زين
تقول انا صرت مثلها معاها .
تقول ابي حل انا طول عمري مو كذا
ولا احب احتقر انسان ولا ابي اضايق احد
بس هي كانت تسوي لي كذا صرت مثلها
قلت لها هذا مو حقد هذا رد فعل
وانا اعرفها طيوبه واخلاق ، بس هي تبغى تتخلص من هذا الشعور
تبغى تنساها وتتجاهلها للأبد
تقول ماابغى اصير مثلها لأني ممكن اكون هي في يوم من الأيام ..
الخلاصه من هذا الكلام ان صديقتي خايفه انها تكون حقوده وغيوره زي زوجة اخوها
تتوقعون هل هذا الشي راح يأثر عليها مع الناس او فقط مع نوعية زوجة اخوها ؟
هي تبغى حل تبغى اسلوب فن التعامل مع هذه النوعيه من غير حقد
تقول طول عمري ماني حقود , ولا ابغى ذا الشي وابي اعالجها واتخلص منه وانساها
وهل هذا يسموه حقد فعلاً ؟
لأن ماتعرف تلبس ثوب مو ثوبها
صديقتي حاقده بقوة على زوجة اخوها وتقول لي عنها مجابة
رد مع اقتباس
