عنوان الموضوع : قصتي مجابة
مقدم من طرف منتديات نساء الجزائر

قصتي



السلام عليكم ورحمة الله وبركاته

حبيت اكتبلكم قصتي وعسى رب العالمين يهدي حد فيها ولا تستفيد وحده منها

انا الله يسلمكم عمري احين 25 بس لم كان عمري 17 كنت اقول مستحيل انا في يوم من الايام اغلط او اكلم شاب ..

بس سبحان الله تأتي الرياح بما لا تشتهي السفن

دخلت منتدى حآلي حال الجميع
وبدت قصتي فيه .. كنت ألعب مب في نيتي اي حاجه
وكان فيه شاب يلعب معاي ودوم معاي لين ما طاح الفاس فالراس
ما اعرف كيف صار هالموضوع بس صار اللي صار وحبني وحبيته
وعشنا حب ولكن حب الحرام سبحان الله تعب وشقا وعذاب

وصلنا لمرحلة طلعت وياه اكثر من 20 مره واستوى بينا اللي حرمه رب العالمين
وتقدملي مرتين بس رب العالمين ما كتبلنا نصيب وامي واخواني والجميع تقريبا عرفو بأني اكلم هالولد..

بس ما عرفو انه استوى بينا شي
وبعد هالشي امي عرفت وناس مقربه مني
ورحت عند دكتوره وسبحان الله قالت الغشاء ما صار فيه اي شي
وبعده موجود :$ كنت مصدومه من هالشي


ومرت الايام وانا ماتبت بالعكس استويت اتنقل كل مره من شاب لشاب اخر
بس ما كنت اسمح لحد يمسني ..


ربي العالمين سترني بس انا ما سترت عمري
رب العالمين يباني اتوب وانا ابتعد عن التوبه

لين يوم من الايام ماتت انسانه عزيزه علي
وعرفت انه الله حق وانه هالدنيا عباره عن اختبار ومحد يدوم

والله يا بنات ألتزمت ألتزام وبعدت وداومت على الاستغفار
ودوم ادعي انه ربي يسترني تبت توبه نصوح لربي
والله لا يعودني حق الايام اللي مرت..
تبون الراحه قيمو الليل .. تبون التوبه الباب مفتوح ..


واحلف برب العالمين انه الشباب غايتهم وحده
شرفج .. دخيلكم يا بنات بعدو عن هالدرب
الدنيا بس دقايق فجأه بتحصلين عمرج في قبر
لآ حبيبي ولا انيس ..

كيف بتقابلين رب العالمين .. آنآ دموعي وندمي وكل شي بس بعدني احس اني غلطانه
ياررررب ارحمني ..

بنات انا احين ممتلكه وزواجي قريب والحمدلله الحياه حلوه بقربي من ربي
الحمدلله على نعمة الستر .. لآ تفقدون الامل برب العالمين
بنات والله الدنيا ما تسوى .. قربج من ربج هو الحل لكل شي
لا تقولين يحبني .. قولي يتسلى فيني يلعب علي معتبرني اضحوكه له
باكر يروح عند اصحابه ويضحك عليكي ..


إسأل الله الستر فالدنيا والاخره ..
آلحمدلله الحمدلله الحمدلله الحمدلله

>>>>> ردود الأعضـــــــــــــــــــاء على الموضوع <<<<<
==================================


الحمد لله انك عرفتي الطريق الصح وتوبتي ، وانا بدعم الهدف من قصتك اختي وهاي نصيحه لجميع البنات ، ما في شي اسمه حب قبل الزواج الحب بيأتي بعد الزواج لا تكونوا لعبه بيد الذئاب ....
الله يوفقك اختي ويبارك بزواج انشالله ....


__________________________________________________ __________

الله يستر عليج وعليه وعلى جميع بنات المسلمين
حبيبتي ﻻيوجد شيء اجمل من القرب لله سبحانه وتعالى
ربي يتمم لج على خير ويسعدج ويهنيج
بس الشاب الي كنتي تطلعين معاه هو نفسه خطبج حبيبتي ؟؟؟؟


__________________________________________________ __________

وعليكم السلام ورحمة الله وبركاته
ماشاء الله قصتج حلوة ومؤثرة .. الحمد لله ع نعمة الستر والتوبة و على جميع النعم
الله يتمم لج ع خير .. ويسهل عليج دربج .. ويرزقج الذرية الصالحة


__________________________________________________ __________

الحمد لله ان قصتك انتهب بتوبتك اتم الله لك بالخير وح تعيشي الحب الحقيقي بعد الزواج ان شاء الله نسأل الله الهداية والثبات


__________________________________________________ __________

الحمد لله
ربي يتممك بعقلك