عنوان الموضوع : مشكلتي هي .. ماعرف شلون اتعامل مع نفسي
مقدم من طرف منتديات نساء الجزائر

مشكلتي هي .. ماعرف شلون اتعامل مع نفسي



بسم الله الرحمن الرحيم


السلام عليكم ورحمة الله وبركاته ,,

في البدايه قبل كتابة مشكلتي حز بخاطري اني بغيت اسجل بهذا المنتدى الجميل حتى اثقف نفسي بكل النواحي وكان التسجيل مغلق ,,





مشكلتي ماهي مشكله وحده لكن هي مشاكل متداخله او صراع نفسي احس به داخلي لدرجه ان صرت ما اعرف اتعامل مع احد رغم ان داخلي تفائل لكن الاحباط والسلبيات اللي اعيشها مع اللي حولي هم مخليني انسانه ضعيفه ,,



في البدايه انا البعض يعتبرني انسانه ماعندي شخصيه والسبب ما كملت دراستي الجامعيه ولا اشتغل ولا اختلط بالناس وانسانه كافيه خيري وشري وحتى ما ادخل مناقشات مع حد واذا دخلت اعصب ,,رغم تفكيرهم لكن اشوف نفسي العكس ,,شخصيتي هو ابتعادي عن امور وايد ولكن هناك امور كسرتني ,,

اني مو عايشه مثل بنات هاليومين طلعات وروحات ومجمعات ولا لي صحبه وحتى اختي اللي عايشه حياتها ماتعتبرني موجوده الا عشان امسك عيالها اذا طلعنا لازم تجيب صديقتها وانا والكرسي نكون واحد واحيانا وايد احس ان اختي تتفشل مني او ماتقدرني بشي وايد مواقف مرت كانت تحرجني او زوجها ينتقدني وهي تضحك كأنها فرحانه بأنه ينزل من قدري ,, اشوفها تسوي للكل وتحتفل بمناسباتهم الا انا نادر ماتفكر فيني ,, حاولت ابتعد وانا ما احب اتطاول عليها لان اعرف شنو عاقبة هشي ,, هاي من ناحيه



والصحبه انا تركتهم عن ارادة نفسي لان صعب نلاقي صديقات قلبهم على بعض رغم اني لقيت لكن احيانا تصير الغيره والحسد بين البنات يظهرون شي ويخفون اشياء ثاني وتركتهم لاني انا انسانه انكسر اذا احد مابين لي اي تقدير ,, يمكن لان طبعي كذا اتغضى مره مرتين وعقب اختار الفراق ,,




والمشكله اللي مامخليتني ارتاح اول شي اني انسانه مب جريئه وثاني شي ابوي الله يهديه ماعرف كيف اتعامل معاه ,,


انا عمري 31 سنه ,, ومثل ماذكرت فوق مبتعده عن الحياه الاجتماعيه الخارجيه ,, اغلب وقتي في البيت مو يعني مب اجتماعيه بالعكس ,, لكني فيني نسبة خجل بسيطه مخليني هاديه اكثر من اني اكون ثرثاره ,, الا مع البعض لا اكون كذا ,,

والله ماكتب لي نصيب في زواج وانا لو مو هالضغوط والله ما اتحسس مثل ما اقرأ بعض البنات اللي اصغر مني كيف خايفين يعنسون ,, واكره اسألتهم ليش ماتزوجتي وليش مدري شو وانتي حلوه وشدخل الجمال طيب ,, انا مقتنعه لكن كثر الكلام هو خلا نفسيتي تضعف غير اني ماسويت لحياتي اي شي بمقارنه اخواني وخواتي ,, مع نفسي راضيه ولله الحمد لكن الناس والاهل خاصه ايبونها بطريقة استهزاء السخريه نظرة شفقه مدري ,, وخاصه بيتنا ,, مرات امي والاغلب زوج اختي اللي يتدخل بكل شي مايخصه حتى حجابي !!

ومرات اخوي الكبير ينقاشني فجأه يقط علي كلام قاسي ويطلعني اني انسانه فاشله في حياتي وصرت ما احب اسولف معاه الا بأختصار مع اني احبه بس الابتعاد افضل وسيله ,,


عدم جرأتي هي موقفه حياتي في اشياء وايد ابغي ادرس لكن هناك اشياء توقف تفكيري يتغير حماسي يضعف مع اني داخليا ابي

سياقة السياره الله يجزيها خير امي شرت لي سياره عشان اغير من نفسي 6 اشهر واقفه ما اسوقها اولا لان من 12 سنه ماخذه الرخصه وماسقت لان وقتها ظروفنا ماتسمح ياخذون لي سياره .. وثانيا محد من اخواني وقف جانبي يقولي نطلع نتدرب وهشي طبيعي لكن محد من نفسه فكر وانا ما اطلب هشي منهم ,, بس فالحين يضحكون علي ويقطون كلام ابتسم ولكن داخلي يحترق .. وثالثا مب محصله مدربه تساعدني رغم اتصالي ,, وانا من النوع الي اخاف وماعندي جرأه اروح لحالي ,, لو صار اعتقد بتنحل مشاكل وايد


اولهم التعامل الصعب مع الوالد خاصه بعد وفاة اخوي الثاني و كبر سنه صار انسان صعب التعامل معاه تفكيره جامد طول هالسنين هو مابين الشغل والحين صار يحاسبنا على كل شي ,, يدخل البيت بصراخ ويطلع بصراخ

انسان ايمانه ضعيف ,, يشتم الناس يدعي عليهم يدعي على الاموات يكلم الله ليش خذت ولدي ,, ونحن كلنا نعرف كيف تعامله مع اولاده كان

ومن اركب معاه السياره عشان اروح مكان يكرهني بالوقت اللي اكون فيه وياه بسبب كلامه وهواشه احس بداخله حقد وغليان ؟؟


دايما يحرجنا جدام الضيوف ويحرج الوالده جدام خواتها ,, اسلوب في المحادثه ماعنده واذا حاولت افهمه انه شي غلط ,, يصرخ علي ويجرجني طبعا مصروفي اتقاسم ويا امي اخذ 1000 ريال مايكفوني لين طلبت منه صار يعايرنا اني بنيت لكم بيت شنو تبون اكثر انتظروا اموت اخذوا فلوسي العيد مايفكر فينا ابد عندي اخت كبيره في ديره ثانيه هي تسوي لي وياها وانا وايد انحرج منها هي الوحيده اللي ماتقصر ,, الحمدلله ,,


حتى امي المسكينه صار يشك فيها تكلم هنود وتغازلهم هنود عاد !! صار امره مو طبيعي لانه هو ماكان جي ,, وانا اعرفه حنون وطيب ,, لكن فجأه صار انسان ثاني ,,

مانقدر نكلمه ,, لدرجه اليوم قلت له انت محسسنا ان نحن ضيوف في بيتك ونتنظر نطلع منه ,,

ومن النقاشات الحاده اللي قالها لي انا بيوم راح ابيع بيوتي واسافر واخليكم بشارع انتي وامج وخوانج !! هذا كلام اب عاقل يقوله لعياله !! انا صرت ما اتحمل واقلل من احترامي ما اشتم بس يرتفع صوتي واخوفه بكلمة الله ياخذ روحي عشان تظل طول عمرك ندمان ,,


دايم اقول لا تظلم عيالك لان الله بيمد من عمرك وبيبليك بعيالك ,,


اخوي الكبيروهو الوحيد بين 4 بنات بعد ماتوفى الثاني .. حاقد عليه وايد يعني ماعنده شي اسمه مساواه بين ابنائه ,, لدرجه حتى عياله يفضل عيال المرحوم على عيال اخوي ويتهمهم بأمور وايد ,,


ودياما يشك الناس حراميه يصرخ على الشغاله انها حراميه وتسرق منا واي خدامه انيبها نفس الشي وحتى العامل اللي يشتغل برع في الحوش و الهديقه مره ضربه وهو كبير بالسن قاله انت سارق !! وانا اقول الظلم مب زين يا ابوي بكره بيأذونك ويعصب علي ويهاوشني

رغم ان هناك امور حلوه فيه بس ماقمت اشوفها ماقمت احس اني صرت احبه او اخاف عليه مثل قبل ,, كنت دلوعته لكن الحين صرت انسانه يكره يكلمها ,,


وعندي اخت معاقه ولا عمره فكر لعلاجها فوق هذا بدل ما يقولها كلمه طيبه دايما يحرجها جدام الضيوف او جلساتنا ويقولها كلام يضيق الخاطر ,,



اعرف انها مشاكل موجوده ومافي ح مرتاح ,, لكن صرت انسانه ضعيفه بنت تبي تفرح ومب لايقه هالفرحه انسانه ماعندها مشاعر تجرح بالكلام وماتحس ,, وماعدت اثق بمشاعري اتجاه الناس ,, صار قلبي مايتقبل احد ولا يبي احد ,, صرت اتمنى اتزوج رغم اخاف اتزوج انسان يعذبني ومايفهمني ,,


صرت احس نفسي اني ما استاهل شي انسانه سيئه ,, قمت اجرح نفسي بكلمات صعب الواحد يوصف نفسه فيها ,, صرت اصيح كل يوم وما اتقبل شي واتحسس من اي موقف وكلمه ,,


>>>>> ردود الأعضـــــــــــــــــــاء على الموضوع <<<<<
==================================


الله يفرج همج ويرزقج بالزوج الصالح آمين يارب العالمين


__________________________________________________ __________

لا حول ولا قوة إلا بالله.أسأل الله أن يربط علي قلبك وأن يهد أباكي وأن يرزقك الزوج الصالح الذي يخشي الله فيكي.


__________________________________________________ __________

السلام عليكم أختي


أولا المشكلة مو كبيرة زي ما إنتي مفكرتيها هذا لإن تفكيرك سلبي فكري بالحياة بطريقة إيجابية أكثرررر

راح أقلك طريقة سويها : خذي ورقة وقلم واكتبي
أهدافك :
أحلامك:
خطة مستقبلية:
وبعد ما تحددي حاولي تعملي على تحقيقها وراح نشغلي عن مثل هذه المنغصات

ثانيا انا مرة كنت أستمع للراديو وكانت فيه مستشارة نفسية وأكدت على ان الإنسان مالازم يستنى شكر وتقدير من أحد لازم هو يشكر نفسه على عمل قام به ويقدر نفسه ويقول في خاطرته {أنا سويـــت هالشي يــــاي أنا أمضي قدما } وراح تشوفين إن الكل يشكرك المهم أقنعي أنت نفسك بالنجاح هو الأهم طبعا بعد ما تعملي مجهود لتنجحي , ثالثا : أبـــــووووكِ إنتي محظوووظة لأنو جنبك أنا ما لقيــته واتمنى بس أقبل يده لكن رحمة الله عليه هو مَـــرْ أكيد من تجربة قاسية وفاة إبنه وهذا مو سهل ثم إنه كبر بالسن يعني قوة التحمل ضعفت عنده يكفي مِنـــــكِ تقبيل يده في الصباح والإبتساام في وجهه واعلمي أنه يحب فلذات أكباده رغم قسوة الكلام

أختي نصيحة أخييرة لكِ : غيري من نفسك من أجل الآخـــرين ولا تنتظري منهم أن يتغيروا من أجلك
أتمنى أن أكون قد أفدتك ولو قليلا محبتكِ أم الأشبال


__________________________________________________ __________

أولا المشكلة مو كبيرة زي ما إنتي مفكرتيها هذا لإن تفكيرك سلبيفكري بالحياة بطريقة إيجابية أكثرررر

راح أقلك طريقة سويها : خذي ورقة وقلم واكتبي
أهدافك :
أحلامك:
خطة مستقبلية:
وبعد ما تحددي حاولي تعملي على تحقيقها وراح نشغلي عن مثل هذه المنغصات

الله يسعدك يالغاليه قلتي انا كنت بقوله والله يرحم والدك ويجعل قبره روضه من رياض الجنه



اختي صاحبه المشكله ... اسال الله ان تكوني بخير
بقولك شي ولاتزعلين

السبب الرئيسي لمشاكلك الوهميه انتي نعم انتي السبب الرئيسي
والا الاسباب الاخرى مجرد مشاكل روتينه تصير بكل العائلات
بس انتي الي كانك نعامه وسامحيني حفرتي حفره وخشيتي راسك
وخليت جسمك وشخصيتك مكشوفه كذا والكل يسخر منك

نعم انتي السبب للاسف رحمه شخصيتك رحمة رحمة ذاتك الجميله
نعم متأكده ان جوواتك جمال روحي شخصيه جميله تصرخ كل يوم تتمنى انك تجدينها
لكن قتلتيها قتلتيها
1- بقنوطك
2- بضعفك
3- بتفكيرك السلبي لو بس فكرتي ايجابي وان بتقدرين هذا مقدرتي اليوم نجرب غيريه ماقدرتي نحاول
4- وقفتي بمحلك ماتحركتي بس والناس حولك تدور وترجع وانتي العمر يمشي العداد يمشي
وانتي تنتظرين احد يمد لك اليد لتحركك شبر من مكانك وان تحركتي رجعتي لها بتفكيرك
5- مالك طموح ماجعلتي لنفسك هدف في الحياه
بسألك ايش هدفك ! ايش هدفك بالحياه !
6- انتي لاتحتاجين لتقدير الغير انتي تحتاجين لتقديرك نفسك لنفسك
ايش تبغين من الناس!
تدرين لو شافوا فيك القمه الرقي واللاخلاق والتفاؤل والانطلاق للحياه كانوا قدروك
واذا ماقدروك يكفي انتي مقدره نفسك باهتمامك بنفسك بابتسامتك لنفسك
7- ابوك ابوك قلتي كنتي دلعوته والحين منقهره منه!! يعني اذا كان الزمن يغير تضاريس الجبال مايغير قلوب البشر
ليش مو يوسف عليه السلام لما اختفى بكى يعقوب عليه السلام لما انعمى حزن عليه
ماتقرين القران وتشوفين كيف القصه الحزينه
مع ان عنده 11 ابن لكن هذا المفضل! وعمت عينه بسببه

ليش ابوك مو بشر مو قلب مو ادمي وان تغير
هنا يعظم برك لابوك
إلى مت تحتاجين احد يهتم فيك بالله إلى متى ! قولي لي إلى متى!
إلى متى تحتاجين احد يطلعك من الحفره مع ان انتي بنفسك لو نقزتي الحفره نجيتي بقوه ارادتك!

ابوك اتقي الله في ابوك
ابوك لعب معك وانتي صغيره وانتي قلتيها دلوعته
عطاك مصروف درسك كان يبتسم لك

والحين كل هذا اختفى والله المستعان كبر بالسن الحين دورك
وين البر! وين حبك لابوك
وين ردك للجميل!
انتي مو طفله انتي مو طفله !
تعرفين المعروف مهما قسى الشخص اعترفي انه وقف معك بحياتك
وهذا ابوك ابوك انتي

ابوك وش يدريك انه يبكى بغرفته حزن
وش يدريك انه في صلاته يمكن يدعي لك
مهما ظهر لك القسوه كذا الابوان مايبون يظهرون لعيالهم الضعف

ابوك قلبه مثل الزبده والله الذي لااله الا هو لو كنتي تعرفي التعامل كانوا مارفعتي صوتك عليه
وهذا من العقوق
كل ماشفتيه ابتسمتي لوجهه لو يقولك الي يقوله اسكتي وشوفي هذا ابوك ومر بحاله نفسيه
وصدمه لانه انسان تعرفين معنى انسان!
وهذاك انتي مريتي بصدمه وانخشيتي عن الناس وكيف بابو وفقط ضناه!

ابتسمي له شوفي وش يحب روحي له
شوفي وش يكره ابعديه عنه
حبي راسه كل ماشفتيه
ادعي له بصلاتك
( الدعاء عجيب جدا ) ادعي ان الله يسخره لك ويشفيه ادعي ان الله يرحمه ويعينه ويصبره

عاملي ابوك بالحسنى تدرين لو ابوك زنديق كافر يقولك اسجدي لصنم وش بتسوين
وش قال ربي ( وإن جهاداك على ان تشرك بي ... فلاتطعهما وصاحبهما بالدنيا معروفا ))
وهذا هو كافر اجل كيف بمسلم ماقال لك كشري بوجهه ماقال لك تدعين قدامه ان الله ياخذك! ايش القلب الي تملكينه!
ايش العقل هذا ياختي معليش تحملي كلامي ويمكن مايعجبك لكن الانسان يحتاج من يهزه بقوه
ابوك فقد ظناه وانتي تدعين على نفسك!
وتذكرينه بالظلم!

انتي وش تسوين اجل!
ظالمه نفسك ودافنتها للمجهول وكل ليله تبكين وش يفيد البكى
الغيتي شخصيتك وانا متاكده لاني اقرا كلامك وطريقه ترتيب للكلام انك انسانه رائعه رااااااااااااااااااااااااااااااااااااااائعه رائئئئئئئئئئئئئئئئئئئئئئئئئئئئعه انسانه جميله
لكن قتلتي الجمال والروح الجميله بتفكيرك السلبي في كل شي وانهزامك مع نفسك


__________________________________________________ __________

الحل باذن الله..
قومي صلي ركعتين حبيبتي ادعي الله ان ينور بصيرتك
احتسبي الاجر بابوك جاهدي بابوك فربي راح يرفع من شأنك عنده
وان تكلم عن اخوك الميت دعيه يتكلم واذكري حسناته نعم الكتمان مو زين له
خليه يفرغ واستمعي له
ابوك محتاج احد يسمع له فلاسف وجد الي يرد له الصوت بالصوت وجلس يفضفض بالصراخ
ذكريه باشياءه الجميله قبل
اضحكي معه وذكريه بالمواقف

2- اطلعي من الي انتي فيه ادخلي النت واكتبي موضوع تطوير الذات شاهدي باليوتوب
عن تطوير الذات للاسف سحقتيها سحق بنفسك وبيدينك انتي لاتقولين هم لا انتي السبب
فتحتي لهم الباب وجلسي يتمشون فيك ويكسرون جدرانك الجميله وانتي واقفه تناظرين

3- قوي علاقتك مع ربك نعم راحه الروح مع الله واكثري من ذكره

4- اشغلي نفسك ايش هوياتك ! مو معقوله معندك شي طبخ .. رسم .. قراءه روحي المكتبه اقري هناك وتعرفي على ناس هناك ادخلي مع الناس كسري قوقعتك

وتقولين ماحب احد مايقدرني وش تبين التقدير انتي ان قدرتي نفسك قدروك الناس
ان احسنتي للناس فتحي لك باب بقلوب الناس
ولاتتنظرين الاحسان من الناس اعملي لوجه الله بابتسامه اتقي النار بها
وتخلقي باخلاق المسلمين الصالحين ولاتنظرين جزاء ولا شكورا وان وجدتي العكس
انتي وعملتيه لله ومايهم النتيجه هو يجازيك وهذا يكفيك


مو جالسه بزاويه غرفتك تبكين كانك ارنب نعم وسامحيني الارنب يطلع من حفرته ويتمشى ويركض ويدور الرزق وانتي بس جالسه بالحفره !

5- اشتركي بنادي رياضي غيري جو غيري شكلك من قصه الشعر لتنطلقين بالحياه
اتصلي على زميلاتك او اذهبي لدار تحفيظ القران انتي وامك بعد اكسبي فيه اجر
ونااااااااااااااسه واجر وتعرفي على الناس الطيبين

6- اعملي اعمال تطوعيه وياكثرها تصقلين من شخصيتك وفكرك وافكارك وترفعين نسبه التفكير الايجابي

7- ابحثي عن عمل ولو بسيط جدا تعلمي تعتزين بنفسك

8- عند اهلك الصمت شي طيب لكن ان قالوا ماتزوجتي قولي وانتي تناظرين ( سبحان الله الي كتب لك متى تتزوجين كاتب لي والا انتي عندك شك باقدار الله )
او قولي ( وبدلع وبثقه ماجاني إلي يستاهلني ) نعممممممممم ابرزي الثقه وانك تحبين نفسك
حتى لو قالوا وقالوا اضحكي قولي الخيره فيما اختار الله وشوله العجله
وان قالوا عمرك قولي الله يصلح نياتنا واعمارنا ونعوذ بالله من الغرور والتشمت
لسانهم بيبلعونه بلع

ايش هذا بينصدمون انسانه تغيرت
صارت تضحك العبي نعم العبي واضحكي ياشيخه بلاستيشن ههههه
سيكل ياشيخه لفي فيه لف بالحديقه

وش فيها كل يوم خلي لك جدول وش تسوين اليوم
بحفظك جزء من القران
ابسوي خلطه لشعري
ابروح النادي
ابسوي احلى استرخاء بالناينو واشري معطرات
دللي نفسك حرام عليك اهلكتيها

ترا والله ان بيجي يوم بتصحين لكن بتبكين دم على الي راح وخسرتيه واتوقع يكفي لين هنا

استعيني بالله حبيبتي
ووقفي
واعلمي ان الله يحب من يتخذ الاسباب مع التوكل مو متوكل وجالس بالزاويه ماينفع والا ماكانوا الانبياء مع توكلهم العظيم يعملون الاسباب

مثل ماقلت انتي انسانه رائعه من كتابتك وحللتها هناك عقل جميل جدا وكبير لكن انتي غطيتيها بتفكيرك السلبي

وقفي على رجلك وتنفسي ببطى وانا عارفه انك بتقدرين بتقدرين بتقدرين باذن الله
خوذي امك او ابوك واطلعوا واعزميهم برا
كوني سبب لسعاده في البيت
اعملي جلسه حلوه وان صار العكس احتسبيه لله
واعرفي ماتضعينه بيد امك وابوك عيالك بيحطونك بيدك
فالله الله بوالديك

شغلي طق اسلامي وارقصي عليه وياليت ترقصين امك معك وش فيها
ابسطي قلب امك

مو تتكلمين بالسلبيات ليت وليت يمه ويالتيني مو بنتكم وياليتني ايش هذا\الا قولي الحمد لله
عندي اجمل ام واجمل اب واجمل اخت واجمل اخوانك
خليك متفاله من تفال بالخير وجده
الى متى تستنين السعاده من الناس
السعاده تقدرين تحصلينها لو بكوب شاهي ويارب لك الحمد


انا اقولك ماعندك مشكله ابد الا نفسك انتي
اصلحي نفسك تنصلح حياتك


واعرفي ... التكبر والغرور والاخلاق السئيه بتزيدك
كوني رقيقه مبتسمه من عباد الله الصالحين
الخلاق الحسنه تحبب الناس فيك
كوني طيبه في التعامل مع والديك
وان اردتي النصيحه مو بالرد المباشر الوالدين صعب يتقبلون النصيحه من الابناء الا بطرق ذكيه
التعامل المباشر ماينفع


انا حاولت اكلكمك واكتب لك المفيد
وانا عارفه ومتاكده ان اعصابك انفتلتت من كلامي ويمكن دعيتي علي بعد
حاولي تتحكمين باعصابك
لكن الواحد يحتاج ضربه ليستيقظ
والا انتي انسانه رائعه لاشك فيه
كل انسان فيه بذره خير لكن يحتاج من يعتي فيها انتي اسقيها كل يوم بالتفال بالله
بالحب بالابتسامه ناظري المرايه قولي اليوم انا قويه انا متفائله انا جميله بثقتي بربي وبنطلق وان طحت بقوم وان اخطأت بصلح الخطاء

اعثري وابحثي عن نفسك
وعليك بالصلاه
وببر الوالدين
الصدقه
المسامحه
الثقه وعدم البكاء الا بالسجاده تسالين الله المعونه
ابحثي لنفسك رفقه صالحه وبتلقينهم
ولاتقولين فيهم عيب انا اولهم في عيب وانتي بعد فيك عيب
لكن الذكي الي يمشي الامور ويتغاضى
اذا فيك عيب لاتحاسبين الناس على عيوبه

وكلامك انك ماعرفتي تتعاملين مع نفسك بدايه تعاملك مع نفسك للافضل باذن الله

اسال الله لكي في هذا الساعه المباركه ان يشرح صدرك ويسر امرك ويفرج همك
ويوفقك بحياتك واخرتك
بالتوفيق