عنوان الموضوع : تعبت من صديقتي ساعدوني مجابة
مقدم من طرف منتديات نساء الجزائر

تعبت من صديقتي ساعدوني



الله يحفظكم ويخليكم نزلو موضوعي ارجوووكم


اه يا بنات والله تعبت مع هالبنت احس اني امها مسؤوله عنها والله ماخليت طريقه ماسويتها معها

صديقتي كانت بنت بريئه عفيفه طاهره همها الدراسه والمستقبل وطموحه وفجاه انقلبت وصارت بنت حقيقتها وسخه وسخه مره

وش السبب ليه صارت كذا مادري

انا اقرب انسانه لها وامها وابوها دايما مشغولين عنها وخواتها متزوجات
بعد الجامعه كانت حاطه في بالها على طول تتوظف لكن الله يعين للحين تنتظر
المهم مره جت وقعدت تقولي معلومات جنسيه اشياء اول مره اعرفها قلت لها من وين عرفتي قالت مو انت بعد كم شهر بتتزوجين قلت افيدك كلام عجيب غريب اشياء مادري انها تصير تتعدا حقيقة الجماع
مارضت تقول من وين عرفت

وكل يوم صارت تتكلم عن الجنس وتقول سوالف وسخه واقولها خلاص عيب ترى والله ماعاد اجلس معك من متى انت يالبريئه تتكلمين بهالكلام تقول عادي مافيها شي

وحتى ماتخليني امسك جوالها اول عادي هالحين لا برقم سري ولاب توب بعد

المهم مره قالت انها تبني اسوي لها صور اصممها قلت طيب عطيني لاب توبك مابي استخدم حقي بطيء ويمكن احتاجه ساعه او ساعتين قالت طيب واروح ادخل اشوف وش سالفتها 24 ساعه على اللاب توب الله لايوريكم يابنات صور ومقاطع اباحيه كثيره والله ارتعت شكيت بنفسي هاذي صديقتي او لا
وادخل الويب سايت اشوف حافظتها شفت فيها الفيس بوك حقها كله ناس وسخه كله اشياء وسخه مسحتها


رحت مسحتم كلهم وفرمت جاهزها وعاد اانا اعرف افرمت بس ما قدر خبرتها
ومسحت كل شي خليت الجهاز كانه جديد عاد دقيت عليها وكذبت قلت لها تخيلي انا فتحت صحفه والقى رساله مكتوب فيه تم اختراق جهازك واخذ الصور هي ارتاعت وماتت من الخوف وقالت متى وكذابه وتلعبين علي قلت مومصدقتني لين جيتك العصر تشوفين ان مابقى شي على جهازك وتصارخ وتهاوش ليه تدخلين ليه تسوين

مسحت كل شي عاد يوم رحت وشافته قامت فيني تهاوشني ليه ماسكرتيه ضيعتي علي اشياء كثيره ومهمه وبتنفجر ورقعت وصرفت لين سكتت بعد فتره قالت ميدي شوفي انا بقولك شي قلت وشو قالت ولد عمتك تزوج قلت لا قالت امدحني عندهم قلت غريبه عاد انت ما تحبين الي مثل شكله تقولي انا ماقدر من يوم مااخترق الجهاز وانا تفكيري منشل قلت ليش قالت انت صديقتي ومااخبي عليك شي تراني كنت ادخل شات وفيس بوك واتكلم كلام جسني وكنت اخاف من العاده السريه فكنت بس اتكلم كلام جنسي عشان اسكت نفسي لدرجة ان الشباب يدلون اصحابهم علي الي عندي بالفيس وحسابي ماعاد يستقبل صدقات واعرض لهم صور لجسمي بس بملابس ضيقه ويعطوني بطاقات شحن من بعد ماخلصت جامعه وقاعده فاضيه ماعندي شي حسيت انهم هم عالمي الناثي الي يريحني من كل همومي

هي تقولي الكلام واحس نفسي بدوخ او يغمى علي صابني غثيان والله ان بعد كلامها معه مرضت اسبوع كامل وانا احس بس ابي استفرغ قسم بالله صدمه العمر صديقتك الي كنت تشوفينها ملاك تطلع كذا والله مو محتاجه بطاقات شحن كل شهر ابوها يعطيها مصروف الف ريال
قلت لها كم مره اقولك ناخذ دورات كم مره اقولك نروح تحفيظ وتقولين لا غرقانه بالحرام وتبين التوفيق مو يمكن هالسبب الي ماخر رزقك وش الي خلاك كذا وش غير اخلاقك قالت الحق علي علمتك سري وتهاوشيني قلت مااهوش بس هذا الصدق قالت تكفين كلمي ولد عمتك يخطبني ويعفني او خطيبك ان عنده اقارب قلت لها نروح دكتوره وتفحصك يمكن عندك الهرمونات متغيره قالت حلي الوحيد الزواج عشان اتوب قلت لها طيب قولي لي وش الي خلاك تصيرين كذا قاالت مالك دخل ماادري مااتذكر

هالبنت استخفت اكيد اكيد مو معقول والله اني احاول اشغلها باي شي واخذها على محاضرات دينيه واقولها قصص مافي تاثير والله لو مو انا وراها واستقعد لها على كل شي كان ضاعت تكفون ساعدوني كيف ساعدها احس سويت كل شي مانفع ولو بكلم عمتي عشان تخطبها اخاف ماترضى لان عمتي مره دقق على هالامورالنسب والاصل او ماتوب مثل ماتقول وابتلش
والله كل يوم ادعي لها بستر وادعي الله يهديها

>>>>> ردود الأعضـــــــــــــــــــاء على الموضوع <<<<<
==================================


الله يفرج همك


__________________________________________________ __________

لاحول ولاقوة الابااللله


__________________________________________________ __________

الله يسسسسسسسسسسسسسسسسترها ويهديها

موفقة


__________________________________________________ __________

بعد ماخلصت جامعه وقاعده فاضيه ماعندي شي حسيت انهم هم عالمي الناثي الي يريحني من كل همومي

الفراغ سلاح فتاك من جد
خليها تتقرب لله شجعيها تحافظ على صلاتها

عندها فراغين جسدي وروحي
الروح غذاءه الصلاه والعباده
والجسد الاعمال المباحه
وبكذا تنسى هذه الامور

حبيبتي. صديقتك مبتلاءه اسال الله ان يهديها
بالكلمة الطيبة والنصيحه بتجي معاك
وادعي لها دائما

ولو تكلمين لها خطابة عادي اسعي لها بالحلال

مهما كان لاتستحقرين صديقتك مهما كان في كل شخص هناك بذرة طيبه محتاج احد يسقيها ويخليها تنبت

ححببي صديقتك بالدين بالترغييب مو بالترهيب بالترغيب
امدحيها كثير بطيبتها وانها قدوه لك
ولاتفتحين سالفتها وتتكلمين فيها معها كثير هنا ببتجراء اكثر عليك لا واجهيها بالمده بشخصيتها
وذكريها باعمالها الي كانت تسويها الطيبه
وبكذا بتخجل منك وماراح تفتح السالفه وبتحاول تصلح الامور

انا عندي كلام كثير بس طار لاني مشغوله حاليا
راح ارجع لك حبيبتي ان كتبه الله

الله يوفقكم ويسعدكم


__________________________________________________ __________

آلله يهديها ويستر عليها بس آنتبهي لنفسك