عنوان الموضوع : خطيبي و غيرته القاتلة .. خنقني !! الطبيب يجيب
مقدم من طرف منتديات نساء الجزائر

خطيبي و غيرته القاتلة .. خنقني !!



السلام عليكم و رحمة الله

مشكلتي واضحة من العنوان
و الله بنات تعبت تعبت من غيرت خطيبي علي ..
احس انها مرض مو غيرة ..
و انا مو متعودة على كدا و خصوصا ان في عليتنا ما عندنا هالطريقة من التعامل ..
يعني اخواني و ابوي ربي يطول في عمره عاطيني ثقة و عارفين بنتهم ايش تسوي قدامهم و من وراهم ..

امسحي جميع ارقام الأولاد اللي في تلفونك و لو يكونوا اولاد عمك قلنا ما علينا .. امسحي الواتس و الفايبر و التانجو قلنا ما علينا .. الغي صفحتك اللي في الفيس قلنا اوكي .. لكن توصل فيه الوقاحة انه يبيني أغير شريحة تلفوني لان حضرته مو مطتمن يعني ممكن يتصل علي حد من اللي كانوا يعرفوني يعني عدم ثقة رهيبة فيني و كأني انا مو متربية و يبغالي اعادة تأهيل و تربية ..
يعني احيان كثيرة جونا يكون اروع من الخيال فجأة يسألني أسئلة ما تخطر ع البال كلها شك و غيرة .. و بعدها يقلب الجو و يصير نكد .. مع العلم لينا مرتبطين اكتر من سنة و مافي اي فايدة ..

استغفر الله العظيم يارب و الله رح جن يعني معاملته لي زي كأني بنت شوارع .. حلفت له و قسمت له ان مافي مخلوق كان مرتبط بي عاطفياً غيرك بس لا حياة لمن تنادي ..
عارفة كلامي مو مرتب أسفة سامحوني بس و الله العظيم جنني بغيرته العمية ..
و المشكلة اني احبه كثير .. فيه صفات حلوة بس صفة الغيرة اللي عنده طاغية لدرجة ماسحة باقي الصفات .. يعني الغيرة الزائدة بتقلب و تصير شك و عدم ثقة .. خايفة بنات حياتي بعد الزواج تصير جحيم ..

أبغى بس تجاوبوني هل غيرة خطيبي طبيعية وعادي كل الخطاب يسوون كدا و لا حالته مستعصية و الأحسن اني اطلب الطلاق من دحين بالرغم من حبي له .. ؟
اذا كان طبيعي هالشي انصحوني كيف أتعامل معاه لاني خلاااااااااص تعبت تعبت تعبت ..

أسفة ع الإطالة ..
و ربي يسعد كل من ترد علي ..

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممممممممممممم *.*
حاسة فيج اكثر مما تتصوري لاني تقريبا اعاني من نفس المشكلة
بس بصراحة هو اغلب طلباته له حق فيها
الحسابات سواء فيس بوك ولا غيره ما بتيييب لج الا وجع قلب وعوار راس وشك فالافضل من البداية تلغيها
وبصراحة اكبر استغربت انه عندج ارقام عيال عمج !!! وانا معاه 100% في انج تمسحين ارقامهم
اما انه تغيري رقمج لا مب من حقه وحاولي تقنعيه انه هذا رقمج من زمان وكل ربيعاتج يتواصلون وياج عليه
و اهم شي انا اشوفه انه هو واضح وياج وصريح لانه من البداية بلغج بهالاشياء
وبالنسبة للتعامل وياه اترك أخواتي العضوات ينصحنج وانا بقرا الردود يمكن استفيد منها لانه مشكلتي نفس مشكلتج
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

الله يفرج همك


__________________________________________________ __________

الله يهديه


__________________________________________________ __________

رفع


__________________________________________________ __________

الله يكون بعونج

بس انتي لا ترفضين طلاق اصبري