عنوان الموضوع : زوجي واخلاقه الزفت وتهديده لي -لصحتك
مقدم من طرف منتديات نساء الجزائر

زوجي واخلاقه الزفت وتهديده لي



السلام عليكم ورحمة الله وبركاته
زوجي واخلاقة الزفت تعبت من هالوضع وكتبت اكثر من مره هنا
تزوجت من خمس سنوات كان عمري 16سنه كنت باول ثنوي ومن بداية زواجنا كل مشاكل
ماعنده تفاهم ابد دايما يعلي صوته علي ويقولي سدي حلجك وانقلعي
وحتى لما ازعل منه واضل ساكته مايعجبه يبدا يتحلطم منو اللي يتحملك جالس مع صنم انا ويبدا يستفزني بالكلام واذا قلت له انت السبب ماتعاملني زين ودايما تصرخ وترفع صوتك يقولي انا كذا عاجبك اهلا وسهلا مو عاجبك مع السلامه دايما هالجمله يرددها
يحسسني انه مستغني عني وما اهمه
صارت مليوون مشكله من تزوجنا لليوم ودايما السبب اخلاقه ومعاملته لي
تدخلوا اهلي واهله طبعا اهله بحكم سكني معاهم ويشوفون كل شي ويسمعون صراخه علي كل يوم والله ماتكلموا كلمة حق امه تقول اكيد في اسباب لصراخه ولدي مو مجنون يصرخ بدون سبب وحتى اخوانه نفس الكلام يقولون
ولما يعرفون الاسباب يجلسون يلفون ويدورون ويقولون الحق معاه
مع ان والله ماشيء يستدعي انه يرفع صوته ومايحترمني
مثلا اليوم بعد ماتغدينا طلبت منه يوصلني عند اهلي ورفض بدون سبب
وتقريبا صار لي ثلاث اسابيع اذا مو اكثر مازرت اهلي
فقلت له اذا تعبان توصلني بكلم اخوي يمرني
قام يصرخ علي ويقولي روحي ونامي عندهم بعد لاتجين اليوم
قلتله ليش ما تبيني اجي قالي مو فاضي امر اخذك قلت له لاتعب عمرك اللي بيوصلني بيرجعني وقام يصرخ ويقولي روحي بالطقاق يطقك قلت له لاترفع صوتك علي خلاص
زهقت من هالوضع كل صراخ صراخ قام يقولي خلاص مو عاجبك ليش جالسه معاي تطلقي اريح لك تنرفزت من كلامه وقمت اقوله لاتفكر اني بموت على هالعيشه بس مشكلتي عيالي واللي في بطني عشانهم صابره قالي خلاص خذيهم وروحي وطبعا هالكلام بصراخ وانا اقوله انت ماعندك اخلاق ولاعندك ادب واهو يقول انا كذا وماراح احترمك وش بتسوين يعني
والله فجأه جاني الم في قلبي ونفسي صار ضيق ورحت الغرفه ارتاح ماتحملت
تعبت والله
كل يوم كذا وانا اسكت ولا ادخل الغرفه ابكي
بس اليوم انفجرت ماتحملت
امس تخيلوا يابنات جالس يفتن على زميله في الدوام عند زميله الثاني ويقول خل نرسل فيه اميل لمدير القسم عشان المدير مايرقيه ويحش فيه مو حق شغل ومايعرف يشتغل ومفروض ينفصل وانا جالسه اسرح شعر بنتي وانا اسمعه يتكلم هزيت راسي من كلامه بعد ماسكر الخط سألني ليش تهزين راسك قلت له لانك مشتغل بالفتنه واذا زميلك طالبين له ترقيه ماعليك منه ليش تخرب عليه وترسل فيه اميل ترى حرام وهذي ارزاق
قام يصرخ علي ويقولي ليش تتجسسين على كلامي قلت له انت تتكلم قدامي شلون تقول اتجسس قالي اني وحده جاهله وماتفهمين شي واذا عندك كلام خليه لنفسك وسدي حلجك صحيح ناس ماتستحي لازم الواحد يعطيها كلمتين عشان تتأدب وتعرف نفسها زين والله ضليت اسمع وانا ساكته مانطقت بحرف واول امس كان يبي يروح المستشفى لان عنده زكام وقالي يالله البسي عباتك خلينا نوصل العيال عند امك ونروح المستشفى لبست العبايه فجاه قالي وش لابسه تحت العبايه قلت له ملابسي نفسهم ماغيرتهم قام يصرخ علي ويقولي غيري ملابسك قلت له ليش وش فيهم كنت لابسه بيجامه اكمامها طويله والبنطلون طويل وفوقهم العبايه والعبايه مطرزه من فوق لتحت يعني مافي مجال شي يطلع فمنصدمه اقوله ليش اغيرهم
يقولي لان لونهم احمر قلت طيب وش فيه يعني قام يلعن ويسب لعنات علىوجهك وو...
وما ابيك تروحين معاي يالله انثبري هنا
وهذي سوالفه تبع البارحه واليومين اللي قبل وكل يوم على هالحال لو بتكلم كل يوم وش صار ماراح أخلص
وش الحل
احس باحراج اشتكي لاهلي لان خلاص مايتحملون اكثر
ابوي جلس وتكلم معاه وش اسبابك ليه دايما صراخ ولعن وسب والله مايعرف وش يقول
يجلس يخربط اهي قالت وانا قلت وانا عصبي وما اتحمل كلمه
وهذا كلامه
ويوم قلت لابوي انه كل كلمه والثانيه يقول بطلقك وروحي مع السلامه قام ينكر ويقول انا اللي اقوله بروح عند اهلي واهو يرد علي هالرد
مافي حل صار لي سنه مادخلت احد في مشاكلي ولا حاولت حتى افضفض لامي
مابيها تتضايق علي
والوضع مثل ماهو
اللي كاسر قلبي عيالي عندي بنوته قمر وولد الله يخليهم لي والثالث في بطني
وهالشي اهو اللي معور قلبي ما ابي انفعل اكثر واطلع من الشقه وتوصل للطلاق عشان عيالي بس
ما ابي اخسرهم تدرون انتم شلون الاحكام عندنا الاطفال ماتعدي اعمارهم السبع سنوات والاب ياخذهم والله لما افكر كذا احس اموت ولا افرط بعيالي ...
اذا فيه حل مع هالانسان قولولي...

>>>>> ردود الأعضـــــــــــــــــــاء على الموضوع <<<<<
==================================


انا استغرب منكم يعني عندك مشاكل كثيرة وناوية تطلقين ورايحه تجيبين اطفال
ولو طفل واحد ممكن ... لاتقولين من الله وقدر ندري انه من الله ولكن فيه سبب
والله حرام اللي تسوونه
انا امي وابوي مشاكل كثر التراب واصله للطلاق وماعندها احد يسندها
وكل يوم تحمل وكل يوم يهددها فيهم .. قلت لها وشوله تجيبين اللحين كان وقفتي
عقب ماجبتينا حنا الكبار كان خلاص وقفتي تقول الله كتبه 6 كأنهم ماسوو شي
لا والمشكلة هو هاج متزوج ثالثه وهي مريضه و البزران انا جالسه حضانه لهم
كل شوي اراقبهم اخاف يصير لهم شي
والكبار اللي متزوج وساحب عليها ويرفع صوته
والثاني قافل على نفسه مريض نفسي ما يساعد ولا شي بالموت يجيب لنا اي شي
ما شفت منهم فايدة ... وحنا البنات ماغير نتشحذ اي احد يودينا ولا يجيبنا مو لتمشيه
على الاقل لو للمستشفى يالله يتحركون
شديت في الكلام بس سامحيني هذا القهر على اهلي مو لك ... الاشكال اللي كذا ماراح تتعدل
الا يمكن لما تروحين حقت الشخصيات وتحاولين تفهمينه
وتفهمين شخصيته حقت الشمالي والجنوبي ومدري ايش
فيه بعضهم جابت نتيجة .. والله يوفقك


__________________________________________________ __________

طيب زوجك عصبي ليش تعاندينه؟
حل مشكلتك في ايدك ابدي من الليله مو بكره اجلسي معاه بسريرك وغرفتك وبعيد عن الاطفال كلميه بحنيه وتأسفي منه وقولي بنبدا صفحه جديده وانسى الماضي كله وانا اسفه
ومن بعدها لاتراددينه ابدا واذا عصب اسكتي لاتردين لين يهدا وحلي مشكلتك بهدوء من غير صراخ
كذا بتكرهينه فيك اذا استمريتي على المرادد ويمكن يطلقك من نفسه
كلميه بحنيه وهدوء واذا قلتي بروح اهلي وقال لا قولي ابشر
هو بنفسه بيحس وبيوديك اما العناد ماينفع
اذا ودك تحافظين على بيتك وعيالك سايريه دلعيه احترميه اسمعي كلامه لاتراددينه ولا تعاندينه ولاترفعين صوتك عليه

كوني له امه يكن لك عبدا
والله يهديكم ويسخره لك


__________________________________________________ __________

عامليه بالحسنى واصبري ع عصبيته لتحافظي ع عائلتك ومع طول الايام يحس بهدوء ك ويحاول يراضيك انا زوجي عصبي نخليه يصرخ ع راحته وأصمت رغم انني داخليا اكاد انفجر ثم يعود ويراضيني وخيتك طيران ع العتاب طبعا بعد ان يكون هادي حياتنا ممتعة والحمد لله


__________________________________________________ __________

هذا مو طايقك من اول يوم
المهم حاليا وطالما بينكم اطفال لافكري بالطلاق

اقصد زوجك مهما كان عصبي ويرفع صوته بس لو تلاحظي انه مامد يده عليك ابدا

حلك الوحيد هو كثره الاستغفار اشغلي نفسك بالاستغفار
ولمن يعصب ابد لاتردي عليه
حتى لو جا بعدين وتكلم معاك ولا كانه صار شي
معليش عشان خاطر طفالك


__________________________________________________ __________

الله يعين