عنوان الموضوع : احس بالوحده والنقص -لصحتك
مقدم من طرف منتديات نساء الجزائر

احس بالوحده والنقص



السلام عليكم
انا مااسميها مشكله الحمدلله لاكن احس بضيق شوي
بحكي لكم قصتي بالمختصر ....
انا كنت عايشه مع امي وابوي وعندي 3 اخوان عيال ماعندي اخوات تزوجت من واحد من عايله كبيره ماشاء الله الله يحفظهم
زوجي انسان طيب ومحترم الله يسعده
بس يابنات استغفرالله احس بالنقص
انا بتكلم بحريه بس الله يسعدكم لاحد يلومني عطوني الحلول

اول نقطه احس بالوحده والنقص .....
زوجي جامعي وكذالك اخواته وحريم اخوانه وبنات عمه وبنات خاله وكل اقاربه مبتعثين ودكاتره واساتذه ماشاء الله وانا معايه الكفاءه مع انو لمن خطبني اهلي قالو له ماتدرس
واهله كلهم لاأمانه يحبوني ويحترموني لاكن بصراحه لمن تجي جمعات او بيحضرون زواج صحباتهم ياخذون سلفتي الدكتوره وهذا طبعا من حقهم يفتخرون فيها الله يسعدها تحبني واحبها وزي اختي بس برضه لاجلست تتكلم عن دراستها بالخارج ومنصبها احس بالنقص وجهي يتغير غصب عني
ومثل ماقلتلكم احس فالمناسبات والجمعات يتجنبون ياخذوني
وانا اروح لهم اكثر حريم عيالهم اوقات احس اني ضايقتهم لانهم اخوات متجمعين وانا مضطره اجيهم ماعندي اخوات وامي اذا رحت لها مسكينه تنام بدري يعني الخميس والجمعه الناس تتجمع والاهل وكل ماكلم وحده اعرفها او من اقاربي والا اقارب زوجي تقول اسفه مع اختي والا مع رايحه لاختي والا اهلي جاييني
وربي احس بالحزن والوحده ودايماً زوجي يكرر ياليت عندك اخوات ونطلع احنا وهم سوا مرره عايلتكم قليله قلت هذا امر ربي
مرره كان الخميس وعاد تعرفون الخميس زورات وطلعات لااهل وقمت لبست ولبست ولدي وبنتي الا زوجي قالي يافلانه اهلي يحبونك بس لاتكثرين روحات لهم قلت امانه سامع شيء قال لا بس هم اخوات لابد عندهم هرجه خاصه خلاص مو لازم كل مره تروحين معي خليك بيتك ارتاحي انا اروح لهم وارجع وربي يابنات ماتتخيلو العصره اللي جابت بقلبي وخرج وشويه دقيت قلت وينك قال رايحين يشقرون بكره خطوبه اختي ليلتها عشان احطكم بالصوره فتحت الشباك وكان مطر وبرررد وطفيت النور وخرجت وجهي من الشباك واتنفس بعمق ماني قادره ودي اصيح بصوتي كله ماقدر غصه بحلقي مع هذا رحت من البكره وقفت معاهم وباركت واشتغلت معاهم ولاكان صار شيء
النقطه الثانيه ......
كل لبسهم ماركات وكشخات وانا زوجي يتعذر بالاجار وتكاليف الحياه واحس اذا جو خواته قال مررره كشخه قلت عطني فلووس وانا عندي ذووق وحب راسي قالت انتي الزين كله خرش الهرجه
مع انه طلبت فستان لشبكه اخته قال مافي خلصت كل فلوسي ولمن اخته المعيده طلبت عطاها مع انها معاها قال انا وعدتها
تدرون شو مسكتني انه يعاملني بريق حلو ويحب راسي ويمدحني قدامهم ماعرفت كيف افهمه كل مافتح الموضوع يقفله ويقول انتي حساسه واهلي يحبونك بس انتي تفكرين
بالعربي احسسه يبغاني ويحبني بس متفشل مني هو واهله يبغون وحده منصب بعد ماطلعو كل بنات حمولتهم وقرايبهم بعثات ودراسات
واحاول اكون صداقات يجلسون فتره وتلاقي وحده وتبداء تختفي ماراح تصدقون خالتي اخت امي سافرت تركيا واخذت بزورتها عندي وتحملت مسؤليتهم ولمن رجعت جالها تعيين بالشرقيه بعدها بداءت بالتدريج تختفي وتحط صور جمعاتها مع صحباتها اقولها ياهوووه عطينا وجه تقول والله مو فاضيه اخذوني صحباتي الجددد احس الناس صارت تتبع المصالح وتتبع المظاهر
احس حتى بنات عمي وخالي برضو عشان يدرسون فالخارج وكل ماكلم وحده ترد ببرود فالانساقرام احط صور مايعلقون ولمن بنات خالاتهم وصحباتهم يحطون صور تبداء التعليقات والمدح وكذالك اخوات زوجي يعلقون على صور حريم اخوانهم وانا بس يكتفون بالنظر >> الاخيره مالها داعي سالفه الانستقرام ههههههه
سامحووني طولت عليك بس تووووي ارتحت لمن كتبت اللي بقلبي وفضفضت عن نفسي مكبوته من 5 سنوات
الله يسعدكم ويريح بالكم

>>>>> ردود الأعضـــــــــــــــــــاء على الموضوع <<<<<
==================================


الناس مايتغيرون ..
وزين انهم يحترمون علشان الشهادة موعلشان الفلوس
يعني هو اكيد داري انهم مشغولين ومو معقولة خطبة اخته ولا يدري
وهو صادق ليش تروحين لهم كل خميس خليهم يشتاقون لك
اطلعوا تمشي انت وياه خوذي العاب اطفالك وخليهم يطلعون للحديقة للبر للسوق
موب لازم لناس تعرفينهم ..
هو فاضي ولا يعطي احد فلوس اكيد يبي يطلبون منه يوديهم ويعطيهم
استغلي هالشيء خليه يطلع معكم وتتمشون مثل مالهم حق انت لك حق
وان قالك واعدها .. قولي يالله اجل اوعدني مثلها ..<< حجريله
ان كان مايعطيك يقول خلص خليه يعطيك مصروف شهري لك ان احتجتي شي تاخذين منه
وان كانت مسألة الدراسة كملي دراستك ليش ماتكملينها ومنها تشغلين وقتك
العلم يرفع بيوتاً لاعماد لها 000 والجهل يهدم بيت العز والشرف
فلا تلومينهم .. والله يوفقك يارب


__________________________________________________ __________

حاسة فيك الله يعينك ..كملي.دراستك..سويلك اي شي لا تنتظريهم او تنتظري منهم شي..الله مهك..


__________________________________________________ __________

ماشاءالله خمس سنين كان مداك تاخدي دورات
حاولي تاخدي مانع وكبري عيالك وادرسي
تاني شي استمري اطلبي حقك منه
حتى لو وعد اخته انتي دحين مسؤوليته وقبل الجميع
فهميه انه لازم يقدرك بالمال زيما قدرك بالإحترام
اعطيه كلمتين حلوة واطلبي حاجتك
المرأة تقدر بالمال زيما تقدر بالإحترام.
وربي يفتح لك ابواب الرزق ويزيدك علم.
واطلبي من الله يسخر لك زوجك.


__________________________________________________ __________

مشاء الله روجك مغنيك عن الشهادات
لوكان زوجك يعااايرك كان صح تحزنين
اما زوجك حنون عليك وكلامه حلو خلاص ايش عليك
تذكري انها ارزاااااق
وواحمدي الله ع الموجود ولاتنتضري المفقود
واذ نفسك توصلين كملي دراستك مو شرط العمر
اهم شي الاصرار
وخليك واثقه من نفسك وترا الشهادات مو كل شي اهم شي الاخلاق
وكل هاااذ ولاشي عند الله اهم شي تقوى الله
وتميزي عنهم بتقوى الله
صلاة اليل او صيام او صدقه او بر الوالدين
او حسن خلق
واسال الله لي ولك راحه لاتزول


__________________________________________________ __________

المشاركة الأصلية كتبت بواسطة Rosl
الناس مايتغيرون ..
وزين انهم يحترمون علشان الشهادة موعلشان الفلوس
يعني هو اكيد داري انهم مشغولين ومو معقولة خطبة اخته ولا يدري
وهو صادق ليش تروحين لهم كل خميس خليهم يشتاقون لك
اطلعوا تمشي انت وياه خوذي العاب اطفالك وخليهم يطلعون للحديقة للبر للسوق
موب لازم لناس تعرفينهم ..
هو فاضي ولا يعطي احد فلوس اكيد يبي يطلبون منه يوديهم ويعطيهم
استغلي هالشيء خليه يطلع معكم وتتمشون مثل مالهم حق انت لك حق
وان قالك واعدها .. قولي يالله اجل اوعدني مثلها ..<< حجريله
ان كان مايعطيك يقول خلص خليه يعطيك مصروف شهري لك ان احتجتي شي تاخذين منه
وان كانت مسألة الدراسة كملي دراستك ليش ماتكملينها ومنها تشغلين وقتك
العلم يرفع بيوتاً لاعماد لها 000 والجهل يهدم بيت العز والشرف
فلا تلومينهم .. والله يوفقك يارب

احسنتي القول
ما عندي زود على اللي قالته الاختRosl