عنوان الموضوع : بيت العوانس تكفون ادخلوا محتاجتكم -تم الاجابة
مقدم من طرف منتديات نساء الجزائر

بيت العوانس تكفون ادخلوا محتاجتكم



السلام عليكم ورحمه الله وبركاته
صراحه مدري من وين ابدى لكم راح اقولكم موضوعي بدون مقدمات لان احس في طابوقه على صدري من القهر خايفه من المستقبل
ياطويلات العمر بيتنا مكون من 8 بنات 4 اولاد طبعا اخواني كلهم متزوجين صار لهم سنين متزوجين عندهم عيال اما حنا يالبنات الثمانيه ولا وحده للحين تزوجت طبعا انا ترتيبي بيتهم السابعه فيه سته اكبر مني وحده اصغر مني اكبر وحده من خواتي عمرها 42 سنه للحين ماتزوجت اصغر وحده فينا عمره 26 وانا قبل اربع ايام صار عمري28 قربت للثلاثين مابي اصير مثل خواتي خايفه حيل اعنس مثلهم لان مسبق احد وخطب منا امي تقول انتن مسحورات اكيد احد سوا لكن سحر عشان ماتعرسن مع انه حنا جميلات ومثقفات وجامعيات موظفات بس ليه مانتزوج ادري ان كل شي بيد الله وهذا نصيب بس والله يبنات ودي اصير ام ودي اجيب اولاد ابي اربي اولاد ابي اولاد يشيلوني في كبرتي محد حاسس فيني حتى خواتي عندهم نفس الشعور اكثر وحده تعقدت من خواتي الكبيره اللي بالاربعينات وقربت للخمسين وهي للحين انسه والله كاسره خاطري ذاك اليوم تقول لي انا حتى لو انخطب مارح اوافق قلت لها ليش تقول ليش اتزوج وانا كبيره وصلت سن اليئس مرح احمل انا كبرت وربي كسرت خاطري تتكلم معاي وعيونها مليانه دموع بس مابكت قدامي تكابر وقالت لي ودي اروح دار الايتام واتبنى ولد وربيه انا خايفه اصير مثلها ومثل باقي خواتي انا قربت للاثلاثين انصحوني شسوي انا دايم ادعي اخر الليل ماطوف فرض ومرح اقطع دعائي بس ودي اتزوج مابي اعنس اكثر من كذا مابي وحده تقول لي روحي خطابه مستحيل اروح لان اغلب زواجات الخطابات مو مضمونه اكثر اللي تزوجوا عن طريق خطابه تطلقوا ولا ابي احد يقولي تزوجي عن طريق مواقع الزواج لان هاذي الخرابيط احس مالها فايده ياناس ودي اتزوج طريقه تقليديه ودي اتزوج مثل ماكل البنات تزوجوا ودي افرح والبس الفستان الابيض انا وخواتي امي وابوي ناقلين همنا دايم امي تقول لو اموت وش راح يصير بكن وحتى ابوي خايف نضل طول عمرنا كذا انا حبيت افضفض اسفه طولت عليكم بس حبيت تشاركوني همي راح انتظر ردودكم مع السلامه

>>>>> ردود الأعضـــــــــــــــــــاء على الموضوع <<<<<
==================================


كلامك صح كل شي بيد الله تعالى
طيب ليش ما تروحون عند الشيخ يعني ممكن كلامم امك صح يكون عليكم السحر
ما شاء الله بعد ما قريت الموضوع ما احس في شي ينقصكم
ولو ما تقدري تروحي عند الشيخ في رقيه الشرعيه على المنتدى شوفيها في بيت الاسلامي داخل منتدى سيدتي
ربي قارد على كل شي
ادعي في ثلث الليل و بين الاذان و الاقامه
بالتوفيق


__________________________________________________ __________

اخيرا تشافيت انا عانيت من مرض روحي حبيت ابشركم اللي مريضه بمس اوسحر او عين
اضغطي على الرابط


__________________________________________________ __________

اسأل الله بقدرته التي قدر بها على جميع خلقه في السماء والأرض ان يرزقك انتي وخواتك بالازواج الصالحين اللي يحبونك ويسعدونكم
اختي قومي الليل وصلي وادعي ربي واستغفري في اليووم كثييييير الزمي اﻻستغفار انتي وخواتك و ربي كريم وقريب ويستحيب الدعاء وقادر على كل شي ﻻتيأسون رحمة ربي واسعه والله يوفقكم


__________________________________________________ __________

الله يرزقكم الأزواج الصالحين يارب و يستر عليكم و علينا و على جميع المسلمين
مين فين انتوا ؟ من اي مدينة ؟


__________________________________________________ __________

الله يفرج هم كل المهمومين