عنوان الموضوع : 11 بنت ما فينا واحده متزوجه -لصحتك
مقدم من طرف منتديات نساء الجزائر

11 بنت ما فينا واحده متزوجه



السلام عليكم ورحمة الله وبركاته
كيف حالكم يا اداره ويا سيدات وانسات
ارجوكم تنزلو موضوعي لاني مخنوقه ودي احد يسمعني
وهي اكثرمن سالفه في بعض
بقولكم علينا خالتي الكبيره عندها ثلاث بنات
خالتي الثانيه عندها خمس بنات
وامي ثلاث بنات
ماشاء الله
وين المشكله اكبر واحده عمرها 49 واصغر واحده عمرها 23
عن نفسي اشوف الزواج قسمه ونصيب ولو ربي كاتب لنا بنتزوج بنتزوج لكن
احس بضيقه وحزن لما اسمع بنات خالاتي يبون يكون عندهم بيت واسره وزوج وشخص يحبها وتحبه

ماادري وش المشكله خالتي الكبيره بنتها الاولى تزوجت زوجها طلقها وخذ صديقتها المقربه حسبي الله و تزوجت مره ثانيه ومعها مشاكل مع زوجها

اختها الثانيه تزوجت واحد وهذا من وجهة نظري ان اهلها وقت مازوجها زوجها لانه شخصيه مشهوره ورجل اعمال يعني ماكانو مركزين على جوانب الثانيه رغم انهم بخير وحالهم ماشاء الله حلو وماكملت معه طلع انسان تافهه جدا همه الفلوس وبس وتطلقت

الثالثه نفس ما احد تقدم لها

خالتي الثانيه عايشه في قريه صغيره كل بناتها دارسين جامعات ومتخرجات والمساكين مافي واحده فيهم اشتغلت بتخصصها كلهم يشتغلون في شغل عادي وراتب قليل مره وماتبي تسكن في واحده من المدن الكبيره واحلف لو تسكن في واحده منهم يمكن اقل شي يدخل عليهم ستين الف وكم مره بناتها يترجونها يطلعون من المكان الي هم فيه وهي ابد لا حياة لمن تنادي وغير كذا ابوهم مره عقليته متحجره ومن النوع الي البنت عنده نكره
اكبر واحده فيهم 37 سنه ميته تتزوج وسبب في اصرارها على الزواج تبي تطلع من الحياه الي هم عايشين فيها و الخوات الثنتين الي اصغير منها بعد يبون يتزوجون ومليون بالميه لنفس السبب غير كذا التلفاز ممنوع المسجل ممنوع الانترنت ساعتين باليوم ماادري ليه خالتي معقده الوضع كذا والسالفه مو سالفة التزام لا احس بس كذا عقليه قديمه رغم انها جامعيه وزوجها جامعي

المشكله وين ان مره حنا و اياهم اتفقنا نطلع سياحه على بلد عربي شهرين وكانت بنت خالتي الصغيره هي اقرب شي لي واختها الي اكبر منها ياخذون دوره بعد اقناع شديد من الاهل المهم بعد ثلاث اسابيع كذا طلعت انا وايها للمطعم وخبرتني سالفه بغى يشيب راسي منها تخيلو كانت متعرفه على واحد من الفيس بوك وقالت له انها بتسافر وقالها انا بسافر هناك وبجي اخطبك من اهلك وخلينا نتقابل وتخيلو قابلته فعلا في كوفي شوب انا مصدووووووومه احسبها تمزح وهي تحلف تقول لا امزح ولا شي قلت لها وكيف قدرتي تسوين هالشي قالت مو حنا ناخذ دوره العصر قلت لاختي روحي انت وانا بقعد انتظرك في مطعم مالي نفس لدرس ورحت قابلته ورجعت قبل مايخلص الوقت ويوم سالتها وش السبب قالت يعني حنا منحشرين ماحد يشوفنا ويوم لقيت واحد يحبني و تعرفت عليه ويبي يخطبني تبني وقتها هددتها وقلت لها لو ادري انك مسويه هالشي مره ثانيه بعلم اهلك وانت داريه طبع ابوك كيف واكتشفت انها كانت تكلم شباب وترسل صورها وكل هالاشياء كانت تسويها على الجوال
والحمدلله تابت بس من فتره حسيت انها بدت ترجع لحركاتها القديمه
المهم حنا ثلاث خوات ونفس الشي مافي واحده متزوجه انا اصغر خواتي وكل ما احد شافني او شاف خواتي نعجبه باخلاقنا وجمالنا ويسأل علينا لكن ماحد تقدم لنا والي يتقدمون لنا شياب كبار بالعمر و اثرياء مره
واختي تعقدت خلاص حطت في راسها انهم يجون لنا الشياب عشان حنا ابونا متوفي و مستوانا المادي ميسور بنرضى بشايب واني ماحد بجينا الكل يدور البنت الي عندها فلوس

كلنا جميلات حنا وبنات خالاتي ومؤدبات بس مادري ليه مايتقدمون لنا اشخاص مناسبين و ليه الي تقدمو لنا ولهم عددهم قليل ينعدون

ماودي افكر بهالموضوع بس كل ما احد شافنا يستغرب ليه مافينا واحده متزوجه وتدرون اسئله ولقافة الناس طبعا انا اطنش واسفهه و ماكن حد يتكلم بس مو كلهم شخصيتهم مثل شخصيتي

>>>>> ردود الأعضـــــــــــــــــــاء على الموضوع <<<<<
==================================


الله يرزقك ويرزقك جميع بنات المسلمين بلزوج الصالح انت كلكم بسن زواج بس كل شى نصيب ويمكن ربنا ما كتبلكم نصيبكم واهم شى انه البنت لازم حد يشوفها يعنى لو تطلعوا افراح مناسبات هيك الناس بتشوفكم وبتنخطبوا الفقر ما اله دعوة بلزواج الانسان الى بده يخطب وحده بيخطبها على اخلاقها وسمعه اهلها


__________________________________________________ __________

انا اشوف مافي مشكله وحتي لو في اكيد في حل


__________________________________________________ __________

الله يرزقكم بازواج صالحين ياااارب عاااجلا وتفرحووو وتنبسطووو


__________________________________________________ __________

ان شاء الله عن قريب
تزوجون كلكم
يعني يارب من يجي شهر رمضان القادم
يارب كلكم تزوجون.,
اكثري الدعاء.,
والله كريم.,


__________________________________________________ __________

الله يفرج همكم وتتزوجون