شايلة هم هموم امي وابوي مجابة

[aksachli]

عنوان الموضوع : شايلة هم هموم امي وابوي مجابة
مقدم من طرف منتديات نساء الجزائر

شايلة هم هموم امي وابوي



السﻻم عليكم انا الفترة هدي بس شايلة هم هموم امي وابويا ايش هي همومهم ؟؟ ابويا شايل همنا ككل من ناحية المصاريف ﻻنه تقاعد واحنا ساكنين ببيت ايجار وبس واحد من اخواني اللي يشتغل هدي ناحية الناحية الثانية شايل همنا احنا البنات شايل هم اختي الكبيرة المنفصلة متى تتزوج وانا انا صرت هم امي وابوي صرت اشوف الهم بعينهم عشان انا انخطبت وما تمت خطوبتي من طرف الخاطب المهم امي جلست اسبوعين تفكر تقول ليش غريبة ..ليش ما عجبناهم ليش وليش وليش مر ع الموضوع شهرين الحين اجلس معاها كل ما تكون جالسة لوحدها اﻻقيها تفكر بالموضوع نفسه سحبت منها في الكﻻم اكتشفت انه تتمنى انهم يرجعو وتقول ان شاء الله يرجعو انا حاسة انهم يبغونا وبيرجعو انا هنا قلبي اتقطع عليها شفت نظراتها وهي تتكلم وتقول ااااه ولما تنفتح سيرت زواج احد تقعد تقول اااااه انا صرت ما انام اللي اجلس افكر فيها اقول ي رب انا ابغى اسعد امي واخفف عنها مسؤلية وحمل وهم استغفر الله شيلتها هم فوق همها وابويا نفس الشي سويت له فطور قال الله يرضى عليك انا انبسطت انه دعا لي شوي كدة قال هييييييييء اااااه يالله انا هنا اتأثرت واخدتها في نفسي ﻻنه ابويا ما يقول اﻻهات اﻻ ادا تعب من شي وشايل همه وقلت ي الله قد كدة ابوي شايل همي عشان اللي صار لي ﻻنهم كانو متمسكين بالخاطب اللي خطبني وراح وما مهم مستوعبين انه راح خﻻص انتهى كل شوي يقولون بيرجع بيرجع ﻻنه هو يصير اخو حماة عمتي بس انا دحين شغلي الشاغل هم امي وايوي ما ابغى ﻻ سمح الله يصير فيهم مرض وﻻ شي بسبب التفكير الدكتور يقول ﻻمي اكشفي ع السكر وابويا ع الضغط قاعدة ادعي ربي انه يفرج همهم اللي هو احنا تعبت من التفكير راسي صاير كله شيب من القلق والهم بنات اخواتي يقولو يا خالة ايش فيه شعرك كله بودرة ابيض بعدين قالو ووووااا عجوزة صرت ..الله يفرج همكم ي امي وابويا وي رب ﻻ تجعلنا اكبر همهم واعنا على رضاهم وارزقنا باللي فيه الخير وجميع المسلمين دعواتكم لي فإني في هم ﻻ يعلمه اﻻ الله وسامحوني طولت .بس محتاجة نصيحة انا استغفر واصلي واقوم الليل واتصدق وادعي واصوم و الحمد لله الله يتقبل بس حكاية الموضوع دا اللي شاغل امي وابويا ي رب ادا فيه الخير انه ربنا يحقق امنيتهم ﻻ تنسونا من دعواتكم

>>>>> ردود الأعضـــــــــــــــــــاء على الموضوع <<<<<
==================================

الله يفرج همكم ييااارب ويخفف على امك وابوكى
الله يرزقك انتى واختك الزوج الصالح عاااجلا
وتفرحو اهليكم عما قريب ياارب امين

__________________________________________________ __________


__________________________________________________ __________


__________________________________________________ __________


__________________________________________________ __________