تعبت من كل شيئ -تم الاجابة
عنوان الموضوع : تعبت من كل شيئ -تم الاجابة
مقدم من طرف منتديات نساء الجزائر
تعبت من كل شيئ
السلام عليكم ورحمة الله وبركاته
كيفكم؟!
بدخل في مشكلتي لاني مااتحمل اكثر من كذا
اهلي مايحبوني لدرجة ان اخوي يقول لي اكرهك
ومره قال لي سكين في قلبش ودائما يضربني
اختي تقول لي ان ماعندي قلب ومااحس
وامي اذا صار شيي تقول بسببش !!!
يعني اخوي الصغير يصيح تقول بسبب وجودش بالبيت!!!
شدخل يعني
اذا قبل ماانام اصيح على حظي
امي تقول ماتبيني بالبيت ؟؟!!
لدرجة انصدمت حتى لو يقولون شي مااتكلم لاني لو تكلمت بكلمة
بيضربوني
حتى اني كنت صغيره تقريبا عمري11 اذا رحنا سوق الناس ينفرون مني يعني اناظر بنت تقول لي خير؟!في شي؟!
او مره جاء ولد قال لي وع اول مره اشوف زباله تجي السوق
~~
انا احب اهلي بس مايحبوني ليشش؟!
احس اني ابي اموت احسن من هالعيشه
تعبت حييل حتى اصدقائي ينفرون مني
,ليه طيب؟!
في اشياء كثيرة يمكن اقولها وتنصدمون
آه والله تعبت
امي تمدح اختي لانها رشيقه وبيضاء وحلوه تقول انها احلى مني وتمدحها قدام خلق الله
وانا ماكاني بنتها ولا مره حسيت ان عندي ام واب واخ واخت حقيقين
في المدرسه البنات يقولون اني انا احلى من اختي
انا اتميز عليها بعيوني الواسعه المكحله من الله وانا اصغر منها بس اطول منها حتى انا صج ان عمري كبير بس وزني في الثلاثين واختي اربعين
تعبت والله ابي الناس تحبني
ا
احس انقهر وانا اشوف اختي تحضن امي ولا مره احد حضني احتاج حضن دافيئ يحضني لافرغ كل مافي قلبي
ارجو المساعده والله لادعي لكم ليل ونهار
>>>>> ردود الأعضـــــــــــــــــــاء على الموضوع <<<<<
==================================
وعليكم السلام ورحمة الله وبركاته
ماراح أجاملك بشيئ برد عليك بعين الواقع
شوفي أنا وحده مني حاولت وحاولت بالأخير أعتدت على الوضع وصار عادي فأتوقع انك نفس الشي
أبعطيك الخلاصه الكامله لكلامي
مهما دورتي على أي احد يهتم فيك او يحرص عليك ماراح تلاقين إلا نفسك
إسأل مجرب ولا تسأل طبيب
لا عاد تهتمين من أحد وبالنسبة للموقف الي صار عليك بالسوق وانتي صغيرة ليه تحطينه في بالك للحين ترى والله مايسوى اي شي نفكر فيه الي يروح مايعدله التفكير
وترى صعبه تلاقينها من امك اما اختك واخوك عادي مو مهم بس امك صعبه إنتي لاتحاولين تراددينها او شئ بريها وأكرميها لوجه الله أما اختك واخوك أعطيهم الآذان الي ماتسمع وبالنسبه لتعامل صديقاتك معاك هو سببه الرئيسي من تعامل اهلك معاك لأنه أثر بنفسيتك
طيب إنتي ابحثي عن الأسباب الي تخليهم يعاملونك بهالشكل وان وصلتي لها وعرفتي الي مكرههم فيك انتي غيريه من طبعك إما اذا مافيه سبب لاتحاولين تكسبينهم أكثر من السابق وادعي الله يصلح حالك ويغيرة للأفضل
أهتمي بعلاقتك مع الله أولاً ثم مع نفسك وأحتضني سجادتك آخر الليل
إذا أكتسبتي محبة الله فلاتهمك محبة الآخرين
ولاتنسيني من دعواتك
موفقه
__________________________________________________ __________
الاخت وفت وكفت
الله يفرج همك
__________________________________________________ __________
احس انقهر وانا اشوف اختي تحضن امي ولا مره احد حضني ا
هنا مشكلتك
انتي تبغين الناس تبادر وانتي ما تبادرين بشئ
انتي ثابته في مكانك لا تشاركين ولا تتنازلين و لا تبادرين
وتنتظرين قبول لا الحياه مو كذا
مثل ما تعطي تاخذي
شوفي اختك وايش قلتي تحضن امي
وايش قلتي عن نفسك ولا مره احد حضني
اختك اعطت واخذت
انتي ما اعطيتي شي وبس تبغي تاخذي
و موقف البنت بالسوق اللي تقولك ليش تطالعين
تصدقي قبل اكمل قراءه للموضوع قلت يمكن هي لما تناظر
تركز و تبحلق بعدين قرات ان عيونك كبار ماشاء الله
وهذا سبب كمان وقوفك دائما في مشهد الانتظار و نظراتك
تخليهم يعلقون كل شي عليك
انتي سلبيه مع نفسك و نقلتي لهم هذا الاحساس
حاولي تغيري من نفسك و تتنازلي محد غريب امك واخوانك
الله يوفقك
__________________________________________________ __________
الله يعينك
__________________________________________________ __________
رفع
رد مع اقتباس
