عنوان الموضوع : هذي قصتي بختصار , وهذي مشكلتي !!!
مقدم من طرف منتديات نساء الجزائر

هذي قصتي بختصار , وهذي مشكلتي !!!



السلام عليكم ورحمة الله وبركاته

أخواتي العزيزات

انا ابي اطرح لكم قصتي وابي رايكم وحطو نفسكم مكاني .

قصتي انا متزوجه من 6 سنوات وعندي بنتين وولد

انا في البدايه يوم كنت عند اهلي كنت مرفهه مدلعه الوالد الله يطول في عمره تاجر كبير ومو مقصر علينا بشي ابد كل سنه سفر للخارج يعني في اعلى مستويات الرفاهيه

المهم تقدم لي زوجي وهو من الجماعه ارتحت له كثير وصليت الاستخاره وارتحت كثير

المهم وافقة تزوجنا زوجي امه متوفيه من يوم كان صغير وابوه كبير في السن واخوانه متزجين وكل رايح في حياته المهم اول شهرين من زواجي اكتشفة ان زوجي يشرب وزملاه اوسخ ناس على وجه الارض يعني ضايع بدرجه ماتتصورونها والله اني استحي اقول لكم بعض الامور الي اكتشفتها فيه ! المهم هوه كان موظف في مستشفى حكومي وكان والله مايملك ولاريال كان راتبيه تقريبا 4500 الاف ريال والله مابنات مايصفى من الراتب اخر الشهر الى 500 ريال والباقي قصود وخصومات مايداوم القصود اخذها قبل مانتزوج حتى قبل مانتزوج يقول ماكان يصفى لي شئ المهم بعد الزواج نفس الوضع وزداد الوضع تعقيد بعد ماجبت ولدي الاول
تخيلو اكل اجار بيت تسديد كهربه اغراض للبيت حليب للولد ومستلزماته الاخرى ..الـخ
كل هذي والي يصفي لنا بس 500 ريال ! المهم والله يابنات احيان ننام انا وهوه ماناكل شئ على اني اقدر اجيب الي ابيه من الوالد ويعنيني فلوس بس قلت لا تحملي هذا زوجك ولازم تعدلينه وتتحملي وهذي اسرار بيوت مو لعب اطفال المهم عدلت زوجي شوي شوي وصار يحب ولده ويروح تشتغل على سيارته حتى يجيب حليب واغراض بسيطه وصار معاد يشرب ويخاف علينا وصار يدور اشغال غير دوامه حتى يوفر لنا المتطالبات والله يابنات تعبة كثير حتى عدلته قبل الريال مايجلس في جيبه لو ثانيه المهم ربي فتحها عليه ودخل في التجاره سيارات ومصانع وتعرف على رجال اعمال وانا وراه اشجعه لين خليته يترك شلته الخربانه الي قبل معاد رجع لهم ابد تعرف على رجال اعمال هوامير وانا وراه صارت تجيه فلوس واخذها منه واحفظها لانها لو جلسة معه ماراح تاخذ الى يوم وراح تطيرها عليها والله ماراح اكذب عليكم بنات جاته فلوس كثير كثير وانا كنت احاول مااصرف كثير على قد حاجتي بس لين شراء لنا ارض وبناء عماره ! . المهم فصل من شغله وصار يشتغل بقوه والحمد لله صار وضعنا الان المادي ممتاز جدا والله يابنات تعبت كثير حتى عدلت فيه الكثير والله مهما قلت لكم وكتبت هنا وراح اقول الى نقطه في بحر من الي عدلته وسويته وكل الناس تعرف هذا الشئ وهو بنفسه يقول عند الجماعه وابوه واخوانه وزملاه والله لو ماام فلان ماكان هذا وضعي الحين حتى العمال الي يشتغلون عنده يقولون له والله يافلان لو ماام فلان (بعد الله) ماصار هذا وضعك الان . الحين ومن قبل فتره بعيده بعد زواجي يمكن باربعة شهور زوجي معاد يعرف السمره مع اخوياه الي قبل استراحات ووساخه سمرتنا مع بعض او نطلع زوجي يعشق الطلعات مايخلينا يومين على بعض في البيت .

لاكن المصيبه قبل خمسة ايام انا اشوف الواتساب حقه لقيت وحده راسله له صورتها وكاتبه احلى انا او زوجتك ! وربي يابنات صدمه عمري مالقيت في جواله هذا الكلام ومن قبل ماكان هو راعي بنات ويخاف من الحريم وينصح زملاه الي يغازلون .. المهم حاولة اهدى شوي جاء هو قلت له اجلس ابيك جلس قلت شنو هذي ووريتها له وصار يحلفومدري شو انه توه يشوفها قال تضني لو اني راعي بنات اعطيك جوالي تقري الواتساب تضني لو اني شفت الصوره هذي وانا اعرف البنت هذي راح اخليها لك تشوفينها ؟ المهم وربي ماقلت ولاكلمه احس اني خلاص تعبت تحملة شئ مااقدره صبرت وتحملة وعدلت وبكيت وربيت عياله واخر شئ هذي النهايه . جلس يحلف ويتكلم وانا في عالم اخر صارت دموعي تنزل من غير شعور قلت ليش يافلان هذي النهايه يعني خلاص يعني كل الي سويته وهذي نهايتي تحملتك وانت فقير وصبرنا سوا وعشنا سوا ...الــخ والحين يوم ربي رزقك صرت تدور على غيري جلس يبكي يقول والله ظلمتيني اصلا كل الي احنا فيه من فضل ربي ثم من فضلك انتي انا مااملك شئ اصلن الي عندنا لك وعيالك قال كنت ابيها لك مفاجاه لان مادام انك ظلمتيني ابي اقلك شئ العماره كتبتها باسمك انا مابي شئ كل شئ لك وعيالك انتي الي سويتي كل شئ . المهم قمة قلت انا راح اروح لاهلي انا نفسيتي الحين تعبانه وابي ارتاح اتصلت على اخوي قلت تعال وجلسة ارتب ملابسي وملابس عيالي جلس هو شوي قال تعوذي من ابليس واجلسي والي تبيه راح يصير قلت مابي شئ مو زعلانه انا بس نفسيتي تعبانه وابي رتاح المهم طلع ورجع بعد فتره قال اتصلت على اخوك قلت انا اوديك لاهلك قلت اوكي قال اخذي معك بلابس كثيره انا استغربة قلت ليش قال لا بس يمكن تحتاجونها المهم خذيت وتاخر هو شوي براء البيت ورجع قال اصبري ساعه ونروح قلت اوكي المهم رجع قال حطي لي اثياب لي في كيس قلت ليش قال انتي تبي تروحي لاهلك اجلس لحالي في البيت ابي اروح لاهلي قلت طيب حطيت له وطلعنا من البيت ركبنا السياره الى هورايحمع طريق مع طري اهلي وانا مااكلمه شوي وهو يسولف مع العيال طول ماوصلنا بيت اهلي قلت انت فين رايح قال فلانه تبين الصدق والله يوم قلتي ابي اروح لاهلي ابي اتجنن تبين تروحين وتخليني اتصلت على احد الزملاء في جده وشويه في شاليه يحجزلنا اسبوعين نرتاح مع بعض قلت من جدك قالوالله مستحيل اخليكم تروحون وتخلوني لحالي قلت الحين انا قلت لك ابي اهلي قال انا اهلك وجلس يتمسخر علي ويتريق اني ابي اتجنن لو تتركوني جلسة ابكي حسيت انه كذب علي قال يافلانه الحين تونا طالعين من المدينه المنوره باقي مسافه طويله على جده خلينا نسولف الحين واذا وصلنا جده نبكي مع بعض ويضحك وصلنا بنات ومو معطيني فرصه ازعل عليه فيها نطلع نتمشى ويسولف وقال الي تبيه ابي اسويه قلت اتصل فيها ترا تعرفك وفعلا اتصل على نفس الرقم وطلعة حتى الحيوانه ماتعرف اسمه ولاشئ عنه . وشوفوني الحين في جده بس احيان افكر كثير فيها اعتبرها خيانه !

ابي رايكم بنات وحطو نفسكم مكاني وش راح تعملون ؟؟؟؟؟


واسفه على الاطاله لاكن حبيت اخذ رايكم وابوح لكم

>>>>> ردود الأعضـــــــــــــــــــاء على الموضوع <<<<<
==================================


الله يعينك ويفرج همك


__________________________________________________ __________

وأله ماقصر الرجال
لوكان يخونك ماكان وداك على جدة
بس يمكن هذي وحده حاسدتك على سعادتك وتبي تخرب عليك انتبهي ثم انتبهي من ان تهدمي بيتك طيب مافكرتي ان يمكن زوجك مايعرفها يمكن هي قاطه نفسها عليه وهو برئ


__________________________________________________ __________

ربي يفرج همك ويفتح عليك


__________________________________________________ __________

وَعليكم السّلآم وَرحمة اللّه وَبركآته

سَـ أكونُ مَحلكِ..وَبِـ نَظريْ الدّيني وَالعِلميْ سَـ أفعلُ التَآليْ..
آحمدْلله عَ أنْ وَهبيْ الصبرِ وَالقدرة عَ الإقنآعِ ..
وَرزقنيْ بِـ زوجٍ يَعي لِـ حَيآةِ زوجته وَأولآدة
لِـ درجةِ آنه رَضيْ بِـ تَركِ عآدته الآولى..
وَتغير بِـ شكلٍ لمْ أتوقعه..
فَـ هُنآك الكثيير من هنّ مِثليْ يَتمننّ
في بَصيصٍ منْ تغيير آزوآجهنّ وَلآ يَجدنّ مَرآدهنّ..بِل الآسوء..
مَنحنيْ فُرصٍ كَثيره في التَغيير..
وَآهتم بِي وَلمْ يَنكر جَميليْ..
فَـ لمآذآ لآ أمنحه فُرصةٍ وآحده فقط..!؟
جَعلَ الجوآل بِـ أيدي..لمْ يَمنعنيْ منْ خصوصيته
أقسم باللّه عَ صدقه..جَعلني آتصلُ بهآ لأتأكد ..
خَآفَ عَ فرآقيْ وَتركه فَـ بدأ بِـ التفكير بِـ أمرٍ في منتهِ
الروآعه..مزدآنٌ بِـ المَرحِ وَالرومنسية..
التيْ تتمنآهآ كُلّ فتآة...
لمآذآ لآ أصدقة !؟
...
عَزيزتيْ..
لآتَهدميْ بيتاً بُنِيَ منْ زُجآج..
لآنه انتيْ من سَـ تتأذينْ لآغيركِ..
آعطيه فُرصة وَآحمدِلله
وَلآ تَنسيْ أنْ أقوى عمل إبليس هو التفريق بينْ المُتزوجينْ
فَـ يبحثْ عنْ أمرٍ كَـي يُفرقكمآ..
...
وَمنْ آجلِ الرآحة وَالإطمئنآنْ...
إرسلي رسآلة لِـ هذه الفتآة وَآنصحيهآ بِـ أسلوب دعوي من أيآت وَآحآديث
عنْ فعلهآ ..وَبإسلوب جميل خآلي من الشتم وَالإهآنة..
وَبِـ هذآ العمل ..
بإذن اللّه سّـ تكسبينْ الطرفين..
بِـ التوفيق لكِ...


__________________________________________________ __________

الاخت بوتقة الامل ماقصرت بارك الله فيها
اتمنى انك ماتعطين فرصة للشيطان واعوانه يهدموا الي بنيتيه بلحظة وانامتاكدة ان زوجك صادق بعض الازواج الله يهديهم تحلمي يسلمك نقاله .وياكثر البنات الي يتحرشون بالرجال ,ارجعي له واغمريه بحبك الله يسعدك ان شاء الله