التدريس وحالتي النفسيه
عنوان الموضوع : التدريس وحالتي النفسيه
مقدم من طرف منتديات نساء الجزائر
التدريس وحالتي النفسيه
السلام عليكم
آنا معلمه مستجده بمدرسة أهلية هذه السنة
طبعا تخرجت الأولى ولله الحمد ع دفعتي
المهم من اول يوم بديت التدريس وأنا من جد جد شايله هم حضور المديرة والمشرفة عندي للفصل
وخصوصا انها مدرسه خاصه وحلوه وحكت لي انك تحت التجريب بعد كذا بيكون فيه تسريح او تثبيت
انا ولله الحمد مبددعه وفنانه كانوا كذآ يحكون عني ف الجامعه لكن ابدا ماعندي ثقه بشغلي
دايما اتردد لما أعرضه " تخصصي اقتصاد منزلي
المهم انا بديت قبل شهر ونصف من الآن وحكت لي المديره قبل حضورها بأسبوع اني اتجهز
توترت جدا لدرجة ذهابي المتردد ع دورة المياه وقلقي مانمت زين قبل الدرس بيومين
بنفس يوم حضورها كان الدرس اللي تحضره لي آخر حصتين وقبله كان عندي حصه من التوتر سحبت ع الحصه اللي قبلها وعطيت حصتي لأحدى المعلمات
مااعرف ليه ياربي ليه مااكون مثل البقيه رغم انهم مستجدات مثلي لكن من جد ريلاكس ماشاء الله لآخر وقت لدرجه انو وحده جالسه معانا تتقهوى وتسولف ومن رنت الحصه اخذت اغراضها وحضرت عندها المديرة
انا من دخلت عندي حسيت انو الكلام ضاع مني وريقي نشف
لدرجه انها صارت تناظر فيني لأنو من جد توترت وجيت بحكي لها خلاص ببطل وبهرب من الحصه
من خلصت وجيت عندها قالت تعرفين انك اخذتي بتقيمك تقريبا 80 تقيم من القوائم مميز والباقي معلم كفء وربي اعتبر درسك درس نموذجي متكامل من الوسائل واوراق العمل والبطاقات لكن تعرفي ايش الخلل فيه ؟
بثقتك بنفسك انتي غير واثقه من نفسك ابدا وأحس طول ماانا جالسه احس كأنك تقولين بنفسك ماابي اغلط ماابي اغلط بحاجه ... تحكي لي استمتعي بدرسك بس وربي ياناس كييف ؟
وربي رغم انها مدحت ف طريقة تقديمي للدرس الى انو ضاقت فيني علشان ثقتي ويمكن تقولون راح تتحسنين مع مرور الوقت انا اصلا قبل كم سنه درست ف الروضه وقالت لي المديره نفس هالحكي بعد كذا استقلت لأني من جد اتوتر وتروح معلوماتي كلها واشعر بااحباط ويأس كبير وكيف اللحين اذا حضرت لي المشرفه ...؟ من جد جدد شايله هم كبير وبنفس الوقت محتاجه جدا جدا الوظيفه لظروفنا الأسريه وانفصال امي من ابي
هل اضغط ع نفسي ؟؟ وانا احس مو قادره اكمل بختنق من جد
افكر اقول بالترم الثاني هل ارفع رايتي البيضاء واستسلم ؟
كيف ابني ثقتي بنفسي لأنو الاستسلام مو حل ابدا احتاج الثقه حتى ف زواجي مستقبلا ف اجتماعي مع الناس وكل حاجه من جد أنا محبطه
>>>>> ردود الأعضـــــــــــــــــــاء على الموضوع <<<<<
==================================
__________________________________________________ __________
ما شاء الله عليك
ي قلبي مشكلتك صغنووووونه ما يحتاج لها كل هالتفكير والتوتر والضغط
انتي بسمم الله عليك مبدعه ومتميزه
بس ينقصك الثقه بالنفس ...
هي مسيطره ع مخك فكرة انو منتي واثقه من شغلك او انه ناقص
خطأ عليك .. دام الكل مدح شغلك و بشهاده ما شاء الله المفروض تنبسطي
وتنمي هالموهبه من غير خووف ولا تردد
فيه غيرك تلاقين ما تسوي اللي تسوينه وتلقينها واثقه من حالها ومبسوطه وعادي حتى لو ما جابت مثل النتيجه اللي جبتيها انتي
هي القضيه قضية تنميه الثقه عندك
اول حاجه حبيبتي اححذفي من قاموسك انو شغلك مو حلو او مو مضبوط
وحاولي تحطين بدل هالتفكير السلبي تفكير ايجابي
قولي اي انا واثقه بشغلي شغلي حلو وما في شي يعيبو والحمد لله الكل يشهد
انا قادره اني اسوي واسوي
وكلها فتره وتعدي وبيصبح عندك شي عادي وبيروح التوتر والقلق اللي مكبرررته بدرجه خياليه وهو ما يستاهل ربع تفكيرك
اتمنى لك التوووووفيق حبيبتي وربي يسعدك
__________________________________________________ __________
حبيبتي ..
آنتي نآقصگ ثقة بنفسگ
و هالثقـةة بتكتسبينهآ من خلال مدحهم لگ و لقدراتگ و آسلوبگ
لا تخلين الرهبـةة تسيطر عليگ و تفقدگ ثقتگ
الله يسعـدگ و يوفقگ يا رب ..
__________________________________________________ __________
ياويلي حنيت عليك تدرين وش مشكلتك
أنك طول الوقت تفكرين بالتفاصيل والاحداث وش بيصير وكذا
وكنك تصطنعينها وذى يجيب الضيق والهم وماتحسين انك على طبيعتك ابد وقت الله الله
ترى اي شي بالدنياه تشغلين تفكيرك به كثير يخليه الله هم ويوكلك عليه اشغلي نفسك بذكر الله والصلاه على النبي فمنه الفرج سبحانه
واي فكرا تجيك ابعدي عنها قولي ذا بعلم الغيب مايخصني به
انتي اللي عليك الشي الاساسي بس يعني تكونين فاهمه درسك وتحسين انك كفء بالشرح وخلاص تفالي بالخير
اما التفاصيل والاحداث علمها عندالله
جربي وبتلقين نفسك وحده ثانيه بتحسين فيه شي جديد ووناسه وكذا
بس وخلك مبتسمه هشه بسيطه لاتتكلفين وتسطنعين المثاليه
والله يوفقك خيتو
__________________________________________________ __________
رد مع اقتباس
