عنوان الموضوع : اخواني بيزوجوني وانا ماابغى اتزوج لاني مشعره ولاسباب اخرى
مقدم من طرف منتديات نساء الجزائر

اخواني بيزوجوني وانا ماابغى اتزوج لاني مشعره ولاسباب اخرى



السلام عليكم..
بادخل لكم بالموضوع مباشره انا بنت وعمري 27 والي الحين ما نخطبت وفوقها علاقاتي الاجتماعيه صفر من يوم واناى صغيره ما نحتك بالناس ولانروح عند احد خلصت الدراسه وانا الحين عاطله المهم ان اخويه بدا يتضايق من وجودي وهو بسلامته كان يحسب اني اذا خلصت الدراسه بانخطب وافك له كاني ع راسه وزياده يبغى اطلع من البيت عشان ياخذ حقه من الارث وبقيه اخواني و حتى امي صارت كبيره وودها اتزوج واريحها ولكن وحده بحالي محد يجيها
واخيرا صار مايمر شهر الا هو جايب لي خطيب وانا ماعاد الا بانجن مااا ابغى اتزوج ولا ابغى احد من طرفه لأني اعرف اخلاق اخويه واصحابه كلهم من شاكلته وفوقها اني اكره الرجاااااال واشوفهم كلهم من نفس طينه اخويه وابويه المتوفي مع اني عارفه ان الرجال مو سوى وانا مشعره جسمي كله فبالله عليكم من يرضى ياخذ وحده مشعره متزوج رجال ولا مره ؟..ولعلمكم تعالجت ولا سار شي باقي موجود وتعبت من شيله لان بشرتي حساسه ويطلع وراها حبوووب واثاار تجلس بالشهور...
ولما اقول لنفسي هذي سنه الحياه ولازم اتزوج القى نفسي وبكل صراحه ما ابغى اتزوج مالي اي رغبه في الرجال ولا ابغى اخلف ولا ابغى الحياه الزوجيه خير شر ولا لي اي رغبه في الحياه اصلا...
وش الحل بالله ...الي عندها رد طيب تقوله اتنمى منكم المساعده وشكرا..

>>>>> ردود الأعضـــــــــــــــــــاء على الموضوع <<<<<
==================================


والله م آعرف .. بس فيه أساليب متعددة لـآزالة الشعر
و لـآزم تبقى آثار .. آستخيري و توگلي ع الله
و لـآ تضيعين شبـآبگ عشان شيء مثــل گذا ..
الله يوفقگ يارب و يرزقگ بالزوج الصالح..


__________________________________________________ __________



تقدري تعملي"تشقير"للشعر جسمك
اي خلطة تعمله اشقر ومايبين.,
انا عاده اعملها لوجهي وماتعمل حبوب,,.
وهناك طرق ثانية.,

تذكري سواء قبلتي بالزواج او لا الي كاتبه الله يصير
احتمال ماتحسين الا يجي لك خطيب وانت ماتحسي نفسك الا تقبلين به..
بس احس ماعندك ثقه باخوك ونفسك نهائيا
ولازم مايصير كل مبادرات اخوك تحسبيها غلط وانه يريد بس يتخلص منك وكذا
لا لان كل اخ يتمنى لأخته الستر والزواج.,


__________________________________________________ __________

حبيبتي هاي سنة الحياة والشعر الزائدة مش مشكلة في وسائل لشيله استخيري والله يختارلك الافضل


__________________________________________________ __________

شوفي بابنتي

اولا... انتي بنت كبيره ماشاء الله 27 يعني انتي مسؤلئه نفسك وتتخذين القرار عن نفسك مو غيرك
اذا شفتي ان ماعجبك الخطيب وشفتيه النظره واستخرتي ماعجبك او كذا محد يقدر يغصبك
خلي لك احترام وافرضيه على نفسك قبل غيرك

ثانيا.. تكرهي الرجال ليه !! علشان مشاكل ببيتك حكمتي على الكل بالشر!
لا لاتخلين نظرتك للحياه قاصره وينك عن الدعاء !! ادعي الله سوق لك الزوج الصالح الطيب
هذه سنه الحياه وجمالها تاخذي زوج وتنجبي اطفال ينادونك ماما

ثالثا .. الشعر الزائد كل البنات يجيهم بسالك انتي تشيلي شعرك!
لان الي عندها شعر زايد تشيله بس مع الايام يخف اذا جسمك حساس روحي الصيدليه اطلبي كريم يخفف من الم شيل الشعر للجسم وفيه ليزر وعندك الشمع وعند آله الحلاقه عندك خيارات كثيره

رابعا .. وبعدين ليش عاطله ليش سكرتي على نفسك اذا انتي مخلصه الجامعه قدمي على مدارس اهليه
عندك تحفيظ عندك جمعيات اعمال تطوعيه اختلطي اعملي لك محيط تنفسي يابنتي
لاتقولين انا كذا طبعي لا خطا!
شي خائفه منه ارمي نفسك فيه وتحديه مره بتفشيلين المره الثانيه الثالثه بتنحجين
حرام انتي بعمر الزهور تغلقين على نفسك الشباك وتقولي محد او احب اروح لاحد لا

وهمسه لك نصيحه من اختك..
لما ربي يكتب لك الزواج انصحك اولا.. تستخيرين
ثانيا..تضمنين حقك من الزوج انه مايمنعك من تكملين دراستك مستقبلا
يعطيك مصروف شهري وقدره
ماميمنعك من الوظيفه ان جتك
مايتدخل برااتبك ولا ياخذ ريال واحد راتبك لك انتي
يحترمك ويحسن التعامل وماااايمد يده عليك ابدا
كله مكتوب بالعقد في الملكه
خليك ذئبه واعرفي حقكك

انا قلت لك الاشياء لان احس انك مستسلمه وماتبين مشاكل وبكذا خطا بيجيب لك المشاكل
واقري كتب تطوير الذات
واقري كتاب بوصله الشخصيه مهم جدا

الامور سهله
بس انتي مصعبه الامور على نفسك
انصحك تتوكلين على الله سبحانه
ماعجبك الخطيب شفتي فيه ايش شي مو لانك تكرهين الرجال لا طبعا
ماعجبك استخرتي ولاارتحتي وكذا
مااااحد راح يغصبك فهمتي خلي لك رائي وكلمه بدون صراخ
واهتمي بنفسك وامك وعليك الدعاء والله يسخر لك اخوانك ويرزقك الزوج صالح

موفقه


__________________________________________________ __________

انتي من عمري ؟؟ واضن انك بنت عاقل وفاهم يعني اي كلمة بقولها بتفهميها صح شوفي يااختي مادام جاء نصيبك لاترفضي اهم شيء تسالوا عن متقدم كلمي خالك او عمك يعني احد انتي عارفه ان خايف ربه وراح يسال عن المتقدم بضمير يعني مويقول لك كذا واذا كويس اخلاق ودين وافقي عليه ولاتنسي الاستخاره اما انك تكرهي الرجال هل شيء موصحيح موكل الرجال مثل اخوك وابوك لان الرجال يتخلفوا اما الشعر في طرق لازالته