خالتي تخون !! -لصحتك
عنوان الموضوع : خالتي تخون !! -لصحتك
مقدم من طرف منتديات نساء الجزائر
خالتي تخون !!
السلام عليكم بدخل بمشكلتي على طول الي يمكن مصيبه مو مشكله بس
خالتي اللي اعتبرها نفس امي وأحبها كثر امي انصدم فيها كذا
جوالها ذاك اليوم كان مع بنتها الصغيره تلعب فيه وانا من الفضول اللي فيني ولأنها دايما خايفه عليه وماتخلينا نمسكه واذا جلسنا جمبها لفت جاني فضول اني افتشه ادري غلطت بس ماقدرت أمسك نفسي خذيته من بنتها ودخلت البيبي وشفت المحادثات الا فيه واحد اسمه بؤ سعد وحاط صورته وادخل المحادثه الا كلاممهم وصخ وصخ وصخ ماينقال ومرسله صورتها له بملابس داخليه وطالع نص وجهها بغرفة بنتها حاولت اكذب نفسي يمكن زوجها بس شفت صورته وكلامهم وهو يقولها ياليتك بدال البقره اللي عندي ظنيت يقصد زوجتهيعني صراحه صدمه هي عندها 3 بنات وزوجها دكتور ومو مقصر معها بشي ابد يسفرها ويلبسها الماركات ومريحها بدال الخدامه ثنتين يعني من بين كل خالاتي هي اللي جد عايشه حياتها على كيفها ومرتاحه انا انصدمت لدرجة ناديت أختي تشوف وأختي انجنت قالت مستحيل وانا تذكرت اول ماحملت البيبي كانت تقولي الكلام اللي أقوله لاحد يقدر احد يشوفه من اللي عندي ! عاد انا الحين منصدمه فيها بشكل :") كنت أشوفها كل شي وأقول يارب اطلع نفسها بجمالها وحظها وهي معلمه يعني مو جاهله ولا صغيره !! وآلله العظيم كرهتها كره لدرجة مااقدر أحط عيني بعينها وهي تتكلم وتضحك اناظرها باشمئزاز وودي أعطيها كف اقول اسكتي اسكتي
عاد انا وأختي رحنا شفنا اللي تتابعهم بالانستقرام ولقينا بؤ سعد وحاط صورته والكيك حقه وقلنا لامي السالفه وما صدقتنا وقالت تكذبون وهاوشتنا عاد امي عصبيه بطبعها مادري شلون تجرأنا وقلنا لها بس وريناها حسابه وقلنا اذا تبين نحاكيه قدامك ونسأله عنها عشان تصدقين قالت انقلعوا انا ابتأكد بنفسي وربي ان طلع صدق راح اقول لزوجها وأمي جاها شي مادري ايش جد خفنا عليها تقول معقوله اختي كذا معقوله اختي داشره لا تكذبون ترى هالشي شرف تعرفون وش شرف وتقعد تصرخ علينا قمطنا ورحنا عنها وندمنا اننا قلنا لها اخاف تصير مشكله بينها وبين خالتي وأخاف خالتي تتطلق وش بيكون مصيرها ومصير بناتها !! خصوصا جدتي ميته الله يغفر لها يعني مالها احد
>>>>> ردود الأعضـــــــــــــــــــاء على الموضوع <<<<<
==================================
و عليكم السلام و رحمة الله و بركاته
حرام عليكم على الي سويتوه
ليه ما سترتوا عليها ان عرف زوجها ماراح تتصلح اﻻمور
شي ثاني
انتي لما تطفلتي ودخلتي البي بي
كان عليك المفروض تكلمينها هي مو اي احد ثاني
الي سويتوه غلط وايش دراك بكرا تتوب وتتغير
بس خبروا امكم ماتوصل الخبر لزوجها أبداً
ﻻزم تواجهونها هي وتحذرونها
الله يصلح اموركم و امور المسلمين جميعاً
__________________________________________________ __________
انتي صدق ملقوفه وبعد فظيحه عسى مايطيح بيدينك عدو
لا بعد خالتك بدال ماتنصحينها او تهددينها وتترك هالشي خربتي بيتها لاتقولين اي شي
الامر بيوصل زوجها ويمكن انتي تقولين له بعد
ربي يحاسبها وانتي وش دخلك
ولاتقولين لي انك ملتزمه لان الملتزمه تنصح تحذر تعطي فرصه مو مثلك
اذاعة لندن
وش بتستفيدين لو امك جاها الضغط
احرجتي نفسك واحرجتي امك مهما كان هاذي اختها واكيد ماتبي بناتها يشوفون شي مو
زين
من خالتهم
اللي سويته شي كبير لا يرضى الله ولا رسوله
قال تعالى:
{والذين يؤذون المؤمنين والمؤمنات بغير ما اكتسبوا فقد احتملوا بهتانا وإثما مبينا}
قال الشارح: الآية مطابقة لعجز الترجمة؛ لأن المتجسس على المعايب مؤذ لصاحبها بما
اكتسب لما أخفى ذلك ولم يتجاهر به، نهي عن التطلع إلى أمره والتوصل إليه، طالبا للستر
بحسب الإمكان
وقآل رسول الله - صلى الله عليه وسلم : «إياكم
والظن، فإن الظن أكذب الحديث، ولا تحسسوا ولا تجسسوا ولا تنافسوا، ولا تحاسدوا، ولا
تباغضوا، ولا تدابروا، وكونوا عباد الله إخوانا كما أمركم
عن معاوية - رضي الله عنه - قال: سمعت رسول الله
- صلى الله عليه وسلم - يقول: «إنك إن اتبعت عورات المسلمين أفسدتهم، أو كدت أن
تفسدهم» . حديث صحيح،
وعن أبي هريرة رضي الله عنه عن النبي صلى الله عليه وسلم
قال: "من كان يؤمن بالله واليوم الآخر، فليقل خيرًا، أو ليصمت
ليتك سويتي هذا الشي قولي لامك الجوال مو حق خالتك طلع حق جاراتها ولا اي شي
__________________________________________________ __________
حبيبتي
انتي تطفلتي ع جهازها واخذتيه وشفتي شنو فيه طبعاً هذا غلط لانه من الخصوصيه يمكن في اشياء بينها وبين زوجها او صديقاتها مواضيع لايحق لك انك تطلعين عليها
هذا شي
بما انك تطفلتي وشفتي وتقولين هي بحسبة امك وانك تحبينها وانها هي مثلك الاعلى بالحياه
كان الواجب عليك انتي انك تجلسي معاها وبكل وضوح وجرأه تحكين معاها
بأنك تقولين ياخالتي انا صراحه اخطيت اني مسكت جهازك وشفت شي ماتوقعته منك انتي اللي بحسبة امي وحبيبتي ومثلي الاعلي
انك تعملين كذا خاصه انك مضرب مثال ولافي شي ناقصك وزوجك مقدرك وحياتك احلا حياه
ولاخفتي من الله والذنب العظيم بأرتكابك للشي هذا من سمعه ومن عواقب نتيجة فعلك القبيح
انا ياخاله احبك وانتي مثل امي وانا ما ارضي عليك الطريق هذا لان اللي ما ارضاه للعدوا كيف ارضاه لخالتي اللي احبها
خاله خافي الله في زوجك وبناتك وحياتك والنعيم اللي فيه
هالشخص ماخذك نزوه ويضحك بعقلك
حتي لو زوجك حارمك الحب او اي شي ثاني
ما مفروض تفكري مجرد تفكير بالفعل القبيح
وين وصلتي ياخاله هذا انتي معقوله انتي ترسلي صوره لجسمك شبه عاريه لشخص خسيس
شنو خليتي لبنات الشوارع
انا ياخاله احبك وما ابي اهدم حياتك ابي حلف وقسم ع القرآن تسألين عنه يوم القيامه انك تتركي هالشخص حالاً انك اتغيرين الببي ام
واذا يعرف رقم جوالك غيريه وخافي الله قبل الفضيحه
وخافي الله بزوجك وفي بناتك وبنفسك
والا راح اعلم امي واعلم زوجك
انصحيها بالكلام هذا
عسي ان الله يهديها
__________________________________________________ __________
مش عارفه بس إلي عملتيه صح من وجه نظري لانه إمك شو ما يكون مستحيل تخلي بيت خالتك يخرب يعني رح تهددها وانشالله خالتك بتهتدي لانه كمان مش اسلوب اسلوبها والله يعين زوجها المسكين ....
الله بدو يفضحها قدام اختها ل حتى تتوعى وإمك مستحيل تضر أختها ، طمني بالك وما بيصير إلا الكاتبة رب العالمين ...
__________________________________________________ __________
الزوج او الزوجه
مو بمجرد انه متزوج معناها انه معصوم من الفتن
قد يقعون في الخطا
وانتي تجسستي عليها لا تخففينه وتملحينه وتقولين لقافه و فضول
هذا تجسس مع سبق الاصرار و الترصد و التجسس من المعاصي المنهي عنها
فهذا انتي ارتكبتي معصيه
اذن خالتك مو لحالها عصت
يبقى كيف نستفيد من معرفتنا للي عرفناه
المفروض تتقربون من خالتك و تحاولون توجهونها للدين
و تاخذونها معاكم ندوات ومحاضرات دينيه
ترسلون لها راوبط عن الثواب و العقاب
تشجعون فيها الجانب الديني هو اكيد و ان شاء الله موجود
ولكن هي الان في غمرة الشهوه
ممكن باللين و الاستدراج تخلونها تتوب و بدون ماتحس انكم عارفين شي
هذا هو اللي المفروض تسونه انتم وامكم مو تهددون بفضيحتها عند زوجها
امكم الله يصلحها متهوره قولي لها خلينا نعالج خالتي بدال نفضحها
وبدون ماتعرف علشان لاتنكسر عينها قدامكم و تظل كبيره بنظركم
حتى لو انها ماتدري .
رد مع اقتباس
