عنوان الموضوع : عيال زوجي جننوني -تم الاجابة
مقدم من طرف منتديات نساء الجزائر

عيال زوجي جننوني



السسلام عليكم

انا عمري 15 متزوجة من رجال عمره 46

ادري اكبر مني بويين ووين لكن النصيب مو هذا موضوعي
على رغم ان رجلي اكبر مني بـ 32 سنةة بس والله انه معيشني
احلى عيشه ومدلعني دلع اللي اطلبه يلبيه و يرد لي ولا طلب
حنون وطيووب وحبووب فوق ما تتصورون بس اللي معقد عيشتي
عياله وزوجته هبلوا فيني
قبل ما تزوجني خيرني اذا ابي بيت بروحي ولا اعيش ويا عياله ومرته
قلت لاهلي هو اكييد بيطلع من البيت ماراح يجلس معي دايم واكيد بعد
بيعدل بيني وبين مرته الاولى بيجلس عندي وعندها اليوم اللي بيكون عندها
بكون انا في البيت بروحي واناا اخااف اجلس بروحي
قلت لا بسكن معهم قالوا لي اهلي خل يحط لك بيت بروحك ما رضيت بحكم اني خايفه
ووافقوا المهم كانو معي في البداية حييل طيوبين عنده بنات كبري واكبر مني
كانت فيه وحده حييل حبوبه حبيتها وتصاحبنا صرنا دايم سوا ما كني مرة ابوها
كني اختها بس الباقي بعد فترة قلبو علي صرت اذا نزلت عندهم قلبو وجيهم
واللي جالسه تقوم تروح غرفتها انا ما اهتميت بالبداية قلت وش دخلني فيهم
بعد تقريبا اسبوع او اسبوعين قامت امهم تناشبني بالمطبخ تقولي اني توسخين
المواعين والدواليب وما تنظفين
بس والله ماقد وسخت شي وخليته حتى لما ادخل المطبخ والاقيه مكركب انظفه واخذ
اللي ابيه واطلع وهي عكست الموضوع ومره حطينا العشى مو موجوده
قمت غسلت كاسات للعصير وحطيتهم عالسفرة وجلست قامت ضرتي شالت الكاسات
وغسلتهم من وراي سكت عليها قلت ماعليه هالمره نمشييها بعد
وهي شافتني اسكت ما اتكلم صار تناشبني اكثرر
كل ما انظف شي تنظفه من وراي كأن فيني جرب
ماتبيني المس شي ان كنست قامت قالت بناتها اكنسوا يقومون يكنسون وراي
وان غسلت تقول لبناتها ولا تقوم هي تغسل وراي
انا طفشت من هالحالة كل ما سويت شي تقوم تكرر من وراي
اشتكيت لامي تقولي ما عليه هذي مشاكل تصير بكل بيت وبين كل ضرات
وان قلت لخواتي قالوا تستاهلين قلنا لك يحط لك بيت بروحك ما رضيتي
ولا بعد ما شفتوا شي ولدها يمكن عمره 19 مره قلت ابي اروح بيت اهلي
قال زوجي خلي فهد يوديك قلت طيب تجهزت وركبت معاه واحنا بالطريق
كان يقولي لو دريت ان ابوي ذوقه حلو بالحريم كان خليته يخطبك لي
تهاوشت انا وياه ملييت وحييل خفت منه سكت وماعاد تكلمت
جلست ادعي بقلبي اني اوصل لاهلي بالسلامه ومن بعدها ماعاد خليت احد يوديني
ان قالي واحد من العيال يوديك ما ارضى
تقريبا مر على زواجي اربع شهور وانا الحين حامل حيل فرحت لان بيصير عندي بيبي
واني بصير ام
بس تنكد فرحتي لاني صرت اتعب حييل تعب مو طبيعي راجعت المستشفى قال لي الدكتور
عشان سنك صغير وانتي ما اعظائك ما تتحمل الحمل لازم تنتبهين لنفسك زين ولا تجهدين نفسك اهم شي الراحه التامه المهم زوجي قال لعياله اني حامل وعياله الصغار زعلو
ما يبون اخ مني ان كنت نازله من الدرج يعقدون مشيي ولا امشي بالبيت يراكضون قدامي
ويدفوني يبوني اطيح بالغصب اوزن نفسي عشان ما اطيح كرهت النزله عندهم اغلب وقتي فغرفتي ماعاد اطلع ولا احب اكل معهم ولا شي وزوجته تتذمر مني
تقول شفيها ست الحسن والدلال من حملت ماعاد شفنا وجهها
كل يوم تهاوش لاني ماعاد انزل عندهم ان جلست معهم ما سلمت وان جلست بروحي بعد ما سلمت وش اسوي فيهم بعد
عيالها الصغار ذولي مطلعين من طوووري وقت ما اكون نايمه يدقون الباب وينحاشون
ولما يكون ابوهم عندي يجون يفتحون الباب بدون استئذان
يعني والله شي يغث محد ياخذ راحته
مره جا عنديو سهر معي قال وش رايك نسوي جلسة مصاارحة انتي تقولين اللي بقلبك وانا اقول اللي بقلبي
قلت زين مو مشكلة جلس يسوولف ويشتكي لي ويفضفض حييل استانست على سوالفه
ولما جا دوري من الغبنةة طلعت الاول والتالي له اشتكيت له من كل شي ضايقني بحياتي كنت اصيح وهو يهديني رجعت اشتكيت له من عياله زعل حييل لما قلت له
قال معقول عيالي يسوون كذا قلت واكثر انت ما شفت اللي شفته قلت له عن الصغار لما بغوا يطيحوني تضايق وعصب وقام قلب البيت عليهم يهاوش وضربهم صدق ارتحت لما هاوشهم بس ما توقعته يضربهم لكن احسن يستاهلون برد قلبي فيهم
حقدوا علي زيادة اليوم الثاني نزلت قامت امهم تقولي وش قلتي وش اافتريتي على عيالي شوفي وش سوا فيهم ابوهم بسبتك سبتني سكت ما بغيت احط عقلي بعقلها بس انقهرت لما سبت اهلي قامت تقول اهلك لو فيهم خير كان ما رموك على واحد كبر ابوك وانتي بزر
وابوك اللي ما يستحي رماك على زوجيي
عاد هنا انا انفلت عليها ما خليت ولا بقيت مسحت فيها الارض عاد اوريها مين اللي رماني على زوجها
ابوي يسواها ويسوى اهلها وقبايلتها من شرقها لغربها ما درت ان زوجها اللي تتكلم عنه هو اللي قعد يركض وراي لما قبلته
صدقق مابغيت اقول هالكلمة لانه زوجي بعد و والله احبه بس قهرتني وغصب عني طلعت
سفهتها وطلعت غرفتي وهي تهاوش ولما جا زوجي قالت له وزودت عالكلام وحرفت
تقول له سبتك وقالت انت تركض وراها مثل الخروف وكلااام وكثثثير مابغى اقوله
طلع فوق فتح باب الغرفة بقوووة فجعني قمزت من مكاني
قفل الباب وراه ووجهه باين عليه انه معصب وعيونه حمممرر
قالي انتي تقولين عني خروووف وتسبين وتقولين عني كذا وكذا وكذا
انصدمت من كلامه قلت متى انا قلت كذا قال لا تنكرين قولي الصددق
حلفت له لما تعبت ومن خوفي بكيت اول مره اشوفه بهالشكل واول مره يهاوشني
ويعصب علي صرت ابكي بهستريا حتى كلامي صار ما ينفهم قمت اشاهق ورميت نفسي بحضنه
شفق علي وسكت قام يهديني لما هديت جلس يكلمني بشويش قال ليش قلتي عني كذا يعني انا مو زوجك رجعت ابكي مره ثانيه وحلفت براس اللي ببطني اني ما قلت هالكلام
لما سمعني قلت كذا سكت ورجعت ابكي مره ثانيه قام يهديني بعدها نزل تحت ومدري وش عاد صار بينهم صارت تناظرني بحقد اكبر مع اني والله ما سويت لها شي هي كانت عاديه باول زواجي وبعدها فجأة قلبت بدون سبب
ماعادي ابي اشتكي لاحد بغيت افضفض لكم بسس اسفه طولت حيل عليكم

>>>>> ردود الأعضـــــــــــــــــــاء على الموضوع <<<<<
==================================


رفع


__________________________________________________ __________

الله يكون بعونك ما إلك إلا ترجعي تقنعيه ببيت لوحدك مشان المشاكل تقل وتأخذي راحتك ....


__________________________________________________ __________

الله يعينك انتى صغيره على هل مشاكل هى معذورة كمان ما تنسى انك دخلتى حياتهم وغيرتيها يعنى الضرة مرة والمشاكل الى بينكم بتكون عاديه لو انك اخترتى تبعدى كان اريح الك والهم ما شافوكى ولا شفتيهم الا بلمناسبات كان ظلت بينكم الموده بس طول ما انتى موجودة بنفس البيت راح تزيد المشاكل والافترى منك ومنهم لهيك ريحى راسك وابعدى وبكرة بيجى الى يونسك وبتنشغلى بلى بطنك


__________________________________________________ __________

والله والله والله لو مكان مرته الاولى او بناته لخليتك تشوفي العذاب في عينيك يا فصعونه انتي
بدك يحترموكي وانت اخذتي ابوهم منه وامهم ودمرتي حياتهم انتي اكيد فيكي عيب كبير لاهلك يرموكي هالرميه العاطله قال مدللني قال قد ابوكي شكلو ابوكي ما كان يتكم معك اصلا وفكرتيه ابوكي خخخخ روحي ان شاء الله بتمك مقهوره مثل ما قهرتي مرته واولاده


__________________________________________________ __________

ما شاء الله كل هذا و 15 سنه

لا حول ولا قوة الا بالله

الله يحفظك و يستر عليك

بغض النظر عن المشكله المعتاده نقار شريكتين

رأيي ترجعين تطلبين بيت لحالك وحجتك ان بالاول كنتي تخافين

والان ان شاء الله بيونسك ولدك ولا بنتك

كمان علشان راحت العيال و امهم

الله يصلح حالكم