عنوان الموضوع : هل أنا شريرة ؟ ساعدوني -* -لصحتك
مقدم من طرف منتديات نساء الجزائر

هل أنا شريرة ؟ ساعدوني -*



السلام عليكم و رحمة الله
أبقول لكم القصة من البداية لأني احتاج مشورتكم
في العام الماضي كنت في ثاني ثانوي و كان فيه بنت في الفصل غالب البنات ما يحبونها
لأنها بصراحة تشك في كل البنات و لا تسولف مع احد
انا كنت احيانا اجي عندها و تسولف لي و تشكي ان امها ما تحب البنات و كذا و كنت اعطيها حلول
يعني هي مجرد زميلة ,يوم خلصنا 2 ثانوي و بدأت الاجازة الصيفية صارت ترسل لي رسائل كل يوم بالجوال و تكلمني و انا اكلمها عادي
و خلصت الاجازة و نقلت انا من المدرسة يوم عرفت اني نقلت انصدمت و تغيرت في المدرسة وكل البنات يقولون ليش صرتي بهذي الحاله
كلمتي ذاك اليوم تبكي قلت لها عادي نتواصل دايم صارت دايم ترسل و تدق و اذا ما رديت سوت سالفة و صياح و كل يوم ترسل 3 رسائل و 10 في الواتس اب و اذا ما رديت سوت سالفة قلت لها كنت مشغوله قالت لي محد في هذي الدنيا يفهمني و كذا قلت لها ليش الحين انتي زعلانه تقول انتي ما تفهميني و محد في هذي الدنيا يفهمني و تخربط و كل يوم تراقبني في الواتس اب و تقول ليش انتي مشغوله و تبيني اكلمها 24 ساعة و تقول امي كرهتك قلت ليش وش سويت ؟ قالت امي تقول من اول ما عرفتي ذي الانسانة كل يوم تصيحين ! و انا والله ما قد سويت لها شيء و كل يوم ترسل انا احبك مشتاقة لك ابي اشوفك دايم اتخيل شكلك ,بنات من جد انا تعبت و مليت كل يوم على ذا الحال اول كنت احبها الحين صرت اكرهها ,بس ما ابي اجرحها اكلمها عشان ما تنجرح يقولون لي البنات اقطعي علاقتك فيها بس هي واثقة فيني و اخاف يصير فيها شيء!
الله يعطيكم العافية ساعدوني كيف اتعامل معها ؟ ملاحظة هي بالنسبة لي زميلة لا اكثر و الشيء الثاني أنا ما قد تجاهلتها عن قصد بس اذا كنت مشغولة ’ يعني لو أتأخر ساعة قلبت الدنيا ’ !

>>>>> ردود الأعضـــــــــــــــــــاء على الموضوع <<<<<
==================================


حيااتي ذا شي طبيعي من وحدةعاشت معاناه
لقت انتي طوق النجاة اللي تشكي لك وتفضض
واﻻهتمام اللي عطيتها اياه بانك تسمعيها خايفة هي تفقده
عشان كدا تسوي كل دا وحبها لك من اهتمامك بها رغم انها زميلة ﻻ اكثر
البنات بذي الفترة يعانون من الجفاف العاطفي واي محاولة اهتمام يتمسكوا فيها
فيهميها انك راح تكوني موجودة باذن الله لها وتسمعيها وان اﻻنسان ينشغل بس مو معناته
ينسى
والله يعينك ويصبرك عليها ويهديها


__________________________________________________ __________

اي اكيد مثل ما قالت صديقتنا ويناك لانها بالبداية كانت وحيدة ما صدقت لقت صديقة مثلك بس انتي حاولي تبينين لها ظروفك مثلا اتقولين عندي دراسة


__________________________________________________ __________

حبيبتي مدري احس انها تعلقت فيج تعلق يمكن شوي زاد عن حد !!!
انتي لوحدج قيسي وشوفي هل هو تعلق طبيبعي ؟؟!!!


__________________________________________________ __________

هذه مريضةنفسيا وانتي باانسبة لها الطبيب والدوا\انا بالنسبة لي انصحك تبعدين عنها او توصلين امرها للمرشدة الاجتماعية


__________________________________________________ __________

أنا رأيي تغيري رقمك وتقفلي باب المشاكل .البنت غير متزنة نفسيا وتواصلك معاها حيسببلك مشاكل.