عنوان الموضوع : متزوجه لكن فاقده الحنان فاقده العـشق ..! -لصحتك
مقدم من طرف منتديات نساء الجزائر

متزوجه لكن فاقده الحنان فاقده العـشق ..!



السلام عليكم ورحمة الله وبركاته


اخواتي ساعدوني ارجوكم راح احكي لكم قصتي بأختصار
.....

انا قبل اتزوج على علاقه من كذا شاب يعني كنت مع علاقه بشخص وتجيني فتره التزم واترك
هالخرابيط لكن ارجع احن واحتاج حنان وفضفضه واجع اكلم شاب اخر
لحد ماتزوجت خلاص قررت التزم بصدق والحمدلله الآن لي سنتين ونص وعندي
ولدي ربي يحفظه لي وابدا مافكرت ارجع للأمور هاذي

لكن آآآآآآآآآآه يابنات انا تزوجت ولد عمي وقبيلتنا معروفه بالجفاف العاطفي
هو يحبني كـ/زوجه ومو مقصر بامور البيت واموري العاديه
لكن انا تعبت ابي حنان اول الزواج كنت الاحقه من مكان لمكان ابي حنانه
لدرجه حتى لو زعلني اذا نام اجي بكل هدوء وارفع ايده ونام بحظنه
قلت بلاول اكيد راح اعوده ويعرف الحنان معي لكن للأسف
تعبت بدون فائده وقلبه ماتغير
ولما اقول انت ماتحبني يقول انا احبك
انا فاهمه انه يحبني كزوجه مو يعشقني يعني
نفسي اطلع قلبي واذبحه
ذبحني بالحنان اللي هو يحتاجه اه ياقلبي تاعبني من يحس فيك
وحاليا لنا فتره بس مشاكل مو علشان الحنان لا هو انسان غير عن تفكيري
وقدر يغير حياتي للاسواء تعرفون من عاشر قوم 40 يوم صار منهم
يااخواتي انا كنت ورده مبتسمه طول وقتي وفرفوشه واللي يخطي علي قد مااقدر
احاول اوضح له وسامح من كل قلبي
لكن مرت علي فتره بعد اللي فته منه جنني صار فيني حب الانتقام صرت حتى اشك بخواتي
او اي حد لو يقولي كلمه اقعد افسرها وانتظر الجلسه الجايه علشان انتقم منها

كل هذا علشانه هو ماقدرني ويفهمني غلط حسيت اني بايخه وماعندي سالفه
ومن طيبت قلبي الكل يجرحني ويستغلني وهذا الشي من الصغر معاي وحتى اختي اقرب الناس لي كانت كذا طبعها وكنت اكره طبعها لكن والله احب اختي
لكن بلاخير كرهتها وصرت اتكلم معها بحب لكن فيه شي بقلبي من كثر الاذي اللي جاني منها
وربي بلاني بزوج مثلها آآآآه بس
مادري ربي عاقبني علشان علاقاتي المحرمه ولا ايش ؟؟
انا لما قررت اتزوج قلت ربي عوظني والحمدلله بترك طريق المكالمات الحرام
والحمدلله تركته لكن اتزوجت واحد اكره شخصيته
لو زعلني بحاجه جيت اراضيه واضحك واعلق عليه تخيلوا يقولي وش هالحقاره تضحكين بعد ؟؟؟؟؟؟؟؟؟؟؟؟؟؟؟؟
انا ابتسم وهو جارحني بغير جوه علشان مايصدع وينام وهو زعلان


انا اكتشفت اني مااقدر اعيش بدون عشق
مااقدر اعيش بدون حنان
ابي زوج شرطي يكون قلبه طيب طيب وبس
ابي الطيبه والنيه الزينه


افكر اتطلق مادام معي ولد واحد
تركت كل اللي كانو يحبوني وتقدمو لي كثير وكانوا معروفين بالعائله بعشقهم لي
واخذته
اخوه كان يعشقني من صغري ودايم امه تلمح للشي هذا
لكن جاء هو فجأه وقال اخطبيها لي وسبحان الله النصيب ولما رجعت من عندنا يقولون كان ينتظرها بالصاله يحسبها تخطبني له
وهو صغير لسى ماتوظف وكل اهلي قالوا خوذي اللي تقدم لك احسن لك وهو معروف بلاخلاق



ابي اطلق لكن ولدي احس اني بظيع اطلق ولا ايش اسوي
اسفه على موضوعي الملخبط بس والله ان دموعي على خدي من القهر والندم
اللهم لااعتراض على قضائك وقدرك
اللهم اسألك ان تكتب لي الخيره في امري وان تبعد عني شعور الحنان والعشق


انا ابكي لانه مو فاهمني قبل شوي اتكلم معاه بهدوء وقوله ابي تزيد لي المصروف علشان بسوي ليزر
انا كم لي اقوله يعني بعد الولاده كنت بسويه والحين سنه ونص ماسويته المهم اتكلم معه ابي احمسه
وقوله زيد لي والباقي علي يعني اذا نقص بتصرف وزيد من عندي
قلت اختي بتسويها عصب وقلب السالفه قال السالفه تقليد لاختك كل شي بتسويه بتسوينه مثلها
آآآآآآآآآآآه حرام عليك انا لي سنه ونص وانا اقولك والحين تقول اقلد اختي
ذبحني بظلمه لي المهم تركته وطلعت من الغرفه وجاء لحقني وقعد يتكلم سكت لكن طولها وعصبت
ورفعت صوتي ماقصدي اصارخ لكن انا صوتي حاد المهم قالي تعلمي احرام الزوج وقال كلام كثير
قلت من اللي جاء للثاني قال انا قلت حلو يعني انا قبل شوي كنت عندك وكنت اناقشه بكل هدوء
والحين انت عندي والجو متوتر وصوتي عالي كله منك انت السبب ماتعرف اسلوب الحوار

يعني انا اشوف ان كل زوج يحب تكون زوجته بافضل جسم واهتمام هو عنده هالشي عادي نفسي يميز ريحتي يعشقها يسال عنها بس مافيه فايده




سامحوني على فضفتي وارجوكم ساعدوني ارشدوني انا ماقدر اعيش بدون عشق الا بحاله اني اذبح قلبي
واخاف لو صبرت علشان ولدي راح يكبر على صراخنا وعدم الاحترام وتجيه نفسيه
وانا اكيد بهمل نفسي وحياتي اذا حسيت انه مايحبني صعب اقرب شخص لك مايعطيك حنانه وبخيل بمشاعره
افضل له يعيش معي ويكون مستقر حاله

>>>>> ردود الأعضـــــــــــــــــــاء على الموضوع <<<<<
==================================


قولي بسم الله حببتي ربي اعينك اكثري من الاستغفار والصلاة علي الرسول وكل ماتشوفين زوجك اقري اية الكورسي قبل ما تتكلمين مع وشوفي شو حيصرلك اشغلي نفسك بي ائ شي لاتفكرين كتير تري صحتك باالدنيا ربي يوفقك ويحميك


__________________________________________________ __________

ربي يكون معاكي بس حاولي حبيبتي انكي تكثري من الدعاء وقولي دائما ( اللهم سخرلي زوجي) وما تبقي تركزي على هذه النقطة يعني على فكرة الحنان والعشق حتى لا تتاثري نفسيا يعني حاولي تعوضي النقص بأمور اخرى كالاهتمام بحالك و ولدك و بيتك وزياراتك وربي يوفقك .


__________________________________________________ __________

ما في خيار غير انك تصارحيه


__________________________________________________ __________

وعليكم السلام ورحمة الله وبركاته
شوفي اختي انتي مرة سوي لج سهرة مع ريلج او جي ليلة رومانسية وقوليله عن مشاعرج قوليله انت مب مقصر معاي بشي بس ابي منك ....... كذا ككذا كذا
وان شاء الله تضبط معاج ودايمما ادعي ( اللهم سخر لي زوجي) والله ييسر امورج اكثري من الاستغفار


دمتي في حفظ الله


__________________________________________________ __________

الله يفررج همك