عنوان الموضوع : خاايفه كثر سااعدوني بنات الهكر هذا جنني
مقدم من طرف منتديات نساء الجزائر

خاايفه كثر سااعدوني بنات الهكر هذا جنني



بسم الله الرحمن الرحيم

مشكلتي مشكله مااااادري
شلوون اشرح لكم مشكلتي طووويله

في بدايتي بي النت ماعرف شي وصرت ادخلت شاتات وكذا

وتعرفت على شباب كثير وصدااقااات وكنت اتواصل معهم عن طريق

النت بس بس الحمد الله خفت ربي وهتميت في ديني اكثر

ارجووكم بنات مابي اي وحده تغلط على انا غلط وندمت كثير

كانت افتح الكامرهـ عن طريق المسن لي بعض الشباب

واسوي الي يبونه لين جااا يوم وخترق جهازي شخص

مادري انا اقول عنه طيب او نذل او مادري ايش

لا اعرف شعوري

ماعرف ان جهازي مخترق لين طلع لي هو صار يكلمني عن طريق المسن

وعلى طول ارسل لي صورهـ لي وجالس يهددني

يقوولي لا تخافي انا مراح انشر الصوره او ارسلها لي شخص

بس برسلهاا لي الاميل هذا بس مع بعض المحدثات حقتك

الاميل طبعن الصدمه انه اميل اخوووي ولو شاف الشي اكيد بيذبحني

جاالست اترجااه مافيه فاايده قلت طيب وش اسوي عشان ما ترسلهم

قالي انا مابي منك شي ولا ابيك تفتحين كامك ولا ابي اشوفك

قالي ابيك تمشين في طريق صح وابيك تحذفي كل الشباب الي عندك مسن

ولو تغيري المسن حقك احسن ويقولي لا تسوي نفسك ذكيه وتحذفيهم

تراا اتركك كم شهر ورجع اراقبك

سوويت الي هو يبي جالست احذف من الشباب الي عندي مسن

وكنت كل ما جيت احذف واحد اقوله معليش بحذفك وهو كان يشوفني وش اكتب
هو يعصب ويقوولي ليش انتي تحبي المذله لي نفسك

خلك قوويه ولا يهمونك احذفيهم هم ماحد ناافعك بكره غير اهلك

وانتي يا تنزلي اهلك في التراب ولا ترفعيهم

انا صرت ارتاح لي الهكر هذا بس بي نفس الوقت خايفه منه

وقوول في النهايه اكيد بيطلب مني شي

لين وصلت عند واحد وقاالي موب على كيفك تحذفيني وجالس يهددني

بي صوره لي بعدين رحت قلت لي الهكر هذا كذا وكذا

قالي هاتي اميله وعطيته ولا دريت غير شوي ولا الهكر يوريني نفس الصوره ويقوالي عشان تتاكدي انها انمسحت من جهاز هذا الشخص

و الحين مافيه في اميلي غير بنات عمي وصدقاتي والهكر هذا

بعدين جيته قلت له يالله انت خلك عند وعدك وامسح المحدثات و الصور حقتي قالي والله العظيم اني لا املك اي محادثه لك ولم اسجل اي شي


بس هي صوره وحده الي اخذتها يوم ارسلتها لك مسحتها على طول

وطلب مني اني احذفه واني اغير اميلي احسن

بعدين جا هو وحذفني من عنده انا الحين صرت اوسوس

يمكن باقي عنده شي ولا شي موب معقوله تركني بي هاذي البساطه

رجعت وضفته من اميل ثاني واتكلم معه

قلت له انا الي صار معي كذا وكذا عرفتني

قالي لا والله ماعرفك بس قوولي اسمك او اميلك الي كنتي اتكلم معك فيه

عشان اعرفك

انصدمت انه يسوي الشي مع بنات كثير غيري

بس الحمد الله هو قنعني ان ماعنده شي لي ولا هو مستفيد مني بي شي

ولا يبغ مني شي

هو علمني درس في حياتي مراح انساااهـ كان دايم ينصحني


و الحين انا خاايفه منه رغم اقتناعي ان ما راح يجيني منه شي

قلت الموضوع لي صديقه لي قالت بلغي عليه

حااولت اني اطلب رقمه لاكنه رفض بقووه وجالس يغلط على

يقولي انتي ماتخافي الله يااخي توووبي ولا يعني

لازم تنزلي راس اهلك في التراب و قال كلام كثير

بنااات انا مشكلتي الحين اخااف حيل واحيانن ادور اي شي عشان اني اتكلم معه

مره قلت له انا خايفه يكون باقي في صور لي عند هذا الشخص الي هددني اول

قالي اذا هددك مره ثاني ضفيني ووقولي لي وعطيني رقم جواله

وقال انا لي معرفه مع بعض رجال الهيئه ابلغهم انا بي نفسي وانتي مالك دخل وهم يتصرفون معه

يوم قالي كذا انا ارتحت شوي

بعدين الحين هو حذفني

وانا خايفه باقي له شي ليه

ودايم اقوول في نفسي طيب هو ليه سواا كذا ايش بي يستفيد

اكيد ناوي على شي كبير

اسفه على الاطاااااااااله بس سااعدوني ايش الحل مت من الخووف

لين اخر

>>>>> ردود الأعضـــــــــــــــــــاء على الموضوع <<<<<
==================================


مع انى ما اعرفك بس اسمحيلى انى اعنفك شوى ....هذا اكيد خطا والخطا اللى اكبر منه انك تتمادين فى الخطا ادعى الله انه يسامحك قبل كل شى وتوبى توبة نصوح وادعى ان يكون ابن حلال ويخاف ربى فيك ومايفضحك وابعدى عن الشات والخرابيط هذه


__________________________________________________ __________

الحمد لله
حضك جميل انك ماطحتي بناس ماتخاف ربها
بدال ماتحمدين ربك وتتركينه اهو ذا ولا تكلمينه
اشكريها ع فعله الحسن معك وتصرفه ولا تحاولين تفتحين
معاه حوار ثاني وتضيفين ثاني وتحذفين اتطمني مافيه الا الخير
والمهم ان وعدك وباين انه شاب جيد وماله مصلحه شخصيه
واذا يبى يفضحك او يهددك كان اعملها من الحين ليه ينتضر لبعدين ؟
بس هذا الدليل انه هكر صحيح لكن مو مثل بعض شباب الحرام
يعنى احمدي ربك ليل ونهار وصبح وكل دقيقه واتركي هذا الاشياء عنك نهائيا
لا تقتربي لها وانتي جربتي النار برجلك يعنى لا تكرري هالتصرف والله يوفقك ..


__________________________________________________ __________

معليش اختي حسيت انك واااااااجد غبيه
الحين الرجال يبي ادبك وعطاك الثقه تردين له وتقولين اكيد بتسوي في شي
طيب يوم انك رسلتي الصور ماخفتي منهم ويوم جا الرجال خفتي غريييييييبه
ترى للحين الدنيا بخير ربي دلك على رجل صالح ولاتخافين دامه عطاك الثقه**


__________________________________________________ __________

والله شكلو فاعل خير ابن حلال
الله يوفقك يا رب ويبعد الشر عنك وعن جميع بنات المسلمين


__________________________________________________ __________

امرك غريب ترسلين صورك للشباب عادي ويوم جاالي ينقذ شرفك شكيتي به بصراحه ماعندك سالفه وهذاالي سترعليك الله يكثرمن امثاله هونساك لانه يمكن انقذبنات كثير الله يجزاه خيرهاالشهم هذا