عنوان الموضوع : مالي احد بهالدنيا الطبيب يجيب
مقدم من طرف منتديات نساء الجزائر

مالي احد بهالدنيا



السلام عليكم
مشكلتي واضحه من العنوان انا مالي احد يهتم فيني ويلبي احتياجاتي ويحبني

ابوي توفى من وانا بثالث ابتدائي واخواني مايحبوني ومايهتمون فيني والله العظيم ابقى احتاج اشياء مالقى احد يوفرها لي

اللي متزوج منهم اهم شي زوجته واللي مو متزوج مايهتم لي ويهتمون لباقي خواتي وانا لا والله اني احترمهم واقدرهم ليش مايحبوني

حتى العبايه ماعندي الا وحده وصارت قديمه ابي غيرها محد موديني يفصل لي اذا احتجت شي من السوق ماحد يوديني

محتاجه ساعة ومابها عشان اكشخ فيها بس الجامعه طالبينها علي وماطلبت يودوني عادي هم يجيبون لي والله العظيم فوق الشهر وانا اطلب منهم 6 اخوان ولا واحد منهم جاب لي واختي طلبت كتاب والله ماخذت اسبوع وجابوه لها واختي الثانيه تطلب اجهزه واشياء غاليه في نفس اليوم يجيبو لها اوتتوفر لها بفتره قصيره والله انا طلبي بسيط ومايكلفهم شي ومابي من عندهم انا اللي بدفع فلوسها ليش مايجيبون لي خواتي كلهم توفى ابوي وهم كبار انا اللي تيتمت انا اصغر وحده فيهم ومايحبوني

دايماً حتى لما يطلعون السوق يقولون لاختي تروح معهم وانا مايقولون لي
انا هاديه وماضريتهم بشي والله اختي لسانها تمده عليهم وماتحترمهم وحتى امي ماتحترمها ويجيبون لها
بعيد ميلادها شرا لها اخوي ساعه وانا ماعمره احد ذكرني بهديه ولو شي بسيط والحين يوم احتجت الساعه عشان الجامعه عشان نجسب نبض القلب ماوفروها لي اختباري بثاني يوم بعد الاجازه مدري شسوي
اروح الجامعه وملابسي قديمه ومبهدله تنورتين بقيت عليهم 3 سنين كاملين اروح واجي فيهم ماعندي غيرهم
وزوجة اخوي والله بكل ترم لازم تجدد كل ملابسها
انا مابيهم يصرفون علي بس اذا احتجت شي ليش مايوفرونه لي اطلبهم وماحد يرد علي قلبي ينكسر منهم لو ما حاجتهم ماطلبتهم بس ماعندي غيرهم
حتى خواتي المتزوجات لما يطلبون منهم شي يجيبون لهم وهم عندهم ازواجهم يقدرون يطلبونهم
انا ماعندي احد والله مالي احد ليش يكرهوني ماحد يحبني حتى امي ماتحن علي ماتحبني تفرق في المعامله اختي اللي اكبر مني تتطاول عليها ولسانها طويل وماتحترمها وماتزعل عليها وتحبها اكثر مني
وانا ماعمري تطاولت عليها واحترمها واذا قالت لي شي اسمع كلامها واسويه وماتحبني ليش كلهم يفرقون والله اني محترمتهم اكثر من اختي ليش هي يحبونها اكثر مني كل شي يجيبونه لها

والله انهم مايحبوني كلهم ماحد يحبني انا تعبانه ماعندي احد مابي احتاج لاحد بس احتاجهم غصب عني انا ماقدر اطلع واجيب طلباتي لنفسي واذا طلبتهم مايعطوني مابي فلوس انا عندي مكافئتي بس ابي يجيبون لي الغرض تعبت
حتى لما جات وحده تخطبني اسمع امي واختي يقولون ان شاء الله تاخذ فلانه يقصدون اللي اكبر مني مع انها اكبر من الولد اللي جاي يخطب زين ليش تقطعون نصيبي عشانها انا اش ذنبي ماخلوها تشوفني قالو لها على اختي ولما شافت انه اختي اكبر من ولدها راحت وخطبت من ناس غير
قولو لي وش اسوي وادعو لي الله يرزقني بزوج يعوضني

>>>>> ردود الأعضـــــــــــــــــــاء على الموضوع <<<<<
==================================


امممممممممممممممممممممممممممممممممممممم *.*
حاولي تصلحي علاقتج مع اخوانج وفهميهم انه انتو ما غنى عنهم

ما ذكرتي كيف علاقتج مع خواتج ؟ اذا اوكي خبريهم باللي تبينه وهم يطلبون من خوانج علي اساس انه لهم ( لخواتج )>> ان شاء الله فهمتي هالحيلة

ممكن بعد تحاولي مع امج انه انتي وياها تروحون مثلا على السوق بيوم هي ما تكون فيه مشغولة وتخلصي كل طلباتج والاشياء اللي تبينها

موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________


__________________________________________________ __________


__________________________________________________ __________


__________________________________________________ __________