عنوان الموضوع : مشكلة اختي الصغيره مجابة
مقدم من طرف منتديات نساء الجزائر

مشكلة اختي الصغيره



بسم الله الرحمن الرحيم
السلام عليكم ورحمة الله وبركاته

أنا سيده عمري 46 سنه عندي أبناء وأحفاد
من سنه رحلت أمي و وصتني بأختي الصغيره عمرها 20 الوحيده الي ماتزوجت من أخواتي وهي صغيره جداً بالنسبه لنا
أنا تكفلت فيها وهي اكبر من أبنتي بـ5 شهور وانا أرضعتها مع بنتي لأن يوم ولادتها والدي توفى وكانت والدتي متعبه جداً فهي ابنتي والآن تعيش عندي
والمشكله ماني عارفه أتصرف معها ولاني قادره أفهمها
البنت ماتنزل ويانا كثير تحب تجلس لحالها وكلمة مالي حظ دايم على لسانها وكل حزينه وتفكر وحتى دراستها مو مهتمه فيها بس انا ماسكتها ما ابي اختي يضيع مستقبلها
مره حظنت بنتي فرحاً لها لأنها بتتزوج قريب قامت تبكي رحت لها اشوف وش فيها قالت انا اغير من بنتك هي عندها ام تحبها وانا ماعندي قطعت قلبي هالبنت موتت امي اثرت فيها كثير امي الله يرحمها كانت تدللها واختي كانت متعلقه فيها كثير لدرجه لما كانت تنام عندي او مع وحده من خواتي مع البنات كانت امي لازم تتصل وتكلمها وان ماكلمت اختي تكلمها
انا خايفه يصير لاختي شي البنت صايره مو طبيعيه وكل وهالأيام بزياده
دايم حزينه وتبكي على اقل شي وتنقهر من اي احد واكلها قل صايره بالنادر ما تاكل وصايره عصبيه وكسوله بكل شئ ومالي خلق ماشيه على لسانها
اذكرها كانت فرفوشيه وتسولف اما الحين فرق كبير ان احد تكلم معها تسرح ويجيها خمول ودايم ساكته ويدها على خدها وتناظر بالأرض
انا مدري اذا كنت انا غلطانه معها بشي مع اني مهتمه فيها اكثر من عيالي
مره قلت بخليها عند اختي كم يوم يمكن نفسيتها تستقر قامت تبكي تقول انا ماقدر اروح مكان بعيد عنك هي ريحتني بكلمتها هذي بس تصرفاتها غريبه ومره من المرات دخلت عليها تضرب نفسها ومره لقيتها اعطت نفسها كف يا الله ماقدرت اسكت خانقتها ليه تسوي بروحها كذا انا خايفه تسوي بنفسها اشياء اعظم من كذا خلاص راسي بينفجر
وش رايكم كيف اتعامل معها ابي اسلوب يفهمها ويقنعها ان تتغير وبإذن الله مابنساكم من دعائي
واشكركم من كل قلبي لهذا القسم الي يساعدنا لحلول مشاكلنا
الله يجزاكم خير ويجعل عملكم هذا في ميزان حسناتكم

>>>>> ردود الأعضـــــــــــــــــــاء على الموضوع <<<<<
==================================


يشرفني اول وحدة ارد عليكي


قلبي تقطع عليها يااختي لا تحسسيها فاقدة حنان مو مشكلة فضليها علي بنتك حرام عليكي هذي يتيمه ام واب
خافي الله فيها ولا تنسي وصيت امك الله يرحمها والله قطعتي قلبي عليها اعطيها الا تبغي ولا تحرميها من شئ امانه الله يسئلك عنها يوم القيامة ولا تضيعي الامانة اسفة لو زعلتك بشئ دعواتك لي


__________________________________________________ __________

وعليكم السلام ورحمة الله وبركاته
الله يجزاك خير يالغاليه ع اهتمامك وحرصك ومتابعتك لاختك
لكن انتوا لاتحسسونها انها يتيمه ومسكينه ومن هالكلام لان ممكن يزيد وضعها في الحزن
انتي ناديها عندك في غرفتك او روحي لها غرفتها واجلسي معاها وكلميها
قولي وش فيك يابنتي احد مضايقك فيك شي احد من عيالي زعلك ولا قالك كلمه
دراستك عندك فيها اي مشاكل فضفضي انا حسبت امك مو بس اختك قوليلي وش فيك
ووش اللي تبين عشان حالك يافلانه مو عاجبني وابيك تصيرين احسن من كذا وترجعين مثل اول فرفوشه
وش اللي غيرك وخلاك بهالوضع ناقصك شي تبين اجيبه في بالك شي تبين تقولينه او تفضفضين
واذا ماتبين تقولين لي قولي لفلانه (اللي هي بنتك اللي قريبه من عمرها) اكيد انهم قريبين من بعض
المهم حاولي معاها مره ومرتين وثلاثه بس لاتضغطين عليها يعني مره بطريقه مباشره
ومره لمحي لها الين ترجع مثل اول واحسن ..

الله يصلح احوالكم ..


...


__________________________________________________ __________

يالله دمعت عيني وانا اقرا مشكلتك ,, اتوقع اختك تمر بحالة اكتئاب واللي زود عليها بذي الفترة زواج بنتك لانها قاعدة تقارن نفسها فيها ومومعقوله بعد تحرمين نفسك من اظهار فرحتك ببنتك , , اانا من رايي انكم تاخذونها عمرة منها ينشرح صدرها ومنها تغير جو ونفسيتها تتحسن وبصراحة اهنيها على وجودك كأخت وام لها و الله يوفقكم ويكتب لك الاجر على اهتمامك فيها


__________________________________________________ __________

ي حيآتي آكيد مثل اللي قالت فوقي حآله آكتئآب مو سهل آنهآ تموت آمها وهي قريبه منهآ بزياده

هالشي يدمر نفسيتهآ آعرضيهآ على طبيب نفسي ممكن ترتاح نفسيتهآ شوي

الله يرحم امك ويدخلها آلفردوس ألآعلى


__________________________________________________ __________

السلام عليكم
اختي الغاليه والله حالة اختك مره صعبه انتي تعرفين البنت اقرب مالها امها وعلي كلامك ان الولده كانت مهتمه فيها قبل وفاتها وكانت قريبه منها وهي فاقده امها وسوال امها بس انتي داريه ولا تتركينها لوحدها سولفي معها قوليلها يالله نطلع لا تخليها تجلس في البيت ذذكريه بالله دئما انا الله الي خلقنا هو الي ياخذنا وان شاء الله تكون امك من اهل الجنه ولفردوس الاعلى حسسيها بالحنان اضحكي معها لا تخلينا تجلس لوحدهها لان مذا جلست لوحده ممكن تسوي شي بحالها او ممكن تفكر باشيا ثانيه وخليك دايم قريبه منها والله يحفظها ويحميها من كل شي ويوفقها ويرزقها ببن الحلال الي يسعدها وينسيها كل شي امين يارب وااتمني اختي اني افدتك