عنوان الموضوع : أرجو حل سريع لو سمحتو هذي المشكله مسببه الطبيب يجيب
مقدم من طرف منتديات نساء الجزائر

أرجو حل سريع لو سمحتو هذي المشكله مسببه



السلام عليكم ورحمة الله وبركاته
أنا بنتي دخلت السنه هذي رياض أطفال وسجلوها بثانيه لأن سنها سن ثانيه روضه
المشكله إن بنتي في أول الأيام كانت تحب تداوم ومتحمسه بس من أسبوع لما جيت أطلعها كانت تبكي وتقول ما أروح الروضه مره ثانيه البنات كلهم مايحبوني ومايلعبوني معهم وصرت بصعوبه أقنعها تداوم بس نقصت ثقتها بنفسها حيل وصارت حساسه أي شي يبكيها . تكفون إذا في دكتوره نفسيه أو أحد عنده خبره يعطينا حل . وشكرا .

>>>>> ردود الأعضـــــــــــــــــــاء على الموضوع <<<<<
==================================


سبحان الله نفس مشكلة بنت جارتنا دخلت السنه هذي رياض أطفال وسجلوها بثانيه
لأن سنها سن ثانيه روضه وكانت تبكي تبي تروح وبعد ايام ما تبي تروح
وتمتنع عن الاكل
والله واعلم يا اختي الله يفكها الاطفال نفسيتهم صعبة


__________________________________________________ __________

وعليكم السلام ورحمة الله وبركاته
شوفي اختي انا بحاول اساعدج باللي اقدر عليه بس ترا انا لا طبيبة نفسية ولا عندي خبرة مجرد اقتراحات ..

1- اول شي انتي دايما حببي لها الروضة مثلا قوليلها قصص عن اطفال الروضة ترا الاطفال يموتون ف القصص وحاولي تكون قصص **واقعية شوي وقوليلها قبل النوم
2- من وهي صغيرة خليها تختار لها مهنة عشان لما تكبر مثلا ( معلمة/ دكتورة ...) اللي تختاره ويناسب مجتمعكم تحسينه حببيه لها**
3- الصباح لما تبين تصحينها قوليلها ( يله حبيبتي اصحي عشان تروحين الروضة عقب تصيرين شطورة بعدين اذا صرتي شطورة بشتري لج هدية **** وكوني صادقة معها**
اذا قالت ( لا مابي البنات مايحبوني) ردي عليها ( لا ماما م يصير تقولين جي اصلا البنات يحبونج بس يمكن انتي تخافين منهم وماتلعبين معاهم صح !! ليش حبيبتي ماتلعبين معاهم م تبين ......... لين م تقتنع)
4- بعد ماتتجهز للمدرسة وقبل لا تطلع اقري عليها ( اية الكرسي والمعوذتان ) وضميها وعطيها بوسة وقوليلها ( انتي شاطرة صح ماراح تخافين ) وعقب بعد ماتروح ادعيلها الله يوفقها ويساعدها
5- لما ترجع او تروحين تاخذينها خذي معاج الهدية( مو لازم تكون هدية كبيرة او غالية مثلا حلاوة ولا مصاصة او دفتر تلوين شي بسيط)
المهم عطيها وقوليلها ( شفتي عشانج رحتي الروضة ماما شنو جبت لج ...)

6- مرة من المرات روحي الروضة واتفقي مع معلمتها انج تييبين بنتج وياج وهي تقعد تمدحها وتقول ( فلانة جي وجي وجي )
ترا المعلمة لها تاثير كبير

ودايما ادعي لها ربي يوفقها ويبعد عنها الخوف**

وعندي لج فكرة بسيطة حق التشجيع م اذكر وين قريتها ويمكن تكون قديمة المهم
( اشتري لها دفتر واشتري استكرات [ لاصق) مثلا فواكه **وردة ووو يعني نوعي المهم خذي الدفتر وهالدفتر احتفظي فيه عدل وقسميه مثلا قسم ( سوت شي زين ف البيت [ سمعت كلامج او كلام ابوها او م ازعجتج وقت الغدا ] انتي حددي)**
وقسم ثاني ( للروضة )
وخلي قسم ( لحفظ القران ) < نصيحة مني لج من صغرها حاولي تبدين تحفظينها القران انا الحمد لله ابوي من واحنا صغار بدا يحفظنا والحمد لله كلنا ختمنا ف سن مبكر..

الطريقة : كل م سوت شي زين حطي لها استيكر ورويها قوليلها شوفي اذا جمعتي 5 نقاط او استيكرات بعطيج الشي الفلاني او بوديج المكان الفلاني وبعدين مع الايام تصير 10 نقاط بعدين 12 بعدين 14 بعدين 18 جي يعني كل م تكبر شوي زيدي عدد النقاط اللي لازم تحصل عليها عشان تلقى هدية وقوليلها عن الفكرة حتى خلي خبر عند ابوها عن هالفكرة ( اذا عجبتج ونويتي تطبقينها) عشان دايما يشجعها هو بعد

وووووبس هذا كل اللي عندي والصراحة حطيت نفسي مكانج وايش ممكن اسوي وكتبت هالمحاضرة الطويلة**

سوري ع الاطالة


__________________________________________________ __________

حبيبتي علميها انه الروضة العاب وتتعلمي وسهلة ورحي معها حتى تتعود
ودايما اشتري لها العاب و حلوى واشياء يحبوها الاطفال

كل اللي تبيه اشتري لها حتى تتسلى
ويمكن المشكلة من الروضةة او من المعلمة اذا تبي تغيري لها مدرسة تانية احسن

و موووووفقةة يارب^-^


__________________________________________________ __________

الله يخليلك اياهاا وان شاء الله بتشوفيها عرووس


__________________________________________________ __________

باين أنهم عاملين شلل من وهم في سنة أولى هههههه
بصي كلمي المدرسة بتاعتهم تقول للأطفال كلكم تلعبوا سوا
وأعطي المدرسة هدايا خليها تعطيها لبنتك وتقول قدام كل الأطفال علشان فلانة شاطرة
ووصي المدرسة تمدحها وتعاملها كويس