عنوان الموضوع : ربي يرزقها الجنه اللي بتريحني باجابتها -لصحتك
مقدم من طرف منتديات نساء الجزائر

ربي يرزقها الجنه اللي بتريحني باجابتها



السلام عليكم

يااخوات انا داخله على الله ثم عليكم ماني عارفه فين اروح واقول لمين وتعبت جدا والله تعبت
عندي اكثثر من مشكلة للأسف
المشكلة الاولى اني اغار على صديقتي جججدا اغار و هي ( صديققه ) يعني اخت ف الله لا غير !
المهم صحبتي دي من 4 سنوات تقريبا واحنا مع بعض احسها عوضتني عن اشياء كثيرة عوضتني اول شي عن صديقة ماضيه خذلتني ودمرت قلبي والله وراحت و خلتني شوية احس اني سعيدة ف الدنيا لاني انا ممااعترف ب شي اسمه دنيا ! ماادري ايش اقول ويارب احد يفهمني يعني احس الدنيا دي ماوراها الا الذنوب يعني لو عشت فيها وماكنت قوي بكفايه لابد تذنب ولو ب ششي بسيط صحبتي هذي هي الوحيدة اللتي تفهمني واللي ماتحب تزعلني واككثر شي ف الدنيا اتونس معاها وكل طلعاتي معاها احس من غيرها ولا شي !
ادري هذا الشي غلططط ممرا غلط بسسس ايش اسسسوي والله العظيم والله مرا تعبت مرا مااعرف ككيف اعدل نفسي ادععي ربنا وادععيه يعدلني بسس مااتعدل عندي حب التملك قوي جدا ومؤثر ف حياتي احب اتملك اللي احبهم بشكل مو طبيعي وخصوصا صحبتي هذي ! يعني مثلا زي امس رحنا انا وهي واختي الكبيرة واثنين اخوات يصيروا بنات عم صحبتنا اللي اتوفت العام (ربي يرحمها) رحنا معاهم للبحر واتونسنا وكدا بس انا اغلب الوقت احس اني مو مرتاحه طول الوقت اطالع ف صحبتي ماابغاها تكلم أ اللي هي بنت عم صحبتنا المتوفيه واحس بقهر كدا ونفسيتي تتغير وبس تقولها كلمة ولا تضحك معاها احس بقهر مثلا تقول والله أ خطيرة ولا الله يعطيها العافية عملت كدا انا خلاص افوور ماادري ليش احس ب دا الاحساس نفسي اصصير انسانة طبيعية والله نفسي يعني احب حب عادي ولا اتعلق ولا اتملك ! والمصيبة الكبرة انه أ واختها ساكنين قريب من صحبتي يعني صايرة دي الفترة بس تقرر تروح لعندهم او يطلعوا مع بعض وانا لما اعرف اجلس ابكي والله ابكي ابغى اموت واكره الدنيا وشي الله يرحمني بس و الموت اصلا فكرة ماتروح ع بالي كل ماااتضايق من شي ادعي ربنا ياخذني واجلس ابكي يعني مو بس على موضوعها ! هذي كمان مشكلة عندي ! مع انه أ انسانه طيبة وحبوبة وانا ااحبها بس مرا اغار على صحبتي منها مااابغى صحبتي تحبها اكتر مني وو تتونس معاها اكتر مني
ياااارب تكونوا فهمتوا عليا يارب عنجد يابنات والله ورب الكعبة الشي دا ممرا مرا متعبني مايخليني اعيش زي الناس نفسي انسى كل شي نفسي اعيش ولو مرا عشان نفسي نفسي والله وكل ماافتكر انهها بتسافر بعد كم شهر اجلس ابببكي واكره يومي وافكر اقاطعها اقول لانها بتتغير لما بترجع من سفرها مدري ليش افكر دي الافكار ! وغير كدا انه هي بعد كم اسبوع بتسجل ف معهد انجليزي تقريبا ل 6 او 8 شهور ويجي ف بالي انه خلاص هي دحين بتصاحب بنات وبتنشغل معاهم واكيد بتتغير عليا احس ابغى اكرهها لما افكر ب دا الموضوع احس ابغى اقاطعها قبل لا تتغير عليا ! وكمان بعد ماتخلص المعهد بتدخل للجامعه وبرض لماا افتتكر اتدممر والله اتددمر اجججلس بببكي وابككي اقول حتصاحب بنات غيري ويكونوا قريبات منها والله يابنات اني جالسه ابكي وانا اكتب حاسسه بقهر من نفسي نفسي اتغير و والله اني ابغى اشتغل واجمع فلوس عشان الظروف شوية اللي عندنا بس عشان ادخل المعهد معاها ! متخيلين انتوا ل دي الدرجة ! ادري في بعضكم مايفهم ويقول ايش دا الحب دا حب الشاذات ومدري ايش ! لا ياقلبي دا حب الصداقة وانتِ شكلك ماجربتيه ويارب ماتجربيه , وصحبتي دي صديقة صديقة لاغير ,
والله لي تقريبا 3 ايام وانا على دا الحال بس افكر واجلس ابكي اقسم بالله بس ابكي واحس اني نحفت وعيوني دخلت من الجنان اللي جالسة اسويه ! ماعندي احد اشكيه غير ربنا ماعندي احد والله اشكي ل مين بالله لصحبتي هي نفسها عشان تستغرب مني وياخوفي تقاطعني ولا اشكي لاختي اللي بتقولي تستاهلي قلتلك من البداية لاتتعلقي ! عشان كدا دخلت ف المنتدى وشكيت حالي واتمممنى تدخل العاقله والفاهمة وتنصحني او تنبهني او تدعيلي وربي يرزقها الجنة , عنجد يابنات عجزت ! مع انه صحبتي دي ماتخبي عني شي كل شي تقريبا تقولي هو واول وحده بس مممادري ليش كدا افكر وكل ماافتكر انها لماا بتتزوج بتنشغل عني برضو اجلس ابكي واكره كل شي افكر انه بتنشغل عني مع زوجها وبتبعد وماحنخرج مع بعض زي اول ولا اشوفها دايما ! عنجد تجيني افكار انا اكرهها
اوقات افككر اروح لعيادة نفسية يسوولي جلسات ينسوني كل شي من جد احس اني محتاجه وهذا الشي بيتعبني مستقبل جدا بس ابغى ارتااحح , مع انه قبل كم كلمتني بالتلفون وتقولس انت اقرب شي لي ودايما كدا تقولي وتقولي والله مهما يكون عندي صحبات بس مسستحيل اقارنهم فيكي انتِ مافي منك ومن دا الكلام , وممرا انبسط لما تقولي كدا احس بطير من الفرح بس دي الفترة لما صرنا مع أ واختها اوهه بس كرهت كل شي , ودايما ف البلاك بيري ارسل بيسيات اقصدها فيها عن التغيير و عن اني بفارق وكدا دايما بس احسها ماتفهم ولا تتطنش وعادي تعاملني يعني ماتقولي ليش ترسلي كدا ! اوقات اقول لاني انا فاضيه تجيني دي الافكار لانه لاورايا لا دراسه ولا شغل يعني نفسي ادخل جامعه بس الظروف الحمدلله ماتسمحح وابغى اشتغل بس يجيني ضيق من موضوع الشغل احس ماابخرج الا وبلاقي ذنوب لانه اغلب الشغلات صايرة مختلطة , وجاتني فترة اشتغلت لمدة 4 شهور تقريبا وتعبت من الشغل وطلعت وكنت افضي وقققتي لازم عشان كل اسبوعين تقريبا اخرج مع صحبتي او لعندها او تجي عندي يعني ممماابغها تحس اني انا خلاص اشتغلت يعني انشغلت عنها ولا شي وطلعت من الشغل اولا لاني مليت وثانيا بس عشان اكون انسانة فاضية واطلع دايما معاها ! متخيليلن انتوا , مع انها كانت تقولي لاتطلعي وتنصحني اصببر واستنى تقولي كملي شوية بس انا اقولها طفشت , والمشكلة حتى احححس ماعندي هوايات اقدر امارسها واشغل وقتي
انا يابنات والله فاههمة انه الصداقة مو تملك الصداقه تحبي لصديقك الخير زي ماتحبي لنفسك وممكن اكثر الصداقه تكون مستمرة حتى لو راح الصديق بعيد عنك بس انا لا اننا ماافكر كدا انا عندي الصداقة اني امتتلك صديقتي واغار عليه من البنات الباقيات واككره لماا تتكلم معاهم ! بس مو بيدي والله انا اعرف هذا الشي غغلط وادري والله ادري بس صدقوني مو بيدي نفسي اتغير و ان شاءالله بسسبكم اتغير و والله لادعيلها ف سجودي ب كل الخير اللي تريحيني بكلامها وتنصحني اللي احس انه كلامها عدلني وغيرني , وغير كدا الناس اللي بتدخل بتقول كلام سم مشكوين مااابغى واللي بتقول انتِ غلطانة وغلطانة وكلام يجرح رجااء سألتها بالله لاتدخل ولا تقول ولا كلمة وممابغى ادعي عليها انه ربنا يعيشها زي مانني عايشه ويحسسها باحسساسي !
انا بس ابغى الأخت الفاهمة العاقلة تجاوب على موضوعي باللي يريح ل وجه الله

و انتظظركم , ومشكورين ممقدما

>>>>> ردود الأعضـــــــــــــــــــاء على الموضوع <<<<<
==================================


حاولي تتقربين منها وراح تحبك اكثر وصدقيني لو صاحبت غيرك راح ترجعلك صدقيني والغيرة هاذي ماراح تنفعك بشي خليك مرتاحة وريحي نفسك وخلي علاقتك الاجتماعية كثيرة مع الناس وراح ترتاحين اتمنى اكون افدتك بشي 🌹


__________________________________________________ __________

هي ماراح تكرهك بس حاولي تتركين عنك الغيرة وراح ترتاحين وانشالله باقي العضوات يساعدوكي اكثر 🌹


__________________________________________________ __________

ربنا يعينك يا أختي.طيب ليه التعلق الزائد بالعباد ورب العباد موجود.صديقتك هي إنسانة عادية تخطئ وتضعف وتمرض وتتغير حالها ليست ملاكا نزل علي اﻷرض لتكون حياتك محتملة.أنصحك يا أختي بالقراءة في اﻷحاديث القدسية ففيها معاني جميلة رقيقة تغنيكي عن كل البشر.الصداقة شئ مهم ومستحب ولكن لا إفراط ولا تفريط.
عندما يرد في الحديث القدسي علي لسان رسولنا عليه أفضل الصلاة والسلام نقلا عن رب العزة(......ولئن تقرب عبدي إلي شبرا تقربت له ذراعا وإن تقرب إلي ذراعا تقربت له باعا....... ) أنا عندما أسمع أو أقرأ هذا الحديث القدسي يتضاءل في عيني كل البشر.وقولي في نفسك وواظبي عليها ....بل الله أكبر بل الله أكبر.
أسأل الله أن يهد قلبك لمحبته ورضاه وأن يغنيكي بهما عن كل البشر.


__________________________________________________ __________


__________________________________________________ __________