عنوان الموضوع : تزوجت وتعبت وتعبت وتعبت
مقدم من طرف منتديات نساء الجزائر

تزوجت وتعبت وتعبت وتعبت



السلام عليكم
انا لي تقريبا 5 شهور متزوجة ومن يوم ملكت الى اليوم وانا في مشاكل مع زوجي
انا ساكنة عند اهل زوجي لكن لي شقة صغيرة في نفس البيت
ويتدخلون في كل شي تخيلوا يابنات يقولون مانشم ريحة طبخ اكيد ماتطبخ ويعبون راس زوجي او يجون عندي وامه تدخل غرفة النوم تشوف هي نظيفة ولا لا
واذا كلمت زوجي يقول هذول اهلي احترميهم
اما بالنسبة لزوجي اخر همه الصلاة على هواه احياانا يصلي واحيانا لا
وانا حاولت معاه بكل الطرق باللين والشدة واذا تكلمت معاه عن تارك الصلاة او مأخرها يغير الموضوع
عصبي جداااا ودايم يصرخ علي ومايهتم في دوامه
وقريب زواجنا فصل من عمله وتزوجته وانا مدري انه عاطل حتى شهر العسل ماتهنيت فيه بحكم ان ماعنده فلوس صبرت وتحملت
حتى مصروف الجامعه مايعطيني وملابس وكذا وبرضو صبرت والله يخلي لي اهلي ماقصروا
حتى مقاضي البيت فاضية عمري ماحسيت اني عروسة مثل اي عروسة لكن الحمدلله
انا جامعيه والحمدلله وهو معاه ثانويه قبل لاتزوج كنت اقول عادي مايهم التعليم
لكن اكتشفت اني غلطانه كثييييير نختلف بالثقافات وغير كذا مايخليني اذاكر ويشغلني عن الدراسه ويقولي الي يشوفك يقول معك دكتوراة
والله يابنات اني دايم اروح الجامعه ودمعتي على خدي
والمشكلة الكبيرة اني الى الحين بنت مادخل علي
كثير حاولنا بس هو مايقدر يقول عنده مشاكل ولازم يتعالج بس العلاج محتاج فلوس كثير وهو ماعنده
وقال هالموضوع بيني وبينك ونفذت طلبه وماعلمت احد
الحين انا ابغ حل معاه ومع عصبيته علي
اخرتها اليوم اول ماصصحى وهو معصب علي وكنت اقرا قران قالي اطلعي برا الغرفه وسكري الباب طلعت رحت غرفه ثانية وشغلت المكيف قال طفيه لاتخسريني فاتورة
سكت عنه وكملت اقرا قران وبعدها جا عندي ومسكني من ايدي لين حمرت ومكسني من رقبتي كأنه يخنقني وهذي مو اول مرة يسوي معي هالحركات وقال عني متخلفة عقليا والله ياخذك وكلام غيره
لين انفجرت من البكي ويوم بكيت جلس يحضني وتغير 180 درجه ويتأسف ويبوس رجلي وبعدين يرجع نفس اوول
انا جدا تعببببت معاه ولا ادري كيف اتصرف خصوصا اني كنت اهلي مرة دلوعة والكل يعاملني باحترام
كم مرة تروح مشاكلنا للاهل ويكلمونه لكن بدون فايدة
طفشت منه ومن اهله وبنفس الوقت اهلي مايبون بنتهم تتطلق
وش اسوي

>>>>> ردود الأعضـــــــــــــــــــاء على الموضوع <<<<<
==================================


حبيبتي مشكلتك محزنة لكن والله اعلم سبب عصبية زوجك هو عدم قدرته على فض بكارتك فهذا الامر جد محرج للرجل اما باقي المشاكل مع الاهل خصوصا فلا اضن انو فيه وحدة متزوجة لم تعاني من تذخلات اهل الزوج الا من رحم ربي اختي استغفري وادعي الله يصلح احوالكم


__________________________________________________ __________

ممممم الله يصبرك ع همك يارب


__________________________________________________ __________

يمكن زوج مسحور آو ممسوس آو ممكن معيون تصير لاتقولون لا
كل شي جائز لية آنا شكيت في الموضوع لان تقولي آنه مايصلي
وفجأة انفصل عن عمله ولسه مادخل عليك وتصرفاته معك تدل يا
آنه مريض نفسي آو مسوي له عمل طبعا آنا آقول آحتمالات الحل
ياقلبي آنك تشغلي الرقية الشرعية مثلا في لاب توب تلقيه جالس
كذا ومافيه تلفزيون او منشغل بشيء شغلية شوفي ردة فعله اذا
قام يصرخ ومايبي معناته فعلا مسحور وآدعي ربك كل صلاة ان
يسخره لك ويحنن قلبه ويكفيك شر اهل زوجك ويشغلهم بنفسهم
وشوي شوي وبأذن الله تنحل المشكلة


__________________________________________________ __________

الله يسهل امورك اجلسي معه وشوفي وش فيه وسئليه ليش مايعطيك حقك ف العلاقه الزوجيه وغريبه وش ذا المرض الي يبيله علاج وتكاليفه غاليه روحي انتي وياه لدكتور لتعرفي حالته وش مرضه واذا يحتاج مساعدتك وقفي معه بس الافضل تعرفين وش السبب وقوليله كل الي عندك وصارحيه وقوليله انا بوقف معك الله يسهل امورك


__________________________________________________ __________

حبيبتي على ما اعتقد زوجك يحبك لاكن السبب اللي مخليه يتعصب بأستمرار هو عدم قدرته على معاشرتك
وهو اكيد يحس بنقص قدامك لانك الوحيدة اللي تعرف بعلته
بس حبيبتي مايجوز تبقين ساكتة لازم امك او اختك تعرف بأنك مازلتي بكر وهذا حقك الشرعي ولازم ام زوجك تعرف حتى يتعالج ويشوف حل لنفسه لانو الى متى راح تتحملي وتصبري وهو اذا بقى على هذا الحال راح تتفاقم المشاكل بينكم وحالتك وحالته النفسية تتدهو لانو هو كلما يشوفك راح يتذكر انو ما منطيكي حقك الشرعي وتتأزم حالته اكثر