انا وخطيبي !!!
عنوان الموضوع : انا وخطيبي !!!
مقدم من طرف منتديات نساء الجزائر
انا وخطيبي !!!
بدش بالموضوع على طول
يمكن تكون فضفضه اكثر من انها طلب مساعده
مع اني اتمنى اوصل لجواب عن سؤالي والله هلكني التفكير
صرت بس ابجي من الحيره
خطيبي مافهمته حيوي بطبعه بس احيانا اتفاجىء يدخل في مواضيع عميقه فجأه
اقول اوكي مهما كان هذي غريزته ومن حقه وكلش
مو هني المشكله المشكله انه بعمره ماقال رأيه فيني
يعني والله احترت احيانا اقول انا مو عاجبته يعني انا اتعب اتكشخ له واتعطر وكل شيء
اذا يه يزورني وتخيلوا مايجيب طاري شكلي موووليه هي كلمه كلمتين يقولهم لي وخلاص
يعني كأنها مجامله لي وبس وبعدها
بس يقعد يحن علي انه يبي ويبي ويبي يسوي (( عاد انتوا فهموها ))
ويتم يعيد ويكرر ويلح علي في الموضوع
بس انا اتحجج كل مره بشيء لاني مابي يقرب مني قبل الزواج
والسبب الثاني انا مو قادره اتقبله لين اعرف رايه فيني بصراحه
لاني والله صرت احس اني آله قدامه
يعني شنو انا بالنسبه له مدري طيب يقولي انا زينه شينه عجبته ماعجبته
بس ابي يريحني ويقول لبسي مكياجي شكلي عجبه ماعجبه
احيانا احس مايهمه اي شيء فيني يعني بس من قبل إيي وهو يفكر في حركات
يبي يطبقها وياي بغض النظر عن اي شيء ثاني
طيب انا انسانه لي مشاعر احب اعرف رايه فيني مو بس آله يطبق عليها اللي يبي
وبس من يوم إيي عندي يبدا يزن ويلح يبي يسوي وياي حركات
والله صرت اتقزز من الاسلوب هذا يعني ابي احس اني انا مرغوبه لذاتي لاني عاجبته
مااحس بهالشيء موووليه احسه يبي يسوي اللي براسه وبس ماعمره قال شيء عن شكلي
حتى تخيلوا يتكلم عن اللي اقدمه له من ضيافه وكلش كلش ويمدحه الا انا مايجيب طاري !!!
مع اني وقتها ماايهمني الا رايه فيني انا وبس
لاني اتعب في التكشخ له اكثر من تعبي في اللي اقدمه !!
والله صرت اشك اني مااعرف اتكشخ ولا شنو ولا يمكن انا مو حلوه حتى لو تكشخت
لاني لو عاجبته اكيد بيتكلم عن شكلي
انا اللي ابي اعرفه شيء واااااحد بس انا عاجبته ولا لا ؟!
علموني شلون اعرف جواب سؤالي ابي طريقه اعرف فيها رأيه فيني بس مو بسؤال مباشر
لاني استحي اسأل واصلا احسها مو حلوه بحقي بيبين له اني مو واثقه بنفسي
والله اللي تجيب لي طريقه لادعيلها من كل قلبي لانها بتفرج علي همي
>>>>> ردود الأعضـــــــــــــــــــاء على الموضوع <<<<<
==================================
اولا عليكي الا تبالغي في تزيين نفسك وكل ماعليك هو ان تتعطري جيدا وبعدين انت لما تلتقي معاه بادري وقوليله اليوم غير يعني متلا دا اللون لي لابسه كتير حلو عليك ولا متلا عطرك حلو وشوفي راح يرد عليك واذا متلا ضحك معاك اقعدي تتاملي فيه يعني شئ ثواني وقوليلو ضحكتك حلوة او اي شئ كوني مبدعة ترا راح يكون زوجك ولازم تعرفي كيف تعامليه وانت كمان متلا لما تلتقي معاه قولي اشتريت دا الثوب جديد عجبك ولازم واهم شئ خلي البسمة الحلوة ماتفارق وجهك لانك يمكن تكوني مكشرة لهيك يخاف يقلك او انت متكبرة عليه ويقول مع حالوا لو صارحتها راح تتكبر يلا سلام وادعيلي ربي يبلغني لي في قلبي
__________________________________________________ __________
ياهبله تعبيره عن غريزته قدامك يدل انه ميت فيكي وبشكلك
__________________________________________________ __________
شوفي اياااااكي يضحك عليكي ويلمسك قبل العرس
وثانيا انا مثلا لا تسأليه شو رأيك فيني اسأليه شو رأيك بفستاني الجديد؟ شو رأيك بتسريحة شعري
هيك يعني
ونصيحة لا تشغلي بالك بهيك أفكار ولا تتوقعي شي كبير منه لانه احنا شبابنا هيك دفشين وما همهم الا شي واحد فأنتي لازم تتعودي على هالامر من الحين ولا تتوقعي منه كلمات حب وغرام وخرابيط احنا شبابنا ما عندهم هالاكلام
__________________________________________________ __________
الأمر اللي جداً مهم لآ تسمحيييييييييييييييييييييييين له يلمسك قبل الزوآج انتبهي
حتى الحركاتَ لآ تجارينه ب الحركات الجريئة مره ، والله العظيم بعد الزوآج بتعرفين معنى كلآمنا
الخطوبة مرحلة تعارف و فهم شخصيات ، إن تجاوزت هذه الأمور وشَ بيبقى للزوآج
الأمر الثآنــــــــــــــــــــــــــــــــــــــــــي
خلك وآثقة من شكلك ، هالأمور لآ تفكرين فيها تراها والله وسوسة
لو شكلك ما عجبه ، ما كرر زياراته لك
كل ما تصلين ادع الله يسخركم حق بعض و يجمعكم على خير
وخلي عنك الوساوس كلها من الشيطان عزيزتي
نور الله حياتك
__________________________________________________ __________
اهتمامه بشكلج قاعد يبينه لج بس بطريقته هو
بس شكلج ما فهمتي عليه ههههههههه
هذي طريقة الرجال بالتعبير عن إعجابهم
موووفقه
رد مع اقتباس
