عنوان الموضوع : مشكله ورا مشكله
مقدم من طرف منتديات نساء الجزائر

مشكله ورا مشكله



السلام عليكم
اولا انا بفضفض لكم وابي مساعدتكم بنفس الوقت
يابنات انا متزوجه لي سنه ونص وحملت وولدت بنتي في الشهر السادس وماتت على طول الحمدلله على كل حال
انا كنت اتمنى اجيب بنوته ورسمت لها كل شي في مستقبلي تصدقون قبل لااجهض بكم يوم كنت بشتري لها ذهب
وقبل لااجهض سمعت نبضات قلبها وكنت اسعد انسانه
كل جوالي كانت صور اطفال
وكنت كل اسبوع ادخل موقع يخبرني ان بنتي في الاسبوع الكم وش اللي تكون فيها
وكنت كل يوم احط السماعات واسمع قران عشان اخليها هي تسمع بنفس الوقت
كنت وكنت وكنت قدر الله وماشاء فعل

المهم من بعد مااجهضتها يمكن لي 4 شهور ومن بعد الاربعين كنت بتمنى احمل وبعد اول دوره من الاربعين طلع كيس مائي وظيفي في الرحم
اول شهر اخذت تحاميل والحمدلله نقص حجمه وبعدين الدكتور كتب لي نفس التحاميل وحبوب اسمها ريباريل
ورحت له قبل كم يوم قال حجم الرحم كبير وكان متأكد انه حمل
رحت سويت تحليل طلع مافيه حمل انت كنت متأكده ان مافيه حمل عشان مصار جماع في ايام التبويض
قال اتصلوا اذا مافيه حمل عشان اعطيكم العلاج واتصلت عليه امس وقتها خلص الدوام

المهم من صار لها كذا حجم رحمها كبير وفيه كيس
انا مره خايفه لاقدر الله يكون فيه شي

انا مااحس بااعراض ولا شي الحمدلله
واهلي مايدرون بس انا وزوجي
مو ناقصه العالم كلها تدري ويطلعون علي اشاعات !

صايره ابكي كثير من بعد مااجهضت صارت حياتي حزينه كرهت الناس حتى العيد كنت متنكده
واذا فيه عزايم مااروح عكس قبل مدري وش صار فيني
الحمدلله ختمت صورة البقره وكل يوم اشغل صورة البقره بس ليه ابكي كثير ؟

ياليت تواسوني ومن صار لها كذا حجم الرحم كبير والكيس مازال موجود



تكفون ساعدوني ادري حلي الوحيد اسأل الدكتور بس انا ابي خبرتكم
دعواتكم لي ربي يعوضني عن اللي راح وان شاءالله تستقبلني عند باب الجنه

>>>>> ردود الأعضـــــــــــــــــــاء على الموضوع <<<<<
==================================


يااختي احتسبيها عند ربي يمكن خيره اعرف وحده اجهضت 4 مرات من غير اسباب الله يرزقك بالذريه الصالحه وان شاء الله باقي الاخوات يفيدونك


__________________________________________________ __________

الله كريم والله اعرف ناس نزلت 7 مرات
وحملت وهلا عندها 2ولاد و2 بنات
ان شاء الله الله يشفيكي وما توصلي هالمرحله
بس انتي كملي علاجك واصبري
ولا تصير نقطة ضعفك وخليكي قويه


__________________________________________________ __________

ان شاء الله كل الحالات زي حالتك اتشافت

اهم شي تراجعي دكتورك عشان يغير لك العلاج

و تواظبي عليه

و النوع اللي جالك نوع خفيف وعلاجه سهل ان شاء الله


__________________________________________________ __________



اطلعي وانسبطي مع الناس لا تقعدين مع الهم وتعيشين الدور

كل مؤمن مبتلى الحمدالله على كل حال


الله يشفييك ويعوضك بالذرية الصالحة يارب


__________________________________________________ __________

الله يعوضك ويصبرك