عنوان الموضوع : ابا انسآه عسب ارضي ربي وارتاح -تم الاجابة
مقدم من طرف منتديات نساء الجزائر

ابا انسآه عسب ارضي ربي وارتاح



سبق وطرحت هالموضوع ف منتدى ثاني بس الاغلبيه يذموني مع اني معترفه ف غلطي واحاول اصلحه || ارجوكم افيدوني وربيه تعبت

بسم الله الرحمن الرحيم

بنات وربيه احتاج مساعدتكم لي وماييت لكم الا لأنكم بنات وبتفهمون اللي انا فيه

يا خواتي انا سالفتي سالفه وطولها طول بس بحاول اختصرها لكم

انا وحده معسكره ف شي اسمه انستجرام وجيه ، وطاف الوقت وف يوم كنت اعلق ع صوره ويه ربيعتي ، ( الصوره تخصني انا اصلا ) المهم واحنا نسولف بالتعليقات دش واحد يعلق ويستهبل ع الصوره ، شو اقولكم كرههههته وتضاربت انا ووياه لين ما ترسنا تعليقات ع الصوره واتضرت ربيعتي تحذف الصوره ههههه المهم عقبها مرت الايام طبيعيه جددددا ، ونسينا الموضوع

ف يوم حلمت حلم وكان الحلم يخص هالريال اللي تضاربت وياه -.- ( حلمي كان اني طالعه من البيت وباين اني متسلله يعني مابا حد يعرف اني طالعه ، وف طريجي شفت اخواني بسياراتهم يطالعوني ابتسمت وعادي كملت ، ويوم بعدت شوي من البيت شفت هالشخص بسياره حمرا ويطالعني وعلى ويهه ابتسامه انا خفت ورديت البيت ) ها حلمي ، من نشيت كان شويه وبيأذن الفير يوم الجمعه -.-

انا طنشت الموضوع ولا اهتميت فيه ، بالاسبوع اللي عقبه بنفس اليوم والوقت بعد حلمت فيه ( وكنت توني مربيه - والده - ودشن ثلاث ممرضات واللي ف النص وياها ولد انا ابتسمت وصديت يميني شفته بعععد حذالي وقال لي مبروك ) الله لا يوريكم نشيت شوي وبصيح خلاص كرهت انه ايي ف حلمي

خبرت ربيعتي عن الموضوع بس تمت تتطنز وجيه ههههه ، وهالحلمين تميت احلم فيهن فتره لا تقل عن شهر
انا هنا مادري شو اللي خلاني اييب هالفكره ، سويت لي اكاونت يديد ف الانستجرام وضفته ، وترا ف اكاونتي السابق مب ضايفتنه ابد - من الكره اونه - هههه

انزين وبلا وبلا وبلا تميت اكلمه تقريبا شهرين او ثلاث ، وطلع الريال مزوحي وشخصيته وايد حلوه ومن راك بعد هع وعرفت انه مغازلجي -.-

شو اقولكن استوينا واايد قراب من بعض ، انا اقوله كل شي كلل شي حتى الاشيآء اللي ماقولها حق ربعي واهلي قلتلها له وهو نفس الشي يقول لي اشيآء سواها قبل وشو سوا اليوم وجيه

لين ما يا يوم تم يطلب مني الرقم ، عاد انا مارضيت ، وتمينا فتره طوييييله يطلب الرقم وانا ارفض لين ما عطيته وياليتني ماعطيته

حاول عقبها يكلمني فون وانا بعد تميت ارفض واقوله نرمس مسجات احسن ، وبعد تم يصر علي لين ما كلمته فون ، بس بحكم اني شوي رافضه ف كانت محادثاتنا ع الفون مره بالاسبوع ومانطول ، اقولكم اتطمنت له وااااايد ، وفي مره مادري كيف طلعت من لساني مع اني كنت اعرف انه بيتطنز قلتله يا فلان ليش ماتمسح صورك من الانستجرام ؟ قال لي ليش وتم يتطنز ، بالمره اللي عقبها يوم دق علي قال لي مابين سوالفنا انه مسح كل صوره ، انا ع بالي يتطنز ومشيت السالفه ، يوم سكر دشيت ملفه وشفت صج انه حذف كل صوره حتى صورته الرمزيه اللي فوق غيرها :$

المهم تمينا نرمس بعض ، وانا هنيه بدا ضميري يأنبني اني ارمس ريال ولأول مره ولا بعد ع الفون وكثرتها ، حاولت ابعد عنه بدون لا احم ولا دستور بس كلما يكلمني ارد عليه وعقبها اتندم واقول لا لازم انهي هالموضوع -.-"

قبل رمضان باسبوع تقريبا ، قلت له اني مابا ارمسه وجيه وهو قال لي ما بجبرج ع شي بس انتي دامج تشوفين ها صح سويه ، وهنا ودرته وانتهت كل مسجاتي معاه .

وتراني تعودت من فتره كلما اذكره اطرشله ادعيه حقه وجيه ، ها اللي تعبني ف البدايه اني كنت متعوده اطرشله دعاء بين الفتره والثانيه والحين لا ، بس انا مصررره اني ما ارد اكلمه خلاص خايفه من ربي
طاف نص رمضان وانا بس ادعيله ب صلاتي عسب ما اتهور واكلمه ، بس في ليله انهرت وتميت اصيح ، احس اني ابييه ، وربييه وكأني اسمع صوته وهو يسولف واسمه ضحكته وجيه طرشتله دعآء ، وعقبها تندمت وقلتله سوري بالغلط

وكملت رمضان وانا ادعيله واذكر سوالف واضحك بروحي جني خبله ههههه
يا العيد وبعد عيدت فيه -.- واليوم اللي عقبه يوم ميلاده وبعد طرشتله وها كان آخر مسج طرشتله لين يومكم

بنات انا للحين ادعي انه يكون من نصيبي بالحلال ، اعرف انه مغازلجي بس ادعي ( ان كان خيرا لي فاجعله من نصيبي وان كان شرا لي فاهده ثم اهده ثم اهده واجعله من نصيبي )

بنات صح انه محترم رغبتي ومايكلمني ، بس انا صج تعبت نفسيا من كثر ما افكر فيه وادعيله ، وبعد اتخيلو بنات اني اتم اقرا رسايلنا اككككثر من مره او انه اشوف صوره ( مايعرف انه صوره ويايه هع ) او انه اتم اشوفه اون لاين ع الواتساب جيه اتطمن انه بخير ( ترا الواتساب كان ع قولته مايحبه بس قلتله ف يوم كاقتراح انه ينزله ونزله ف اليوم اللي عقبه ) ، وبعد اتابع الصور اللي يحطها ع الانستجرام وجيه وطبعا مارجع حط صوره ولا حتى ع الرمزيه

بنات ابا ارتاح ، حاولت انساه بس ما اقدر كل شي يذكرني فيه ماااقدر وربيه
خواتي مع انه ادري انه صعب نجتمع بالحلال بحكم عاداتنا وتقاليدنا واهلي ، بس كل هالاشيآء ماتخلني اودره وانساه ولين يومكم ادعي له وانه يكون من نصيبي


ونسيت اقولكم فارق السن بيننا ثمان سنوات وبعد ماخلاني هالشي ابعد عنه وانساه

.....................

هل من نصائح او اي شي اي شي
احتاج لكم بعد الله يا خواتي

>>>>> ردود الأعضـــــــــــــــــــاء على الموضوع <<<<<
==================================


رفع


__________________________________________________ __________

حبيبتي الموضوع كله كان لعب ومضارب ع قولتج
ومن حلمين رحتي سويتي علاقة مع الرجال
يمكن احلام من الشيطان عشان يخليج تفكرين بهالرجال وتقعين بالحرام
اذا انتي جريئه اكشفيله عن هويتج الاصليه
ومنو انتي وبعدين اقطعي علاقتج فيه
واذا يبيج يطق باب بيتكم
مع اني ما انصح بالزواج عن هالطريق
يعني وحده مسويه حسابين وتكلم شباب
وتلعب عليهم
اكيد لا تزوجتيه شهرين وبتنفصلون عن بعض
لان مابني على باطل فهو باطل
اتمنى لو تفكرين عدل وتقطعين علاقتج بالشباب
ونصيبج بيجيج لو انه بالصين
ماله داعي كل ما شفتي حلم وانتي نايمه
رحتي تسوين حساب ثاني عشان تحقيقينه
ثقي بأن ارزاقنا بيد الرحمن سبحانه
متى ما اراد ان يعطيج بيعطي
توكلي على الله وثقي به
موووفقه


__________________________________________________ __________

حبيبتي لا تزعلين عليه هذا بس يتسلى بمشاعرك والحمدالله انك افتكيتي منه قبل يتطور الموضوع


الله يهديك ويفرج همك ياارب


__________________________________________________ __________

دام انه ما بكلمك ابدا وما رد على مسجاتك اذن هو بده يتسلى واكيد شاف وحده غيرك ملأت الفراغ اللي عنده
ديري بالك على حالك وما تتهوري بلاش بكره تندمي
والله شباب اليوم بخوفوا تلاقيهم عسل وحنونين معك وطيبين كثيررررررررر وضحكوين
لين توقع البنت بشراكهم وساعتها يبتزونها اما بالمال او عرضها
ديري بالك واحذري ارجوووووووووووووووكي


__________________________________________________ __________