عنوان الموضوع : مصدومه من زوج أختي -لصحتك
مقدم من طرف منتديات نساء الجزائر

مصدومه من زوج أختي



السلام عليكم
بنات أنا مصدومه من زوج أختي اخر توقعاتي انت ممكن يكون من النوع
أولا هو متزوج أختي يمكن لهم 8 سنوات وعندهم ولد وماشاءالله مؤ مقصر مع أختي بشي نهائيا وأختي تحبه وتخاف عليه وإذا وصل الدوام تطمن عليه
الزبده
أختي ساكنه قريب من بيتنا ودائم إذا طلع زوجها تخليه يوصلها وتجي لماما
وقبل كم يوم بنت عمي كانت عندنا وهي عمرها 18
وأختي قالت أن زوجها يبي يجئ ويأخذها وأخذت بنت عمي عمها عشان مره وحده وتصلها بيتهم
بنت عمي هذي قريبه مني حييل وما تخبئ علي شئ
اليوم قالت لي بقولك شئ بس لا تعلمين أختك وجالسه تحلفني أني ما اعلم أختي تقول مؤ ناقصه مشاكل وتفكك
المهم قالت لي أنها يوم كانت راكبه ورا مع أختي وزوجها تقول طول ألطريقه هو يغمزلي والمشكله أختي راكبه معه قدام
بس أختي ما شأفته
أختي وبنت عمي بيتهم شوي قريبه من بعض اول شئ نزلت أختي وبعدين مسافه بسيطه ونزل بنت عمي بيتهم تقول اول ما نزلت سمعت صوت في القز إز من برا والتفت وشفته يأشر ويرمي الرقم يعني أخذيه
وطنشته ما عطته وجه أبدا تقول أنا اللي قاهرتي ليه يسوي كذا وأختك مؤ مقصره معه
والله جد وهو مؤ مقصر مع أختي دائم تمشيات ومطاعم

المهم أنا قبل لا أتزوج كانت أختي تخليني أروح معها السوق لان ما عندي إخوان وسواق يؤدوني وبابا يكون في الدوام وقتها وبعدين هو ولد عمي اعتبره مثل أخوي
كنت ألاحظه يغمزلي وكنت أقول في نفسي يمكن يتهيأ لي مع أني أكون منتقبه بس مغطية عيوني بطرحه شفاف ومو واضح فيني شئ بعد
ومره أختي اتصلت علي من جوال زوجها وهو سجل الرقم عنده
المهم مره أختي راحت زواج وخلت ولدها عندي ومكان في بيت أهلي إلا انا وبابا نائم
بابنات ممره أزعجني زوجها كل شوي يسال عن ولده وربي أقفل أصرفه أقول ولدك طيب ويبي ينام الحين نعسان ويجي يطلع سالفه ثانيه يقول تبين شئ من البقالة أقوله مادي شئ توني متعشيه ويرجع يتصل للمره المليون ويقول أبي أجيب لك بطاقة شحن ، سلامات ؟
حد صدمني هنا قلت مابي ويلا مع السلامه
ويرجع يتصل يقول افتحي الباب انا جايب لولدي اكل وتفاجات جايب مع الأكل بطاقه
ذاك اليوم قعدت ادعي ربي انه يفكني من شره ومن نيته دنيا مافيها أمان المشكلة اني متزوجة لي سنه ونص وأنا إنسانه مؤ ناقصه مشاكل ونحب بعض انا وزوجي
ادري بتقولون اني الغلطانه عشان ارد علئ اتصالاته وقتها كنت على نياتي وفي اتصالاته كان يسأل عن ولده بس اللي شككني أوه زودها وحسيته انه مؤ طبيعي
وربي ذاك اليوم مانمت زين من كثر الصدمة لانه بعد اتصل آخر الليل وولده كان معه وهذا الشي اللي شككني أكثر بس ماردين عليه
وعلى طول رحت الواتس وأعطيته حظر
ومره بعد شهرين كنت في بيتي وزوجي كان برا تفاجأت أن زوج أختي يتصل هو رقمه مؤ مسجل عندي على فكرا
بس حفظت آخر الأرقام وقلت يمكن أختي المتصلة ورديت انصدمت انه هو مسوي نفسه غلطان وبعد مافقل قعدت ادعي أن ربي يفكني من شره
قلت وربي لو اتصل مره ثانيه راح اخبر زوجي من اللي قاعد يسويه وراح أخلي يندم من تصرفاته المنحطة
والحمد لله من بعدها ما اتصلت

انا أبي اعرف ليه يسوي كذا وأنا أخت زوجته ومتزوجة بعد أكيد ما يرضى أن احد يزعج زوجته بنيه وسخه
وبنت عمي مره خايفه عليها هي باقي ماخلصت المدرسة تقول خايفه يأخذ رقمي من جوال أخته تقول مره ما اقدر أنام من الصدمه
لو أقول لا أختي عن زوجها أكيد من الصدمه ما تصدقني وابسط شئ تطلبه الطلاق
أختي تلبس له وبيتها دائم نظيف ومهتمه بزوجها ومو مقصره معه وهو بعد
بس ليه الخيااااااانه ؟

سوري طولت عليكم وش الحل معاه

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممممممممممممممممممممم *.*
كان من الأفضل تذكري انج طرحتي المشكلة من قبل عشان ما نشك بالنوايا

مصدومه من زوج اختي

نصيحتي لج لمحي لاختج بان تنتبه على زوجها
وقولي لها انه ريلج ما يرضى ويتضابج اذا اتصلت عليج من رقم ريلها ورمستيها
وانتي غيري رقمج وخلي تواصلج ويا اختج وعن طريق تلفونها بس
وبالنسبة لبنت عمج اختج غلطانة حتى لو بنت عمج ساترة نفسها >>> ابليس بعده ما مات
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

حبيبتي حاولي لو انتي فعلا تحبين أختك ماتخلينها مغفله لسبب انك ماتبين مشاكل هدي مو طريقه هدي أسلوب المسلسلات انك تخبي وأيش اسوي ومدري ايش لغاية الحلقه الأخيرة يصير اللي مو متوقع وتكبر السالفه
أختك أول إنسانه من حقها تعرف حقيقه زوجها
ثانيا زوجك
إذا جاتك أي حركة أو معاكسه خبري زوجك وهو يتفاهم معاه رجال لرجال
والظاهر هو إنسان عارف ببرودكم وألا ماكان رامي زوجته وأبوك وزوجك ورا ظهره


__________________________________________________ __________

ايييييييوه انا مع لاخت مناكير وردي كفو عليج كلامج عدل


__________________________________________________ __________

ببساطة علمي أبوك
بكرة لا طاحوا عليه يغمز لك محد بيصدق ان مابينكم شي
جعل عيونه تخفس الحقير


__________________________________________________ __________

لا حبيبتي انا من رايي لاتقهري اختك ولا شي مسكينه وهي قايمه بكل واجباتها ومو مقصره وش ذنبها تنصدم فيه
الحل الصح....



امسكي والدك وعمك انتي وبنت عمك وعلموهم الموضوع لكن من دون ماتدري اختك وخليهم ينادونه بكل سريه ومن دون ماتحس المسكينه ويسفلون فيه ويربونه وانه لو سوى هالحركات مره ثانيه عقابه ماراح يكون هين وقح نجس مايستحي على وجهه الي خلاه يتمادى هو سكوتكم عليه خليك قويه...مو شرط يعرف احد الا انتي وبنت عمك وعمك وابوك واذا عندكم اخوان يخاف منهم وممكن مايكبرون المشكله بتهورهم وصدقيني بيحتقر نفسه ويكره هذاك اليوم سوى فيه هالحركات