عنوان الموضوع : زوجه ابوي الظالمه .ساعدوني -تم الاجابة
مقدم من طرف منتديات نساء الجزائر

زوجه ابوي الظالمه .ساعدوني



انا حابه افضفض لكم شوي واتمنى احد يسمعني ويفهمني بقولكم قصتي وابي رايكم محاتجه احد يواسيني انا امي مطلقه اكثر من عشر سنوات عندي اربع خوات من امي وابوي حنا اربع بنات ابوي اول مطلق امي تروج على طول جاه خمس اولاد وبنتين هذولي خواني من ابوي امي من طلقها رفضت تتزوج عايشه في بيت جدي اللي هو ابوها ماتزوجت على امل انه نسكن عندها بيوم من لايام ابوي طبعا مانعنا منعا باتا نزور امي حتى بالعيد مايخلينا نزورها دايم خوالي يتهاوشون معه بس مافي فايده يكره امي وتصدقون امي مافي حرمه تحملت اللي امي تحملته من ابوي كان يوميا يضربها واهانات بدون سبب لان ابوي كان مجبور على زواجه من امي كان مايبيها بس جدي ابو ابوي غصبه على امي عشان كذا يكره امي الى اليوم هذا مايواطنها مع ان امي طيبه وكانت تتحمل اهاناته بس عشاني وعشان خواتي انا اكبر خواتي دايم اترجاه بروح لها تخبرون العيد قرب ودي اعيد عندها قسم سطرني كف وقالب نقلعي بس انا ادري مو منه من زوجته الحقيره انا سمعتها تقوله لاتخليهن يروحن لمهن تقصدني انا وخواتي مع اني مدري ليه تكرهنا قسم مثل شغالات عندها نرتب غرفتها طبخ ونفخ وحتى ملابسه نغسلهن له وذا مغسلنا ولا طعناها تكفخنا وتعلم ابوي ويجي ابوي بالعقال ويضربنا انا وخواتي بنات والله صارت بي حاله نفسيه احيانا اذا جلست بغرفتي اسولف مع نفسي قسم بالله مكذب عليكم حتى مستقبل مالي فاقده حنان الاب والام بحياتي مسمعت كلمه حلوه من احد ودي احد يمدحني لو بالكذب حتى جوالي ابوي خذاه زوجت ابوي تقول بنتك تغازل واخذ جوالي وكفخني مع انه مسمعني ولا عطاني مجال ادافع عن نفسي اصغر خواتي رايحه ثاني متوسط زوجت ابوي مسلمتها تربيه بناتها اثنين لانها جابت توائم اختي اللي توكلهم وتشربهم وانتم بكرامه حتى الحفاظه هي اللي تغيرلهن وذا بكو وصاحو اذا سالتهم امهم يبكون زياده اذا شالتهم اختي يسكتون انا زعلانه على خواتي مابيهم ينشغلون الا بدراستهم لان تخبرون مابقى شي ع المدرسه اخاف زوجت ابوي تسوي فيهم مثل ماسوت فيني لانها فصلتني من المدرسه من يوم كنت ثالث متوسط يعني لو انا دارسه كانت هاذي اخر سنه لي واتخرج معلمه بس الله يسامحها رفضت قالت لابوي دلال مابيها تدرس ابيها تقابل المطبخ تسوي الغدى انا حامل وماقدر وابوي قالي اجلسي مافي دراسه ااخ مستقبلي تدمر لا شهاده مثل الناس ولا اهل مثل الناس انا احاول امسك شغل البيت كله عشان متفصل خواتي مابيهم يصيرون مثلي انا خدامه بلا اجر انا راضيه اصير خدامه ولي راتب ماتخليه يعطينا نفلوس نشتري تخبرون العيد قرب قسم بالله معطاني ولا ريال حتى خواتي اختي الصغيره جلست تبكي تبي ملابس وابتلشت فيها حرام تبي تعيد مثل البنات تشوف بنات عمامنا كلهن كاشخات تنقهر وتتحسر المهم خذيت جوال اخوي الصغير وهو مايدري دقيت على خالي قلت له نبي ملابس قول امي تشتري لنا وترسلهم لبيتنا وانت جيبهم المهم ع اساس اليوم يجيبهم عاد زوجه ابوي راحت للرياض شرت ملابس ورجعت واكتشفت ابوي معطيها سبع الاف وحنا يابناته لو ريال معطانه انا ماهمني نفسي انا بطقاق اهم شي خواتي ولا مهم يكون عندي مستقبل وشهااده انا مو مهم خواتي اهم ابيهم يصيرون شي كبير مابي الدنيا تلعب فيهم مثلي انا معاي متوسط بس ماقول الا حسبي الله ونعم الوكيل على اللي كان السبب مستاقات امي حيل صار لي ثمن شهور مشفتها دايم تجي عند بيتنا ومرت ابوي وابوي يطردونها وحنا نصيح بالحوش ولا يهمهم في وحده من خواتي اللي اصغر مني مره كانو خوات زوجه ابوي عندنا بالبيت قالت اختي صبي قهوه واختي بالخطا طاح الفنجان على تنوره اخت زوجه ابوي قسم سطرتها كف قدامهم يوم راحو جابت مقص وقصت شعرها ولد جيت بظربها الا ابوي جاء وكمل علي في العقال مع انه مو فاهم سالفه بس دايم واقف معاها انا اللي خايفه منه تفصل خواتي من مدرسه لان امس قالن نبي نودي مراييلنا نفصلهم عند الخياط قالت اختي انقلعي مافي دراسه مافي اهم شي تعرفون تقرون وتكتبون وش اسوي معاها لاتقولون كلمي ابوك لان من المستحيل التفاهم معه قسم لو ماخاف ربي احط له سم بالاكل ونريحها ونرتاح انا مثل مقلت لكم بطقاق مهمني نفسي اهم شي كيف اخلي ابوي يقتنع يوافق على دراسه خواتي وشلون اقدر اشوف امي باالعيد قالي حريمتك شوفتها ابوي مينفق علينا ولا يرضى خوالي يعطونا مصروف لو حنا عايشات عند خوالي منا مدلالت بس الحظ ردي طيحنا بحيه رقطى شسوي ياخواتي فيني هم لايعلم بوه الا الواحد الاحد كل اللي يشوفني ينصدم يقولي له انتي كذا صايره تخرعين ونحفانه ااخ بلاهم ميدرون خلوها بالقلب تجرح لاتطلع برا وتفضح ابي اضمن مستقبل خواتي لازم اسوي شي مالي راي ابدا ضرب واهانات يوميا فتره رمضان فطور وسحور وغسيل مواعين وغسيل ملابس وكوي وتنظيف كله انا اسويه تبون اجلس مثل اي وحده ع تلفزيون وشوف مسلسلات اصلن اذا زوجته ابوي شافتني على تلفزيون تفضحني فضيحه انا وخواتي اذا حطينا الفطور مناكل معهم ناكل بالمطبخ ممنوع ناكل في غير المطبخ اصلن انا ماعمري حسيت اني بنت احس اني ام مسئوله عن ثلاث بنات خواتي يستشيرني بكل صغيره وكبيره ماعمري حسبت براحه البال مادري من وين الاقيها من ابوي واهانته ولا من زوجته وظربها ولا من امي اللي بحسرتنا شوفته ولا تفكيري في مستقبلني انا مالي داعي بالحياه لو انا لو اموت ابرك لي على الاقل اكون مرتاحه البال طول عمري نكد في نكد مطلعت من البيت اكثر من خمس اشهر ولا عندي صديقات مانعيني اطلع وذا طلعت ياللمستشفى او صيدليه غير كذا مافيه امنيه حياتي اموت بالعيد خلي زوجه ابوي يصير عندها العيد عيدين عيد الفطر وعيد موتي مليت من الدنيا لامستقبل ولا شي ينتظرني انا زباله انا خادمه لااكثر ولا اقل

اسفه اني طولت عليكم .. وارجو من الاداره تنزل الموضوع لاهنتو.

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممممممممممممممممممم *.*
قطعتي قلبي والله
حسبي الله ونعم الوكيل على كل ظالم
انا اقول خذي خواتج وروحي عند امج دام انها ما تزوجت اتوقع المفروض تكونو عندها
او اطلبي من خوالج يرفعون عليه قضية وياخذوكم منه بالقوة دام الطيب مب نافع وياه
ربي يفرج كربج
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

حسبي الله ونعم الوكيل فيها ربي ينتقم منها ومن ابوكي
ليش ماتخلو خالكم يمر عليكم وهوا مو موجود ولا اخر الليل وتشردو عند
امك؟؟ واذا جا ياويلكم ترجعو معاه واتصلو عالشرطه اذا هددكم
واذا اشتكى قولو انو طلعكم من المدرسه وكل يوم ضرب ومخليكم تشتغلو
عن زوجتو .. وربي اكتب وانا قلبي محروق احس ابغى اشوفو هوا وزوجتو
حسبي الله فيهم !!!!


__________________________________________________ __________

حسسسبي الله ونعممم الوكيييل
الله يصبرك وارفعي قضيه عليهمحسسسب


__________________________________________________ __________

الله ينتقم منهااااااااااااا
حياتي والله هاي الدنيا ما بدون لحدا رح ياجي يوم كل شيء ينقلب عليهم بس ضلك ادعي ربنا يفرجها عليكم


__________________________________________________ __________

انتي سكرانه ..!

اصبري علي اعلمك وشلون ..!

.

.

شوفي ياقلبي .. صح انها ظالمتك ومعذبتك وهالكتك انتي وخواتك ..!

بس انتي مو مره خلاص تقولين انك زبالة ومالك مستقبل وبتنتحرين ..!

اذا احد غلط عليك ليش انتي بعد تغلطين على روحك ..!

بذي انتي سكرانه فيه احد يخبل بنفسه ويسبها .. امدحي نفسك على طيبتك وانك اكرم منهم معاهم وانك حريصة على خواتك وتاخفين ربك ..!

مو مثلها .. وانتي افضل منها وربة بيت وراعية مسؤولية مو مثل غيرك ..!

معقول ماشفتي هالشيء بنفسك وركزتي على السلبي ..!

بكذا بتاخذين سنة سنتين بعدين طب نفسي ومحد مخبلك غير نفسك ..!

خالتك صح كريهة وتحاول تغثك بكل شيء وتذيك وتخبل فيك .. بس انتي ليش تسمحين لها ليش ؟ ليش تسمحين ان كلامها وفعايلها اللي برا تدخل جواك وتنتقدك من داخلك ..!

هذا رجاها انك تصيرين مو زينة مو افضل قدام ابوك و الناس وانتي على العكس ..!

شوفي اذا قالت كلي بالمطبخ ونظفي بصوت مستفز يخليك ودك تذبحينها .. قولي حاضر على امرك خالتي .. خليها تحس بحقارتها وانها ظالمة ولا تعاندينها خليك معاها معاها
هي بعدها بتحس وتعاملك زين ..!

ابوك نفس الشيء خلي طلباته اومر واذا طلب منك شيء روحي بسرعة واذا طلب من خواتك شيء خليهم يروحون بسرعة .. !

لا يشوفون منك زلة ..!

وبعدها اشكي لابوك قولي يبه حنا بناتك مثل عيالك نبي نحس بالعائلة وناكل معاكم ليش تخلينا مثل الخدم ناكل بالمطبخ واحنا بناتك مالنا غيرك يحن علينا ويهتم فينا ويراعينا (بحنية وضيق ) .. بيسمع منكم مو بنقار وهواش وصياح ما بينفع ..!

وقت الاعياد والمناسبات قولي له يبه كل الناس يزورون ويشوفون امهاتهم الا حنا كأننا ايتام وهي عايشة خلينا نشوفها لو هالمرة الله يخليك وكذا استمري ادعي ادعي له بصدق وحبي يدينه وراسه بكل ما تشوفينه مو بس بطلباتك ..!

واتحداك اذا ماحن او رضى عليكم وصارت المعاملة احسن ..!

ادعي ربك والله بييسر عليكم .. وخواتك اذا قالت خالتك لا لا يدرسون قولي يبه منعتني وانا بخدمها ما بنقص شيء بس خواتي خلهم يدرسون وانتي الله يعينك ادخلي تحفيظ واحفظي قرآن لو بالبيت وتروحين تسمعين والله بيفرج عليك اكيد .. حفظ القرآن نور لصاحبه واذا شخص خطبك وتزوجتيه تقدرين تفتحين حضانة او تحفيظ قرآن مو شرط دراسة لان القرآن احسن من الدراسة ..!

وخالتك لا تخبل فيك وتصدقين كوني داعمة لنفسك ولخواتك مالهم غيرك لا تنهارين على طول شدي حيلك .. ولا تخلين اي شيء يهدمك ..!

الله يحفظك وييسر لك ويحفظ خواتك وامك وابوك وكل اهلك ومن تحبين والجميع يارب

الحمد الله .. احمدي ربك على كل الاحوال ..!
والله يحفظ لي امي وابوي واخواني وخواتي وخالتي (زوجة ابوي) ويرزقها بالذرية الصالحة ويشفي امها وجدتي

وجميع المرضى

+

كوني صادقة حتى بدعائك لهم ..!

بصدقك واحسانك ربي بيرزقك ..!

والله ما بتندمين .. انا من المغرب ابكي ** لسبب متعلق فيني بس دموعي راحت من دعيت ربي بصدق وإنزاح همي ..!

ربك والله كريم كريييييييم .. اكرم من البشر ..!

اشكي له والله مابيرد دعوة مظلوم .. قولي يارب اني سامحتهم يارب منّ علينا برحمتك وارحمنا وارزقنا من عندك ويسر لي دراستي ويسر لاخواتك وادعي يحنن قلوبهم عليك والله اللي يسامح تنفرج له همومه سامحي وشوفي ..!

يقال ؛

عندما تحاول السيطرة على حياتك .. تفقد التحكم بها
وكلما كنت أكثر تسليما .. كلما كنت أكثر تحكما !!

لاجل كذا اقولك طيعيهم وقولي لهم امركم .. لانك بتقدرين تتحكمين في حياتك اكثر من انك تعارضين وماتقدرين تسيطرين على شيء ..!


اسال الله ان يفرج عليك همك وهم كل مهموم كما افرجه عنــي ..!