عنوان الموضوع : شو الحل ؟ -تم الاجابة
مقدم من طرف منتديات نساء الجزائر

شو الحل ؟



اهلا بنات...

انا عندي مشكلة مضايقتني وايد ومنكدة عيشتي أولا انا ولله الحمد والله مب دلع بس والله انا جميلة جدا وكل من يشوفني يقول لي جي والي يقول لي يا حظ الي بيضويج(يعني يتزوجني)..فكلامهم كان مررة يفرحني ويعزز من ثقتي من نفسي وحتى أختي تقول (اذا انا اشوفح اربع وعشرين ساعة ومامليت من شوفة ويهج كيف بريلج )طبعا كنت استانس وكانوا وايد ييوني خطاطيب ,وكان ابوي يرفض لان بعدي بالكلية وكان عمري 19 وكان يقول بعدي صغيرة وفي واحد من الخطاطيب كان من جيرانا بس مب مررره يعني بس كنا نشوفهم ويشوفونا ونزورهم بالمناسبااات .. ويزورونا وكذا مرة اشوف اخوهم وهو عمرره ع حسب كلام اخوي 29 ,خطبني وابوي رفض لانه يقول ان فارق العمر وايد كبير مع انه فرق العمر عادي جدا ومب وايد كبير بس انا ماعترضت وماقلت شي لاني اصلا ماعرفه وايد ومادام ابوي مب موافق فأنا اكيد مابي اعصي ابوي ,وبنفس اليوم الي أبوي بلغهم رفضنا في الليل ياني اتصال من رقم غريب طبعا مارديت واتصل ومارديت وظل يتصل وانا مارد للارقام الغريبة عقب طرش مسسج وكتب (فلانة انا أعرفج واباج بكلمة راس ضرورية )لاحظوا لين الحين ماعرفت منو هااه بس مع هذا ردييت وسمعت بعدها حس ريال قلبي وقف بس ظليت ساكته قعد يقول يافلانه يافلاانه انا فلان ولد فلان وابا اقولج شي ,,, انا هني عصبت قلت شلون تتجرأ تتصل وانا ماقرب لك شي والخ , قال انا احبج والله احببج من وانتي عمرج 15 وانا احبج واقول هاي مابتكون الا لي ..مابتكون لغيري,صبرت لج 5 سنين وانا اتخيل اللحظة الي بتجمعنا مع بعض وظل يرمس ويرمس وعقب انا قلت له مابينا نصيب واظني عيب تتصل علي هني قعد يصييح ويقولي انا ادري انتي حاطة فبالج انا من ها الشباب بس والله لا والله مارمسست ولابنت بس لاني أحس اني اخونج اذا رمستهم وكان يرمسني وهو يصيح والله وصوته فيه حشرجة ,,انا استغربت لها الدرجة يحبني ..؟؟ وانا اول مرة اسمع ريال يصيح ، كنت بجذبه وبقول ها مايصيح بس والله الي بيسمع صوته بيقول والله يصيح بس ماقلت له شي وسكرت الخط بعدها بأسبووع رد خطبني وابوي شكله سوى اعادة نظر للموضوووع وهو بعد ريال مصلي ومسمي وماعليه حركات وعنده وظيفة حلوة وخصوصا عمي وايد كان يقنع ابوي عليه على حسب كلام امي وشكله اقتنع وعقب فترة ابوي يا رمسسني وجي وانا قلت له بصلي استخارة وجي ,والي احرجني ان ابوي برووحه يا رمسسني كنت برفض لو أمي ييت لانه حتى لو يحبني جان مارضاها علي يتصل علي فليل الساعة 12 وبعدين يمكن هو ماحب الا شكلي ..؟ لانه اصلا مايعرفني,,بس صليت استخارة وماتدرون شكثر ارتحت وكنت احس اني فرحانة وايد ؟؟ وعقبها وافقت طبعا ومرت فترة الملكة وما أنكر انها كان احلى فترة بحياتي و بليلة عرسنا يوم صرنا بروحنا كان وايد مستانس والفرحة باينه فعيونه وهو يقولي والله مو مصدق انج جدامي وحلالي والله احببج والله ولو انج لو ماوافقتي ماكنت اعتبر ان لي حيااة اساسا بدونج اعتبر ميت وطبعا انا وايد وايد استناست ان عندي ريل يحبني ومرت فترة سسنة ونص وهو عمره حاليا 30 وانا 20 والمشكلة طبعا هني انه وايد يغاااار علي واااااااااااايد أحيانا ينتفض من العصبية وفي مرة كان موديني السوق ففي واحد محل كان راعيه عيووز مصري قلت له انا ابي بخور ف رد علي المصري قال لي (الله ياست هو انتي بتتكلمي ولابتغردي ) زوجي كان واقف وياي طبعا ماقال شي بس عطاه نظرة المصري مسكين وفهمها المهم ردينا البييت وعقد يصارخ علي ويقول مرة ثانية لاترمسين قولي لي شو تبين وانا برمسهم هااه مايفهم قلت له لا والله لا عاد مب لهاي الدرجة ماتخليني حتى ارمس مالك حق تمنعني قال لي انتي لي انا زوجتي ملكي انا وبمنعج لانج زووجتي ..انا ماعيبتني سالفة نبرة التملك هاي قلت له ترا انا زوجتك مب عبدة لك وكانت هاي مرة من المئات الي يغار علي فيها ,, وانا قلت له انا ماستحمل جي كل يوم مشااكل مع ان فترة زواجنا سنة ونص بس والله بهاي السنة ونص ياما شفت مواقف ومواقف غيرة منه حتى بشهر العسل مع انه مدلعني بس واييييييد غيور .. المهم فأنا رديت له وقلت وانت بعد ياما شفت نغزات بنات يطوفون جدامك وحركاتهم ماغرت عليك ولا سويت شي ولا مشكلة وانت كل يوم مشاكل ومشاكل(للعلم زوجي وسسيم ماشاءالله عليه) وانت وايد تحرجني عند الناس بغيرتك هاي , ,هني انا زغت لما شفت عيونه حمر وويهم قلب احمر من العصبية ,قالي شلوون ماتستحملين هاي العيشة تبين تتركيني ..؟؟ تبين تتركيني انا هاااه وعقد يصررخ جي وانا كنت ابعد عنه وهو يقرب وابعد وهو يقرب الين ماوصلت للطوفة ..هني قرب من اذني وهو هدأ نوعا ما وقالي بصوت رقيق (ما أسمح لج تتركيني أنتي لي أنا أحــــــــــبـــــــج افهميني الله يخليج ) انا قلت له وانا خذيتها فرصة افهمه قلت له ياحبيبي انا ماقلت بترركك ابدا بس مايصير جي كل مرة مشكلة مافي شي يستحق انك تسوي له مشكلة ... مضت السالفة ع خير ويوم حزة الرقاد والله شفته يهدي ويون وهو راقد وهو يقول لي والله ما اسمح لج تتركيني بقتلج لو تركتيني بقتلج قبل ماتصيرين لغيري بتقلج قبل مايستقبلج حضن غير حضني والله مابخليج تتركيني انا احببج والله احبج ) انا والله يونسني ها الكلام ومنو ماتتمني زوجها مايحبها ؟؟ بس المشكلة هنيه انه وايد يحب التملك والله يخرعني يوم يقول بيقتلني قبل ماتركه .. اخاف يوم واحد من الغيرة يقوم يقتلني انا ابا احس بالامان هو وايد يحبني وما انكر بس كلامه ابد مايطمن وخصوصا في مرة كان ماسكني فليل ومايبي يفلتني وهو راقد يعني مب حاس فعمره اظافره غرست في ايدي وتركت علامات ووايد يصير جي ... هو مدلعني ويقولي كلام حب ولا مرة حتى مد أيده علي بس المشكلة غيرته وتملكه ولاعصب كلامه يخرررع يغار حتى والله لو اشوف تلفزيون ويطلع واحد حلو يقولي ها اشوفج مبحلقة فيه؟ يعني ابدا مب لها الدرجة ..ساعدوني ابا افتك من هاي الغيرة اصلا من يومها يعني من يوم الضرابة من عند المصري وهو يقولي مستحيل اخليج تتركيني ..هل هو مريض نفسي ولاعادي؟ والله العظيم اخاف منه احيانا ,اخاف منه بالوقت الي يغرقني كلام حب لانه وايد يقولي بذبحج لو تركتيني ... ساعدوني كيف افهمه كيف اخليه يخفف غيررة وهل تنصحوني انصحه يستشير دكتور نفسي ؟؟ والله حتى اهلي ماقدر ابيت عندهم مايخليني يقولي ماخليج تبيتين بعيد عن حضني انا والله استانس بس مابيه يخنقني لها الدرجة اباه يفك عني شوي ابا ايلس عند اهلي ..علما هو دوامه من الصبح لين االساعة 3 بوقتها عادي اروح لهم بس انا ابا ابات عندهم بعد .. دخيلكم ساعدوني كيف اخليه يفك عني شوي ويخفف غيررة ومن كلامه الي يخوف ؟؟ والله اي مرة تستانس ان زوجها يحبها وايد بس مو لهاي الدرجة والله انا مستغربة من واحد بالثلاثين يتصرف جي بتملك ؟ اظني انتو فهمتوا من القصة كلها انه شخص متملك فهل ها الشي طبيعي ولا ؟ وهل تعتقدون هو يتصرف بملكية لاني بالبداية رفضته لاني مرة قلت له ليش تتصرف جي بملكية ضحك وقالي والله كله منج من يوم مارفضتيني وانا مثل المجنون وانا اتخيلج تروحين لغيري وايلس اقول لنفسي بتروح لغيري بتروح لغيري...مع اني رفضته بس لان ابوي رفض طبعا ابوي شخصيته قوية وما أتجرا اكاسره
يمكن البعض يشوف ماله داعي اذكر هاي التفاصيل بس والله حبيت افضفض ومنها توضح لكم الصورة وسبب تملكه ها الي والله مسبب لي أزمة

الله يخليكم ساعدوني كيف اخفف طبع الغيور واخليه يفك عني شوي ويخفف طبع الغيرة وابي افهمه ان لما يقولي بذبحج وجي فهو يزيغني بس اخاف اواجهه يطلع يرمس جد هني صج قلبي بيوقف ..لانه اكيد يوم يقولي بذبحج فها تعبير لغيرته فقط صح ؟؟
والله الموضوع مسبب لي ازمة وبدون غيرته والله بكون مرتاااحة بس هو يأخذ الموضوع بحسااسية ويقول اني انا ابا الفكة منه ولا اني ماحبه عشان جي ماتحمل غيرته ؟؟؟؟ بالله شو ها التفكيرة الي يفكر فيه

ادري وايد طولت بس والله محتاجة مساعدة ابا اعرف هل اهو طبيعي ام لا
يا ادارة نزلي الموضوووع

>>>>> ردود الأعضـــــــــــــــــــاء على الموضوع <<<<<
==================================


عاد في فرق بين الحب وبين التملك ..

وكل شي له حدود

بما ان ابوك شخصيته قوية قولي لزوجك انك تبغين تروحين لاهلك وقولي لابوك كل شي وخلي ابوكي هو الي يتصرف..


__________________________________________________ __________

نيالك على ها الزوج شكله وايد يحبج ومو مستحمل فكرة فراقج

ان شاءالله الاخوات بيفيدونج


__________________________________________________ __________

ياريت ماتدخليش الاهل فى الحكاية دى


__________________________________________________ __________

الله يعينيك


__________________________________________________ __________

والله راي ان المره لما تتزوج تبات في بيت زوجها يعني ماله داعي تبات ببيت اهلها هي صارت متزوجه عادي تزورهم بس مو ضروري تبات