عنوان الموضوع : حزينه على اخوي مجابة
مقدم من طرف منتديات نساء الجزائر

حزينه على اخوي



السلام عليكم..
اخوي من صغره وهو يحب البلاي ستيشن و 24 ساعه يلعب فيه لدرجة احيانا مايروح الحمام الله يكرمكم ..اهلي الله يهديهم اشتروا له لاب توب وهو بسادس ابتدائي بس يعني من زمان اهون عالأقل كنا نشوفه الحين بس حابس نفسه بالغرفه يتغدا يتعشا بالغرفه سافرنا بهالإجازه وماسافر معنا عشان يجلس عند النت ..عنده لعبه بالنت مكون فيها صداقات ويسولف معهم بالمايك وينبسط معهم ..
انا احس ان اخوي حساس مره يعني كيف اقولكم ..يعني وهو صغير تأثر بالأشياء اللي تضايقه ..وهو صغير كان دب واخواني يتريقوا عليه واذا تكلم ضحكوا وامي دلعته بزياده لدرجة صار ينضرب بالمدرسه ومايدافع عن نفسه والا عيال حارتنا اذا طلع يلعب معهم كوره يتضاربون معه ويرجع يدخل البيت ..وانا احب اجلس مع اختي كثير بس مرات اجلس معاه واتحمل يعني هو يحب الكراتين والألعاب الالكترونيه وانا ماحب هالاشياء بس عشانه اجلس..هو اصغر مني ب3سنين ....
احيانا يأنبني ضميري اذا تجاهلته ..مريت بفتره يوم تخرجت من الثانوي ابوي غصبني ادخل قسم بالجامعه انا اكرهه وانا عنيده وحساسه واذا احد اجبرني على شي احس انه يكسرني من جوا بعدها حبست نفسي طول الاجازه 3 شهور بالغرفه وبس اجلس بالظلام واخوي يجي يدق علي الباب يقول وش فيك انتي بسجن قلت له ماابي اطلع ..بعدها لقى ذي اللعبه بالنت حسبي الله على اللي اخترعها وماصار يكلمنا احسه صار يكرهنا ...مدري مرات احس اني اثرت على اخوي وانا مو حاسه ويأنبني ضميري لأنه يحب يسوي مثلي حتى دخل مثل تخصصي بالجامعه ...بس انقبل لسه مادرس انا خايفه تبدا الدراسه وهو على هالوضع ...
مدري اساعد اخوي والا اساعد نفسي متأزمين من يوم حنا صغار عشنا مع اخواني من ابوي الكريهين وحبينا الشغالات وتعلقنا فيهم وامي وابوي مايسألوا عنا بس اذا سوينا شي غلط طلعوا وضربونا ...انا عجزت افهم اخوي يكره يطلع من البيت يكره يروح النادي ..يوم سوينا له حفله لتخرجه جلس معنا 5 دقايق وقام حتى ماأكل من الكيكه وراح يكلم اصدقائه بالنت ....انا قصدي ليه مايتحمل وينعزل عن العالم مفروض يواجه الناس ويطلع من غرفته ....انا كان يضربني وانا صغيره وعادي ماازعل منه وابوي يضربني بعد وعادي حتى لو الناس كلهم تكرهني رح استمر بحياتي واحاول انبسط بأي شي صغير ....لكن هو ليش يسوي بنفسه كذا بعدين اذا استوعب يتندم عالسنوات اللي ضيعها من حياته .....انا كانت اختي شقيقتي مع اختي من ابوي يقفلون على نفسهم بالغرفه ويسولفوا ويخلوني لحالي وجلست كذا بغرفتي لحالي سنه وبعدين تندمت اني ضيعت سنه من حياتي على ناس تافهين وقلت ليتني جلست مع جدتي اللي تحبني الله يرحمها ليش كنت مسويه بنفسي كذا .......
حنا الحين بالبيت امي وابوي واخوي واختي الكبار وانا واخوي الصغير بس ..ولحد فينا يسأل عن الثاني ..ابوي ينبسط اذا شافنا حابسين نفسنا بالغرف واذا جلسنا بالصاله ونناظر بالتلفزيون قام يطفيه ويطفي اللمبات ....اكره ابوي واكره اهلي كلللهم ..بس هذا اخوي الوحيد اللي ابيه ينبسط بحياته ماابيه يضيعها وهو حابس نفسه

>>>>> ردود الأعضـــــــــــــــــــاء على الموضوع <<<<<
==================================


رررفع

ان شاءالله الاخوووات يسسسساااعدوووونككك


__________________________________________________ __________

طيب انتي اذا تأثرين عليه حاولي تتكلمين معه تغيرين من جوه لان وضعه مو طبيعي


الله يهدييه ويصلح حالكم يارب


__________________________________________________ __________

فعلا لازم لازم تساعديه تخرجي معاه سوق اي مكان يحب يروح له انتي اشغليه بشي واذ مره زايد حاله الغو النت عنوه ترا راح تجيه عقده نفسيه وبعد كذا ماتقدرو تسوي شي


__________________________________________________ __________

يا قلبي حاولي جلسي وياه وانصحيه احس انه متقبلج انتي
فخليج مصدر تأثير عليه بقربج منه وابدئ نصاحج بطريقه جذابه يتفهمها
واتوقع علي الاكثر انه يكون محتاج طبيب نفسي
بس انتي قربي منه وانصحيه وان شااءالله مووووووووفقه بأذن الله


__________________________________________________ __________

رفع