عنوان الموضوع : انتظاري الطويل وصدمتي بحكي امي
مقدم من طرف منتديات نساء الجزائر

انتظاري الطويل وصدمتي بحكي امي



السلام عليكم
عيد سعيد عالجميع وكل عام وانتم بصحه وعافيه ..❤️

راح ابدا بالموضوع عـ طول
انا بنت عمري 23 سنه باقي لي ترم واتخرج .. على قدر من الجمال
مع هذا ماقد تقدم لي احد اللهم اجعل بالامر خيره
اروح المناسبات والكل يسال عني يحاكون الوالده ياخذون الرقم .. ولا نشوف اي اتصال ..!
كثير يقولون نذكرك الناس يستاهلون ماجاكم احد ! وبعد مانشوف شي
متفائله بربي وعندي امل ان اللي ابغاه بيكون الحمدلله ماقد سويت الغلط ومحافظه على نفسي عشان ابي زوج محافظ
بس ابليس شاطر اوقات يلعب براسي واتعوذ منه
ودايما اسال نفسي وش السبب هروب الناس مني
واليوم الوالده معصبه وكان فيه نقاش حاد وزلت لسانها قالت كلكم راح تجلسون ماحد منكم بيتزوج حنا 4 بنات ورا بعض وكلهم اصغر مني سالتها ش السبب قالت الناس يسالون عن ابوك بعدها مايبغون يناسبونه والسبب لسانه طويل مع الناس وعصبي ومايصلي كيف الناس يبغون بناته وهو كذا
جتني صدمه اول مره اعرف عن ابوي كذا
جرحتني كلمتها واجد ماحد يبغاكم
وربي وربكم كثير يقولون يابخت من راح ياخذك - انتي مافيه مثلك - خوالي عمومتي الرجال يقولون ربي يكثر من امثالك مافيه مثلك .. ليه واخرتها امي تقول ماحد يبغاكم جاني احباط فضيع الوالده تقول كذا نزعت مني كل املي انا مثلي مثل باقي البنات ابغى زوج وذريه واستقر بس الحمدلله على كل حال
وبنات عايلتنا كلهم تزوجوا واللي باقي ماتزوجو زواجهم بشهر 10-11 واغلبهم اصغر مني ربي يوفقهم بس مليت كل من شافني ربي يرزقك انا مو اكبر الناس ليه المجتمع يحسسونك مسكتي طريق العنوسه !
انا اللي علي سويته
صنت نفسي عن الحرام - دعيت الروحي ب الزوج - حضرت مناسبات - فعلت بالاسباب والباقي على رب العالمين

كلمة امي لسى تتكرر باذاني ليه ماحد يبغانا
وممكن يكون كلامها صح عشان ابوي مايجيني احد !
ساعدوني ربي يوفقكم شسوي
وفيه احد ابوها كذا وتزوجو !

ربي يسعدكم ويفرجها عليكم واسوني بكرا فيه زواج وشايله هم كبير لناس عارفه الكل بيسال وبياخذون الرقم وبجلس انتظر وماشوف حاجه
تعبت من العيشه بذا الوضع
ودعواتكم لي انا وبنات المسلمين بالزوج
ترا مو كله شفقه على الزواج بس حنا بمجتمع يجبرك انك تحسين نفسك كبيره واهم شي بالحياة الزواج وتصيبنا ضيقه
لعل احد اقرب منزله مني عند الله ويستجيب مادعيتو لي فيه بظهر الغيب

>>>>> ردود الأعضـــــــــــــــــــاء على الموضوع <<<<<
==================================


سجلت عشانك ..
1. رزقك عند ربي ومارح تموتين الا وانت ماخذة رزقك كاااااااامل
2. اللي يبيك عشان شكلك بس ، فراقه خير لأن اشكالنا بتتغير
3. اللي يرفضك عشان أبوك ، فراقه خير لأن لو بيرضى وتفكيره كذا بيقلب حياتك جحيم
4. اذا انت بالرياض استفيدي من وحدة التوفيق بمؤسسة ابن باز الخيرية لتزويج الشباب
ومو لازم أحد يدري ، وهم يتعاملون من ناحية البنت بسرية
5. استخدمي الرقية والاغتسال بالسدر وهذا سبب لكن الأمر بيد ربك
6. والأهم ، اشتكي لله وافتقري له ، اطلبي ربك
ربنا اتنا في الدنيا حسنة وفي الاخرة حسنة وقنا عذاب النار
رب لا تذرني فردًا وانت ارحم الراحمين
ربنا هب لنا من ازواجنا وذرياتنا قرة اعين واجعلنا للمتقين امامًا
اللهم ارزقني الزوج الصالح والذرية الصالحة حسني الخلقة والخلق فوق ما اتمنى وخير مما اتمنى
اللهم صل وسلم على محمد وعلى اله وصحبه
لا اله الا انت سبحانك اني كنت من الظالمين
استغفر الله

هذي ادعية جمييييلة ، اللهم ارزقني الزوج .... الخ
هذا من عندي
خلي دعاءك غير محدد لان رزق ربي واااااااسع وربك كرييييييييييم


وتراك صغيرة لا تقلقين ، وماتدرين وش ربي مخبي لك ..

ربي يوفقنا واياك


__________________________________________________ __________

واضيف ، حسبي الله ونعم الوكيل

واقراي واسمعي كثيييير القران ، وكل ما يتحدث عن عظمة الله
حتى لو احد قال لك تراك مسحورة ومحسودة ومدري ايش ومارح تتزوجين
يقينك وعلمك بربك يخليك تطنشين هالكلام وتؤمنين بالله انه ما يخيبك

ولمن تدعين لاتنسين حظك من الاخرة ..
واستغني بالله عن الناس .. الناس زيييييك ضعفاااااء مسااااااكين فقرررررراء
ربك هو القوي الغني ذي الجبروت
وهو الجبار بيجبر كسرك ..


__________________________________________________ __________

عسى ربي يوفقك يالغلا
وانا اعرف بنات كثير ابوهم ليس مرغوب ومع ذلك تزوجن
والسبب جمالهن وأخلاقهن وحيائهن
وعسى ربي يرزقك بالزوج الصالح
وانتي من وين


__________________________________________________ __________

الحمدلله اللي كاتبه لك الله راح يجيك والله يكون بعونك
اختي صراحه البنت على امها اكيد فهمتي يعني البنت تكون نفس امها والولد برضوا على ابوه
الله يرزقك الزوج الصالح التقي ياارب


__________________________________________________ __________

اللهم ارزقها بزوج صالح عاجل غير اجل