عنوان الموضوع : اعطوني رايكم..؟ مجابة
مقدم من طرف منتديات نساء الجزائر

اعطوني رايكم..؟



السلام عليكم ورحمة الله وبركاته
انا بنت عمري 14 سنه رايحت لثالث متوسط
وحيده لي 3 اخوان ، اخواني ما اقدر اتكلم معهم واحد اكبر مني واثنين اصغر وامي ابداً ما تفكر تسولف معي .!! انا الحين بالبيت منعزله ما اروح لاحد ولا احد يجيني السبب اهلي وانتوا احكموا بنفسكم ؟
امي وابوي مدري كيف اقولها بس ابوي دايم يعصب وكل شي عنده بالغصب والضرب
طبعاً هو الله يخليه ما يضربنا بس قصدي اذا تهاوشوا اخواني يضربهم كلهم اطفال يعني لو يتفاهم معاهم احسن هذي مو مشكلة ، بس احسه مو زي باقي الاباء هو يصرف علينا بالاشياء الرئيسيه مثل الاكل والبس بعد مو يصرف الحاله مثلاً اذا سافرنا يقسم المبلغ بينه وبين امي ، امي تشتري كل اجهزتنا انا واخواني يعني جوالات ايباد واي شي اطلبه من امي تعطيني على طول ابوي كاني اشخذ منه مثلا قلت ابغى 10 ريال شوي صح .؟ يقول بعدين واذا عطاني احس انها مو من قلبه ومثل ما قلت احسه ظالم امي في المصروف يعني امي حرمه ما تصرف على عيالها الا شوي مواغلب الاشياء عليها
الحين انتهينا ممن ابوي
امي طيبه واحبها بس ولا عمرها تقربت مني ابداً ولا فكرت تكلمني انا الحين بلغت صار لي سنه ونص وهي ماتدري وانا ما قلت لاحد ، تحسسني اني انولدت عشان اشتغل تبغاني اسوي الفطور معاها ومع الشغاله انا والله احب اساعد بس فيني عاده ما احب احد يتأمرعلي حتى لو امي انا احب اتطوع من نفسي واساعد مو اشتغل ..!
واحسها تشك فيني احياناً يجوني اخواني يبون ايبادي اقولهم لا تقول ليش تقولي لا اكيد عندك شي ، واذا قفلت غرفتي لان اخواني يزعجوني مرره وتقول ليش تقفليها اكيد عندك شي مع ان امي معلمه
انتهينا من امي الحين اخواني
اخواني مدري كيف اوصفهم يحبوني و يكرهوني بنفس الوقت
يعني اذا كنا بالبيت يزعجوني و و و واكثر من مره يقولون ياليتك ولد او احنا نحب اخوي الكبير وما نحبك << ادري هذي كلها سخافات بس والله شكلهم يقهر و هم يقولونها مع اني احبهم و ارحمهم واي شي يطلبوه اعطيهم
المشكلة انا بنت طممووووحه اقول لامي ابغى اصير دكتوره لاني بجد احب اكون دكتوره واساعد الناس تقول لي لا بتصيرين معلمه مثل كل البنات ما عندنا بنات دكتورات .، الحمدلله ابوي موافق اني اصير ، واقول لهم ابغى اروح بعثه بعد الثانوي لتركيا لاني اقدر باذن الله لان نسبتي ما تقل عن 95٪ وممتازه مو مدح .. يجلسون يتمسخرون و الي يقول بقطع رجليك ..!
الحين نجي للبس اهلي من يوم وانا عمري 10 اتوقع البس قصير بس مو قصير مرا يعني اقصر شي لفوق الركبه مو للفخذ والبس معه شي ثقيل ويعصب ابوي من لبسي واخوي الي اكبر مني بسنتين بس المهم كنت البس الحين لما كبرت خصوصا بعمر 14 ما تلقون ملابس الا بالعافيه
يبغوني البس طويل انا ما عندي مانع بس ما القى طويل ويعجبني وتنقلب حالتي كل ما قرب العيد وانا ابغى اشكل مره طويل مرا قصير تحت الركبة انا اخاف ربي مابي البس للفخذ بدون شي تحته بس والله انقهر البنات بعمري عايشين حياتهم مو عن الملابس بس حياتهم احلى بكثير مع ان ماعندهم اجهزه الي اعرفهم ،، المشكلة ان فيه مشاكل بالعياله كثييرر تخيلوا خالاتي 2 بس صار لي اكثر من 4 سنوات ما شفتهم وعماني نادراً ما اشوفهم وانا في حياه لا احسد عليها .....
هذا من غير همومي الي اكبر من عمري بكثير ما تتوقعونها .!!
ترددت كثير قبل ما انزل الموضوع بس والله تعبت ابي اشوف اذا فيه احد زيي
رجاءاً ما ابي ردود تجرح و تقولوا عني دلوعه

>>>>> ردود الأعضـــــــــــــــــــاء على الموضوع <<<<<
==================================


رفع
.
.
سبحانك اللهم وبحمدك


__________________________________________________ __________

حبيبتي
كل عام وانتي بصحه وسلامه وينعاد علينا وعليك اعوام عديده ياقلبي
وضعك حلو وزين وهم يسوون كذا يبونك تصيرين بنت محتشمه ومستحيه
ادري مو وقت اللبس الطويل بس هم مايبون تتعودين وتصير عندك عاده
نجي لمسألة الاوامر أمك طلباتها أوامر وهي لما ترسلك للشغل قصدها عشان تتعلمين
الشغل كالطبخ والتنظيف وغيره ﻷن بكرا راح تتزوجي وماحد يقدر يساعدك
يعني لازم تكوني متعلمه للامور ذي وبالنسبه لبلوغك بعد الامهات ماتقدر تتكلم عن البلوغ حياء من ابنتها
وانتي ياقلبي كبري قلبك وعقلك وعيشي حياتك بسعاده مع اهلك
واي خدمه او استفسار انا اختك الثانيه يقلبي


__________________________________________________ __________

غاليتي
اذا لم تتحدث امك معك انت تحدثي معها اجعليها صديقتك اخبريها عن كل صغيرة وكبيرة في حياتك ثرثري معها قليلا فصداقة الام مع بنتها مفيدة جدا وخاصة في زماننا هذا
اما عن مساعدتك في تحضير الطعام واعداد العشاء فجميع الفتيات هكذا هذا امر طبيعي جدا لا بأس ببعض الحركة
انت تعلمين ان عورة المرأة حتى ركبتها فكيف تريدين ارتداء ملابس فوق الركبة؟ هناك تنورات جميلة ليس شرطا ان تكون قصيرة
اما عن التخصص الذي ستدخليه في المستقبل عندما ترى امك ان علاماتك مرتفعة ونسبتك في الثالث ثانوي ممتازة ستوافق ان تكوني طبيبة فلا تتعجلي وادرسي واجتهدي
دمتي بخير


__________________________________________________ __________

اختي حياتك طبيعيه والمشاكل الي تواجهينها في كل بيت انا معك في بعض الاشياء انها غلط ولكن الحل مو كذا بلاسلوب والحلــم كل شي يصير واصلحي ما بينك وبين الله يصلح ما بينك وبين الناس


الله يفرج همك ويسعدك


__________________________________________________ __________

الله يناولج الي في مرادك ان شاءالله يارب العالمين