هاديه ولكن ...........! مجابة
عنوان الموضوع : هاديه ولكن ...........! مجابة
مقدم من طرف منتديات نساء الجزائر
هاديه ولكن ...........!
السلام عليكم ورحمة الله وبركاته
بنات انا عمري 21 سنة
اجتماعية واحب الجمعات والوناسه
خلوقة وهذا ماامدح فيه نفسي كل اللي يشوفني يقول لي كذا ويشهد باخلاقي
مؤدبة ومحترمة وهذا موكلامي
بالاجتماعات اسولف واضحك لكني هاااااااااادية لالعد حد
يعني مو رايعه سوالف مثل اللي مايسكتون
سوالفي احسها مملة وتملل اللي معي
ابي اكون هذارة وراعية سوالف ابي اتكلم كثير
تخيلوا يابنات عادي يمر علي يوم كامل بدون مااسولف
حتى بالواتس اب دايم يقولون سولفي
دايم ساكتة ابي اكون راعي
سوالف ومو مملة للي جنبي
بس بقولكم شي
في ناس من اهلي مثل جدتي خالتي بنت عمي اذا ماحشيتي بوحدة او ماضحكتي عليها انتي مو راعية سوالف انا مااحب اتكلم بااحد ابدا ابدا
لانها غيبة وانا مااحب
يعني لاجتمعوا يتكلمون عن فلانة وعلانة انا مااتكلم لان اعرف لو قدامها ماقالوه وهذا غيبة وانا مااحب
انا اتكلم معهم عني عن مواقفي اهلي وش صار كذا شي عادي اتكلم عن وحدة بس مو اتكلم بشي مااقدر اتكلم به قدامها مثلا اقول حلوة وحبوبة
جدتي تبقول انتي مو مثل بنت عمك بالسوالف ؟؟؟؟؟
اذا تبي سوالف كلها حش وذم معليش ماابي اكون راعية سوالف
واذا ماحشينا باحد انتي وش فيك تتكلمين برسمية وانا والله عادي
والا تجي تقولك انتي متغيرة علي !! مافيني شي بس مااحششش
ولا احب السوالف اللي فيها اسئلة لاشياء ماقالها لي الانسان اللي قدامي
مااحب اسال احد ولا احب احد يسالني اشياء شخصية مررره الا ادا انارتكلمت له اوك عادي
!!! فهمتوا علي ؟
اعتبر نمسه او نحيسه ؟ كيف اغير هالشي باني اكون راعية سوالف مو غيبة ولا اسئلة
>>>>> ردود الأعضـــــــــــــــــــاء على الموضوع <<<<<
==================================
هلا خيتووو ..
ماشاءالله علييكي شخصيتك حلوة ..
لا يهمك كلام احد بالعكسسس .اااااه ذكرتيني ب نفسي . انا مثلك و عمري 21
و دايم يوم ازور اقاربي اجلس معاهم اسمع سواليفهم و اضحك بس مً اسولف ابدا
غير سوالف عادية عن فاشن و موضة و الدراسه بسس ..
و دائم يتكلموا عليا انتي بالعه لسانك وانتي مدري ايهه و مرة مسكت جوال اختي لقيتهم يتكلمو عليا صوتيا في الواتسس لأني هادية و كلامي ب حدود و اهلي كلهم عكسسسي .. كنت ازعل بالبداية و اقول ليهه انا كدا و ليه و ليهه .. بس بالعكس في الآخر قلت هذه شخصيتي و عاجبتني
صرت اسلك ل نفسي هع .. و اطنشم .. لين بنيت ثقتي ب نفسي ..
و انني حاولي تحبي حالك لا تتغيري عشان احد .. يقولون السكوت من ذهب هذا كلام ماما اذا جات تواسيني هع
.. اخيراً خلي ثقتك بنفسك عالية .. و الله يوفقك حبيبتي ..
.. ولا تنسي تطمنينا عليكي .. ♥
__________________________________________________ __________
انتي ماشاءالله عاقله والله يحفظج جذي ان شاءالله وصدقيني انتي محترمه و الكلام الكثير بجيب المشاكل والله يوفقج يارب العالمين
__________________________________________________ __________
انتي ماشاءالله عاقله
__________________________________________________ __________
السكووت احسن شيء بهذي الموااقف ..!
انتي مو نحيسه ولا شيء .. هذا من احترامك لنفسك ولغيرك وبالذات الغايب منهم ..!
شوفي ياعسل انا طبعي بعد مثلك بس ازيد عنك بكم شغلة خخ ومن ضمنها تريقتي ومزحي وتدبيري وتصريفي ^^
اول شيء وش يمنع تمزحين على جدتك ههه وخالتك وبنتها ..!
دامهم يحبون الضحك امزحي معامهم وسوي فيهم مقلب حلو بس مايخوف ^^ وخليهم يضحكون على نفسهم بدل الناس وبعدها بيفكرون يردونه لك وينشغلون عن الخلق ههه بس تحملي ..!
وبعدين خالتك وبنت عمتك قولي لهم انك ماتحبين الغيبة وحرام عشان لا يغتابون قدامك اقلها ..!
وجدتك سوي لها تصريف وقت ماتغتاب وغيري الموضوع العجايز مره يخقون على القصص وينسون سوالفهم هههه اساليني انا دراسه شهر لجدتي واتقنت بإمتياز بعد ..!
بقول لك وحدة من تصريفاتي وطبعا هي مو تصريف بقدر مراعتي لها وحتى ما تاخذ بخاطرها علي ..!
قبل ثلاث ايام جو عندي بنات خالتي على صلاة الفجر وفتحت الباب ودخلنا بهدوء لان جدتي كانت نايمه ههه وجلسنا بالغرفة اللي بجنب غرفتها وفتحنا عدتنا ونبعد الاكناب تمهيد لاستخدام حلاوة الشعر على يدييننا وسيقاننا وطبعا بدينا نشتغل فيها وصياح واهات و تنقيز .. وصحت جدتي معصبة وتصارخ شنو هالازعاج وبنات خالتي كل وحدة اخذت زاوية واتخبت فيها انا طلعت لها اشوف وش فيها .. تصارخ وش فيك وش عندك ليش الرجة رديت جدتي انتي قمتي .. تقول منك ..!!قلت لها افا عليك ياجدة انا اشيل شعر يديني عشان العيد قرب وتعور كل ماشلت صيحت ووريتها رجولي ويديني لمستها لانها ماتشوف الله يشفيك ياقلبي .. وقلت لها جدة خليني اشيل لك خخخ امازحها عشان العيد يالله اذا عندك تعالي اشيلهم الدح لازم جدة قعدت تضحك علي وتقول انا ماعندي مني صغيرة ولا اعرفه ما شاء الله عليك ياتيته.. عاد من خبالتي قلت حطيتي له رماد ههه يقولون مايطلع اللي تحطينه ؟ قالت لا مافينا احنا انتو اهل المدن فيكم من ماكم ههههه ..لانها تشتاق لديرة تطلع لسبب يفكها من المدن وراحت تنام واحنا نصارخ ونشيل ^^
على انها كانت تبي تخاصم وتفرقع وجيهنا بس لفيت الموضوع عليها ^^ ..!
مايحتاج اعلمك كيف تقلبين كل شيء لصالحك بس انتي اعرفي اللي قدامك وفكري فيه قبل نفسك ولا تذينه مهما كان..!
ترى الجدات بس تراعينهم وتمزحين معاهم وتحكينهم ماعاد يشوفون مثلك ..!
والخالات نفس الشيء بس يبغالك تصبين القهوة و تسالينها عن احوالها وتدعين الله بصدق مو بس قدامها ان الله يحفظ لها اولادها ومن تحب وحتى جدتك ادعي لها..!
وبعض الجدات يحبون يعرفون الاخبار مثل فلانه تزوجت فلانه جابت ولد فلان توظف فلان سافر ..!
وعاد تسمع وتدعي لهم او تزورهم يحبون كذا .. جربي وشوفي^^ ..!
بالتوووفيييق +خليك فطينة باللي حولك مو يمرون عليك والسلام .. تعلمي كيف تتعاملين معاهم ..!
__________________________________________________ __________
حاولي تقرين كثير عن معلومات مفيده وقصص مشوقه وفيها حكم ولا قعدتي معاهم سولفي فيها
في سوالف كثيره غير النميمه والحش بس الناس الله يهديهم
موووفقه
رد مع اقتباس
