عنوان الموضوع : بنات اخت زوجي يغارون مني مجابة
مقدم من طرف منتديات نساء الجزائر

بنات اخت زوجي يغارون مني



السسسﻻم عليكم..
اطرح مشكلتي عليكم ابغى شوركم..
مشكلتي انو بنات اخت زوجي مررره يغارون مني ويحبون ينرفزوني بشكل فضيع...طلباتهم ماتخلص ماكان عندهم اب..وغير الواتس يحاولون يشغلونه بالواتس عني دايم يسولفون معاه عشان انا انقهر..وﻻ يتحكمون حتى في مﻻبسي.بس انا مااطاوعهم..مثﻻ في عزومه يقولون له قولها تلبس الفستان الفﻻني انا البس غير..دايم ينتقدوني قدامه ومايعرف يرد..وادا قلت له حتى رد ماعرفت ترد عليهم قال مايقصدون ونيتهم طيبه ﻻتحطي هما ختى باسم ولدي تدخلو بس اصريت وسميته ع كيفي.من جد مليت منهم مع اني والله مااقول شي قدامهم وساكته واضحك..بس اﻻونه اﻻخيره صايره مااعطيهم وجهه ومااسولف حتى بس هوا يرفع صوته عليا ادا تاخرت ..وادا بغيت طلب يالله يجيبه والسوق يحددلي وقت اداى مانزلت فيه مايودي ثاني..بس هما ﻻ يماطلون فيه بالساعات وربي مايعصب عليهم..المشكله مايحترمونه يعني في كلمات مهما كان مانقولها لخالي بس هما عادي..ايش الحل معاهم وكيف اتصرف مع زوجي
ناقشته امس زعل وماكلمني وقال ليه تكرهيهم قلت احس هما زوجتك مو انا ..طفشششت منهم وربي..ساعدوني بليز

>>>>> ردود الأعضـــــــــــــــــــاء على الموضوع <<<<<
==================================


السلام عليكم
ياريت قلتي لنا اعمار بنات اخته عشان نحدد تصرفاتهن اذا مرحلة مراهقه ولا لا
شوفي بقولج شي المثل يقول كل ممنوع مرغوب الحين اذا قاطعتيهن وشكيتي لزوجج منهن اكيد بيزيد تعلقهم ببعض بس انتي خليج ذكية واكسبيهن لصفج وحاولي تصادقينهن وزوجج امدحيهن قدامه وبعدين انتي الي بتصيرين الكل بالكل والله اعرف حريم خوال جذي كل ماشافن الخال تقرب من بنات اخته يتقربن هن اكثر منه خصوصا اذا كانت الاعمار متقاربة بين الخال وبنات اخته
وبعدين مرحلة وتعدي بكرا كل منهن تتزوج وتلتهي بزوجها وبيتها وانتي الي بتبقيله فلا تخلين مشاكل بينج وبين زوجج عشان مشكله مؤقته وحلها بيدج
موووفقه


__________________________________________________ __________

قولي له هو يوقفهم عند حدهم مادامهم من طرفه وقربين منه


بس مالومه اذا ما شاف خطئهم بنات اخته


__________________________________________________ __________

بصراحة انا بقول لك اللي بخاطري ..!

انا اشوف انك انتي اللي تغارين منهم وتحسينهم يغارون منك ..!

يعني خالهم وش فيها لو اخذهم مشوار ولا شيء ..؟!

يعني مو لدرجة نتحسس من بنات الاخت لانهم يطلعون مع خالهم ..!

طيب كلموه واتس مثل اي شخص يكلم شخص ثاني عادي شققتي عن قلوبهم عشان تقولين هم بس يبون يبعدوني عنه ..!


أرسل النبي صلى الله عليه وسلم سرية وكان معهم الصحابي البطل الذي يحبه النبي صلى الله عليه وسلم حبا عظيما وهو اسامه بن زيد رضي الله عنهما ..
ابن الشهيد زيد بن حارثة ، وبينما المعركة دائرة هجم عليهم أحد الكفار و أخذ يقتل في المسلمين ..
فأنبرى له أسامة ، ففر منه الكافر واختبأ خلف شجرة ، ولما رفع اسامة سيفه ليضربه قال الكافر ( أشهد أن ا إله إلا الله ) ..
فهوى أسامه عليه بالسيف والرمح فقتله ، ظنا منه أنه يريد أن ينجو بنفسه ..

فعاتبه الصحابة عل ذلك ، ولاموه على فعله ، فقال لهم: ( لقد قالها تهربا من القتل )..
وعندما وصلوا إلى النبي صلى الله عليه وسلم أخبروه بما فعل أسامة ، فناداه فقال :
يا أسامة قتلته بعد أن قال لا إله إلا الله ؟ فقال : ( يا رسول الله إنما قالها لينجو بها من القتل ) ..
فقال صلى الله عليه وسلم وهو غضبان : ( هلا شققت عن قلبه ) (يعني هل فتحت قلبه لتعرف إن كان قالها صدقا أو كذبا )

ثم قالها لأسامه وهو يكررها كثيرا ، ماذا تفعل بلا إله إلا الله إذا جاءتك يوم القيامة ..
حتى قال أسامة من شدة خوفه لما فعل : فما زال رسول الله يكررها علي حتى ودتت لو انني أسلمت الآن ..( لماذا...لأن الإسلام يجب ما قبله ..)


انتي كمان كلميه واتس .. وبعدين هما اهله ما هما كان ..!

بعض الزوجات تشوف ان زوجها تزوجها خلاص ما يكلم ولا يودي اهله الا بشورها ..!

ترى ذا طبع مو زين ..! ويضرك بس تظنين تظنين حتى لو غاروا وش بيسوون يعني .. بيقولون طلقها ويطلقك مثلا ..!

مو بنات مراهقات وبزارين يضحكون على الرجال كذا ..!

وبعدين انتي قلتيها كل ماقالوا لك شيء تعاندين وتحطين اللي بكيفك عادي هم يعطونك رايهم اسمعي وطنشي .. واغلب الاهالي كذا ولد ولدهم يحبون يتملقفون ويتدخلون بإسمه بس مافي خلاف اذا اللي مشى رايك ليش تذكرين الي صار انسيه خلاص ..!

وتخلصي من هالطبع الشكاك والظن اللي ماوراء الا اثم ..!


__________________________________________________ __________

صح وبقولك شيء تقولين زوجك يصارخ عليك اذا تاخرتي عليه ..!

اغلب الرجال ما يحبون اللطعة ( القعدة وانتظار النسوان ) هو تلقينه يكره تتاخري عليه كثير او بسبب تاخرك تاخرينه عن شغله ..!

وبسبب ذا يعصب عليك .. انتي كوني
وحدة حية ( يعني سريعة تخلص امورها بسرعة ) ولا تمشين بطيء كانك تمشين على ديزل امشي سريع اذا كان زوجك مستعجل ..!

وبنسبة انه يحدد لك السوق ووقت معين عادي نفسي الطقة اللي عندي ^^ .. صدقيني كل الرجال ( السعوديين بالذات) كذا .. يعني مو جديد عليهم ..!

عادي اذا وداك السوق روحي اول مرة مثل مايبي اللي بعدها ترجيه يوديك واوعديه تخلصين بسرعة وحاولي قد ماتقدرين تخلصين ..!

واذا نقصدك شيء ولا شيء ومايبي يوديك اخوانك اتصلي عليهم يودونك انتي ولا مع اخواتك تشترين على راحتك ..!

ااو خليه ينزلك السوق ويمشي اذا خلصتي اتصلتي عليه ..!

كذا النظام مو استنى احد يزن على راسي ^^ ..!

بالتوووفيق ..!!


__________________________________________________ __________

ماشاء الله ..ذكرى ..كلامك رائع .. وانا اقول بعد ..انظري للإيجابي وابعدي عن السلبي...زي ماذكرتي سلبياتهم تذكري ان عندهم ايجابيات .. كلنا فيناا خير .. وانتي فيكي خير ... بس حكمي عقلك شوي وﻻتتحسسين... بالتوفيق اختي