عنوان الموضوع : سلفاتي الطبيب يجيب
مقدم من طرف منتديات نساء الجزائر

سلفاتي



السلام عليكم

هذي السالفه صار لها سنه
المهم انا لي سنه و شهور ممتزوجه وسلفتي تزوجة معاي في نفس اليوم
والحمدلله بدون مبالغ انا جدا. جميله والحمدلله والكل يشهد على ذالك ولبسي بدون مبالغ شيك واغلبه ماركات وسلفتي مافيها جمال يعني عاديه وفوق هذا كله اهم شي الاخلاق
في البدايه علاقتي مع سلفتي تمام وكان بينا زيارات وكذا

انا كنت اصلا. مااعرفها قبل الزواج مع انها من قرايبنا بس في منطقه ثانيه
وانا وهي متزوجين اخوان زوجها يصير ولد خالها
وانا زوجي مايقرب لي بس من الجماعه

واخوات زوجي ثلاث متزوجين اثنين متزوجين اخوات اللي هي سلفتي واختها
والثاني متزوج بنت اختهم

المهم بنت اختهم اول ماشفتها. سبحان الله ماارتحت لها كانت نظراتها لي غيره وحسد
ومره رحنا استراحه هذا طبعاً وقتها كنت عروسه
وهي وسلفتي واختها كانوا معنا في الاستراحه
وبعد مارحت البيت لقيت من اضافه في البلاك وقبلتها لان سلفتي قالت اعطيت البن حقك بنت اختي اللي هي سلفتي الثانيه

ومرت الايام ولاحظت سلفتي ترسل برودكاست عن الناس اللي شايفه نفسها انا في البدايه مااهتميت قلت يمكن تقصد احد بس ماجا عبالي ممكن تكون انا !

المهم مره كان فيه عزومه عن اهل زوجي وكنت متكخشه وكل شي ولاحظت نظارات سلفتي الثانيه اللي هي بنت اخت سلفتي
نظراتها مدري كيف
عادي انا مااهتميت

وبعد ماخلصت العزومه بدقايق ويوم هي راحت بيتها وانا رحت بيتي جاني برودكاست في البلاك هي مرسلته للعام بس واضح قصدها فيني
مكتوب فيه تواضعي وانتي شايفه نفسك ومن تواضع لله ومن هالكلام صراحه انا مو متذكره الكلام بالضبط
طنشتها عادي ولا كأن صار شي

وانا الحمدلله متواضعه بس هي مدري ليه تشوفني كذا ؟
وبعدين انا ماارتحت لها من اول ماشفتهاا

هي وسلفتي اللي تزوجت معاي علاقتهم مع بعض قويه ودايم بينهم زيارات لانها خالتها اول شي

مثال ثاني مره رحت لسلفتي اللي تزوجت معاي عندها عزومه
وكنت حاطه مناكير تيفاني وخاتم سان لوران < طبعاً وقتها كان هذا الشي موضه
وسلفتي الثانيه بس تطالع ف الخاتم والمناكير ولاحظتها زي الزعلانه وربي ماابالغ
المهم بعدها بشهرين سلفتي حطت صورة يدها وهي لابسه نفس الخاتم ونفس اللون ونفس المناكير
يعني وش قصدها هنا ؟

انا كنت في كل عزومه البس قصير لاني طويله وناسبني اكثر وسلفتي الثانيه جسمها دوبا وقصيره
وفي العيد تفاجأو اهل زوجي انها لابسه قصير يقولون اول مره تلبس قصير وانا بعد قابلتها في العيد هي وسلفتي اللي تزوجت معاي ماقالوا كيفك ولا شي ولا حتى ابتسموا
ولا كلموني ولا شي
وانت بعد عاملتهم نفس الشي لان هم اللي دخلوا بعدي في المجلس
واخت زوجي بعمري هي صديقتي وعلاقتي معها حلووه وكنا جالسين جنب بعض نضحك ونسولف واخت زوجي خلفه ماتطيق هالثنتين اللي هم اخوات زوجها وسلفتتي لانها تعرفهم زين
وسلفتي قامت من مكانها بتروح غرفه غرفه ثانيه وبعدين بترجع وهي ماشيه من جنبنا ضحكنا انا واخت زوجي لان دخلنا بسالفه اصلا
وسلفتي الثانيه كانت جالسه شكت اننا نضحك على بنت اختها لان بنت اختها جسمها من تحت دوبا يعني مؤخرتها كببيييره مره ومتعقده منها
وبعدين دخلت سلفتي المجلس ومشت من جنبنا وجلسنا نضحك هذي المره بصراحه ضحكنا عليها لان بنقهر خالتها عشان في البدايه شكت اننا نضحك على بنت اختها واول ماجلست بنت اختها على طول تعلمها ولاحظنا بنت اختها حقدت
المهم في حرمه شوي كبيره في السن تسألني عن اهلي وامي تعرفون انتم العجايز يحبون يسألون ورا بعض وكنت ارد عليها الحمدلله كلهم بخير

وبعد ماخلص العيد في نفس اليوم رحت البيت سلفتي ترسل عالعام وكاتبه لسلفتي الثانيه اللي هي خالتها كاتبه لها ( شفتي اللي اليوم ترد ع العجوز وكل شوي تقول الحمدلله شكل معها مرض توحد على كلمة الحمدلله )
وسلفتي اللي تزوجت معي ترد عليها ( ايوه شفتها شكل صدق معها )
وتجي ترد عليها بنت اختها ( وبعد شايفه نفسها )

وش رايكم في تصرف الاطفال ؟
المشكله انهم اكبر مني اعمارهم 27 26 وانا عمري 21

طنشتهم مارديت عليهم الشي اللي سويته حذفتهم لان اتوقع انهم استحقروا نفسهم على التصرف

المهم مين تشوفون الغلطان انا ولا هم ؟
ووش تلاحظون على تصرفهم الطفولي !

وعلى فكرا ماعمر احد قالي اني شايفه نفسي او متكبره الا هم
العيد هذا بيصير لنا سنه واحتا ماكلمنا بعض او قابلنا بعض
تصدقون انهم ساكنين معاي نفس العماره ولا شفنا بعض
كثير انزل لعمتي ولا اقابلهم ولا هن يقابلوني

يعني هذا العيد بنقابل بعض.

المهم وش تتوقعون من تصرفاتهم هذي بالذات سلفتيي الثانيه كانت متزوجه قبلي بااربع سنوات وهي اللي تصرفاتها غيره اتجاهي وانا مالي علاقه فيها

>>>>> ردود الأعضـــــــــــــــــــاء على الموضوع <<<<<
==================================


صرااااحه مت ضحححححك يا لبى قللللوبهم مره حبيتهم والله اني ما اكذب تدرين لو اني مكانك كن انبسطت وكل مره أسوي شي عشان الرد بالبرودكاست هاذا لحاله ينفع لطرد الطفش بس عشان استانس ،،،،

اما الحمد للله هاذي وش اقوووول فطسسسسسسسسسسسسست ،،،

أخيراً آنتي من اسلوبك شايفه نفسك احسن منهم ويمكن لو انا اشوفكم او احد ثاني يشوفهم اجمل لا تقرري عن نفسك هاذا فيما يخص اسلوبك ،،،


__________________________________________________ __________

واضح انهن غيرانات منكن طنشيهن ..


__________________________________________________ __________

ياختي طنشيهم ولا تهتمين لحرركاتهم و بيملون


مموفقه


__________________________________________________ __________


__________________________________________________ __________