عنوان الموضوع : ف لحظة غباء أعطيت حبيبي صورتي! -لصحتك
مقدم من طرف منتديات نساء الجزائر

ف لحظة غباء أعطيت حبيبي صورتي!



السلام عليكم ورحمة الله وبركاته


يا جماعه ساعدوني

أنا قبل شهر تقريبا تعرفت على شاب من سوريا عايش بالأردن وأهلو هنا ف السعوديه ضافني عالفيس كدا يعني ما اتوقعت يصير بيننا شي
المهم هرجت معاه شويا ومرا على مرا لمن قويت العلاقه بينا وحبينا بعض وصرت اكلمو واتس بس ولا أحد من اهلي يدري


وثقت فيه لأنو أعطاني رقم أختو وقالي أحكي معاها أنا قلت لها عنك وهيا توها ولدت
ف باركي لها واتحمدي لها بالسلامه وصيرو صاحبات قالي على اسمها وعلى حياتهم
واتأكدت لما شفت نفس الاسم ف النمبربوك وبرضو تحط صور بنتها المولوده
ف أنا واثقه ميه بالميه انو هذا رقم اختو

المهم طلب مني صوره ليا يبغا يشوفني ف وريتو صوره ما كانت واضحه أبدا
وطلب مني اتصور صوره واضحه ف اتصورت لو وارسلتها

يا جماعه أنا ماني عارفه ليييش اعطيتو صورتي ليش كنت غبيه لدرجة اني اعطيتو صورتي

هوا قالي انو حذفها بس أنا خايفه
توي حسيت انو الشي الي سويتو غلط

ايش اسوي والله ماني عارفه

خايفه يهددني فيها لو جا السعوديه ولا يرسلها لأختي لأنو يعرف الفيس حقها كمان

يا رببببي ساعدني

>>>>> ردود الأعضـــــــــــــــــــاء على الموضوع <<<<<
==================================


الله اعلم بنيتهةة الله يستر عليتس


__________________________________________________ __________

لا أظن يفعل ذلك و العلم لله


__________________________________________________ __________

ربي يستر عليك ان شاءلله مايصير الا كل خير لك


__________________________________________________ __________

قولي اللهم اني استودعتك صورتي الذي لاتضيع ودائعه وادعي ربك انها تنحذف
ولاتثقين في احد ابدا الله يهديك ويفرج عليك


__________________________________________________ __________

لا حول ولا قوة بالله ,, ماتقدري تسوي شىء غير انك تدعي ربك وتتوبي
الله يهديك و يستر عليك ..